Jɔnn 17:3 - Uwumbɔr aagbaŋ

³ Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

UWONBƆR A GBƆNPƆŊ LIKƆƆNL

³ Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Jɔnn 17:3 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 15:3

Israel aanib nan bi ni yunn pam, kaa nyi Uwumbɔr bamɔnn, kaa kpa bitotoorb bi ga mɔk bi na, kaa kpa nkaal mu.

Ilahn 9:10

Uwumbɔr, binib bi nyi si na ga tii si naadii; Saa siir cha umɔk dan aa chee na.

Ŋiyataŋak 8:35

Unii u kan mi na kan limɔfal la, le Uwumbɔr ga li gee u.

Aisaya 48:16

Dandana, foor mar ni m chee man ki nan pel maah ga len pu na. Ki nyan mpiin ngbaan m len maabɔr chain la, le n‑yoonn mɔmɔk m cha maah len pu na gbiini.” Tɔ, Ndindaan Uwumbɔr tii mi Waafuur Nyaan le ki tun mi.

Aisaya 53:11

U yaa jin falaa kan, nee aapuwɔb le u ga kan mpopiin; le ki ga bee ke waa jin falaa fam. Maatutunn bamɔnn u m gee u na ga gaa binib pam aatafadaan le m di cha pinn bi baatunwanbir.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Hosea 6:3

Cha ti pɔɔn tibaa man ki li nyi Uwumbɔr, ki nyi waah ban pu na. U ga sil dan ti chee ke kitaak aah ga woln pu na, u ga dan ti chee ke unaalantaal u sɔŋni kitiŋ na.”

Tibɔnyaan ti Mak ŋmee ti na 9:37

“Unii umɔk gaa ubo umina aaboln maayimbil pu na, u gaa mi le na. Unii umɔk gaa mi na, naa ye mi baanja le u gaa, u gaa Uwumbɔr u tun ni mi na la.”

Tibɔnyaan ti Luk ŋmee ti na 9:48

le ki tuk bi, “Unii umɔk gaa ubo wee maayimbil pu na kan, u gaa mi le na. Unii umɔk gaa mi na kan, u gaa Uwumbɔr u tun ni mi na le na. Unii u ye uwaatiir ni ponn ni na, uma le ye uninyuun.”

Jɔnn 10:36

M ma kan, Uwumbɔr nyan mi ki tun ni mi dulnyaa wee ni, le maah len ke m ye Ujapɔɔn na, ni bui ke m sii u uu?

Jɔnn 11:42

M nyi ke n‑yoonn mɔmɔk aa ŋun maah len aa chee pu na. Kinipaak ki si do na pu, le m len kina, ke bi pak ke sin le tun ni mi.”

Jɔnn 14:26

Nte Uwumbɔr ga tun ni Uteter, maayimbil pu. Uteter ngbaan ye Waafuur Nyaan la. Uma le ga mɔk nimi tibɔr mɔmɔk aatataa, ki ga teer nimi maah tuk nimi tibɔr timɔk na.

Jɔnn 17:18

Saah tun ni mi dulnyaa wee ni pu na, kina le m mu tun bi dulnyaa ni.

Jɔnn 17:21

M mee si ke bi mɔmɔk li ye unibaan. Nte Uwumbɔr, aa bi m ni, le m mu bi aa ni. Cha bi mu li bi ti ni, aan dulnyaa ni aanib pak ke aa sil tun ni mi.

Jɔnn 17:23

M bi bi ni, le aa mu bi m ni, ke bi kpaan unibaan mbamɔm, aan dulnyaa ni aanib bee ke aa tun ni mi, ki bee ke aa gee saanib ke saah gee mi pu na.

Jɔnn 17:25

Nte Uwumbɔr u ŋani ni ŋan na, dulnyaa aanib aa nyi si. Min le nyi si. Binib bimina mu bee ke aa tun ni mi la.

Jɔnn 17:8

ba pu? m tuk bi saah tuk mi tibɔr ti na, le bi gaa ti, ki nyi ke ni ye mbamɔn ke m nyan ni aa chee, ki pak ke si le tun ni mi.

Jɔnn 3:17

Uwumbɔr tun ni Ujapɔɔn dulnyaa ni. Waa tun ni u ke u nan ji dulnyaa wee ni aanib tibɔr, u tun ni u ke u gaa bi lii la.

Jɔnn 3:34

Yesu u Uwumbɔr tun ni u na le len uma Uwumbɔr aabɔr; ba pu? Uwumbɔr di Waafuur Nyaan mu kaa kpa ŋŋaŋ na gbiin u.

Jɔnn 5:44

Ni nyuŋni tɔb la, kaa ban ke Uwumbɔr, u ye Uwumbɔr baan na, li nyuŋni nimi. Ni ga ŋa kinye aan ki gaa mi ki kii?

Jɔnn 6:57

Nte Uwumbɔr u ye limɔfal daan ki tun ni mi na, u pu le m kpa limɔfal. Unii umɔk ji mi na, m pu le u mu ga li kpa limɔfal.

Jɔnn 7:29

Min le nyi u; uma le tun ni mi. M nyan ni u chee la.”

Jɔnn 8:19

Le bi baa u, “Aate bi la?” Le u bui bi, “Naa nyi mi, kaa nyi Nte mu. Ni yaa ba nyi mi kan, ni ba ga li nyi Nte mu.”

1 Korenti 15:34

Finn ngeen pu man, ki tun lituln li ŋan na, ki taa ki tun titunwanbir. Ni ponn ni bibaa aa nyi Uwumbɔr. M len kina ke m jinn nimi inimɔɔn la.

1 Korenti 8:4

Joo cha kitork aanann aajim aabɔr na, ti nyi ke ŋiwaa ŋimɔk bi dulnyaa wee ni na aa ye nibaa. Ti nyi ke Uwumbɔr ubaa baanja le bi.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

Filipi 3:10

M ban ke m bee Kristo, ni mpɔɔn mu fikr u nkun ni na, ki ji falaa u pu. M ban ke maabimbikpok kpo ke waah nan kpo pu na,

Filipi 3:8

Ni ye mbamɔn la, m yii tiwan mɔmɔk ke naa ye nibaa, ke m li nyi Yesu Kristo u ye Ndindaan na. Maah nyi u pu na, nima le jer tiwan mɔmɔk. U pu le m di tiwan mɔmɔk lii, ke ni ye timoor la, ke m gaa uma,

1 Tesalonika 1:9

Ba pu? binib ngbaan len ke taah nan dan ni chee na, ni nan gaa timi, ki di ŋiwaa lii, ki fenn ki dii Uwumbɔr, u ye limɔfadaan ki ye Uwumbɔr bamɔnn na,

2 Tesalonika 1:8

ki li joo ni mmiigaal u nan daa binib aatafal. Binib bi yii Uwumbɔr na, ni binib bi kaa kii Tidindaan Yesu aabɔnyaan tee na, u ga daa bima le aatafal.

Hiibru Yaab 3:1

Nnaabitiib bi bi chain, aan Uwumbɔr yin bi na, ni li dakl lik Yesu aabɔr. Ti dii u ki len binib aanimbil ni ke ti dii u la. Uwumbɔr nan tun ni u, ke u nan li ye utotoorninkpel.

2 Piita 1:2

Naah nyi Uwumbɔr ni Tidindaan Yesu pu na, bi ŋa tinyoor ŋa ni pu ki tii nimi nsuudoon pam.

2 Piita 1:3

Waapɔɔnsakpiin pu, le u tii timi tiwan nimɔk ga ter timi ke ti kan limɔfal ki dii u mbamɔn na. Taah nyi u pu na, nima le cha u tii timi. U nan mɔk timi ke u ŋan sakpen, ki kpa mbimbinyaan, ki yin timi ke ti dii u,

2 Piita 1:8

Nimi aabimbin yaa moo bi kina mbamɔm kan, nima le ga cha ni bee Tidindaan Yesu Kristo mbamɔm, ki tun waatuln sakpen, ki ŋa tinyoor tii u.

1 Jɔnn 1:2

Yesu, u ye limɔfal ngbaan na, nan di ubaa mɔk timi. Le ti kan u. Nima pu le ti ji seeraa, le ki tuk nimi limɔfal ngbaan aabɔr. Yesu le ye limɔfal li kaa kpa ndoon na daan. N‑yoonn mɔmɔk u nan bi Tite Uwumbɔr chee, le ki di ubaa nan mɔk timi.

1 Jɔnn 1:3

Ti tuk nimi taah kan pu na, ni taah ŋun pu na, aan ti ni nimi li kpaan kijɔtiik. Ni ye mbamɔn la, taah kpaan kijɔtiik na, ti ni Tite Uwumbɔr ni Ujapɔɔn Yesu Kristo le kpaan kijɔtiik ngbaan.

1 Jɔnn 2:23

Unii umɔk yii Uwumbɔr Aajapɔɔn na yii Uwumbɔr mu la. Unii umɔk gaa Uwumbɔr Aajapɔɔn na gaa Uwumbɔr mu la.

1 Jɔnn 4:6

Tima kan, ti ye Uwumbɔr yaab la. Unii umɔk nyi Uwumbɔr na pel taah len pu na. Unii umɔk kaa ye Uwumbɔr yoo na aa pel taah len pu na. Nimina le ga cha ti bee binib bi kpa Uwumbɔr Aafuur Nyaan mu ye mbamɔn na, ni binib bi ye Yesu aadin aabɔnabtiib na.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.