Jɔnn 15:7 - Uwumbɔr aagbaŋ

⁷ Ni yaa kpaan m chee, ki yaa joo maaliin nisui ni kan, mee Uwumbɔr naah ban pu na man, le u ga ŋa kina tii nimi.

UWONBƆR A GBƆNPƆŊ LIKƆƆNL

⁷ Ni ye ke ni be nin min wee n mɔleen be nin ni ke, ni baan naah ban nan biɛn bu ke, ni li kan ni.

Jɔnn 15:7 ပူးပေါင်းရင်းမြစ်များ

1 Bibɔrb 3:5

Liyaadaal ngbaan aanyeek, le Uwumbɔr nan koo u chee tidaŋ ni, ki baa u ke, “Aa gee ke m ŋa ba tii si?”

Job Aagbaŋ 22:26

Le aa ga di naadii tii Uwumbɔr n‑yoonn mɔmɔk le ki bee ke uma le ye saapopiin mɔmɔk.

Job Aagbaŋ 23:12

M ŋani Uwumbɔr aah len pu na n‑yoonn mɔmɔk la; m dii waageehn la, maa dii mbaa aasui aah ban pu na.

Ilahn 119:11

M joo saakaal nsui ni, ke m taa tun si titunwanbir.

Ilahn 37:4

Li ban saamɔɔn Uwumbɔr chee, le u ga tii si aasui aah ban pu na.

Ŋiyataŋak 10:24

Binib bi aabimbin ŋan na kani baah ban pu na la, le bibiindam kani baah san tiwan ni ijawaan sakpen na.

Ŋiyataŋak 4:4

U ga nan len ke, “Teer maah tuk si pu na n‑yoonn mɔmɔk ki taa suln ni daalbaadaal. Ŋa maah mɔk si pu na, ki li kpa limɔfal.

Aisaya 58:8

“N‑yoonn ngbaan le maaŋann ga dan ni chee ki wiin ke kichakpiik ni aawiin na, le nimi aabuun mɔmɔk ga yann mala. M ga li bi ni chee n‑yoonn mɔmɔk ki gaa nimi lii; maah ga li bi ni chee pu na ga li kii nimi ŋipepel mɔmɔk pu.

Jeremia 15:16

Aa len m chee tibɔr le m pel ki ŋun ti mɔmɔk. Tidindaan Uwumbɔr Mpɔɔnsakpiindaan, m ye sin yoo la, le saabɔr tii mi mmɔɔn, ni mpopiin.

Matiu 7:7

“Ni li mee Uwumbɔr man, le u ga tii nimi. Ni li ban Uwumbɔr chee man, le ni ga kan. Ni li kpaar jaaleŋ man, le u ga piir tii nimi.

Jɔnn 14:13

Ni yaa mee Uwumbɔr tiwan nimɔk maayimbil pu na kan, m ga ŋa naah ban pu na tii nimi, aan binib nyuŋ Uwumbɔr, min Ujapɔɔn pu.

Jɔnn 15:16

Nimi le aa nyan mi. Min le nyan nimi, ki siin ke ni li ŋani tinyoor ti ga li bi n‑yoonn mu kaa kpa ndoon na, ke ni yaa mee Nte Uwumbɔr tiwan maayimbil pu kan, u ga tii nimi.

Jɔnn 16:23

“Liyaadaal ngbaan, naan ki baa mi tiwan nibaa pu. M tuk nimi mbamɔn la, ni yaa mee Nte Uwumbɔr tiwan nimɔk maayimbil pu na kan, u ga tii nimi.

Jɔnn 8:31

Le u tuk Juu yaab bi gaa u ki kii na, “Ni yaa beenin joo maamɔbon kan, ni sil ye maadidiliib la.

Jɔnn 8:37

M nyi ke ni ye Abraham aayaabitiib, le ki tee ban ni ku mi. Ni yii maaliin la. Nima le cha ni ban ni ku mi.

Galantiya 4:2

U bi waaninkpiib ni bimɔmɔkb aaŋaal ni, ki nan saa nwiin mu ute siin na.

Galantiya 5:16

M tuk nimi la, cha Uwumbɔr Aafuur Nyaan le joo nimi man, ki taa ŋani nimi aabimbikpok aah gee pu na.

Ikaal 6:6

Ni taa suln ikaal i m joo tuk nimi din wee na bɔr.

Kolosiya 3:16

Cha Kristo aabɔr li bi nisui ni sakpen, ki tii nimi nlan. Ni li tuk tɔb waabɔr, ki li sur tɔb, ki li gaa ilahn i bi Uwumbɔr Aagbaŋ ni na, ni waanib aalahn, ni ilahn i Waafuur Nyaan mɔk nimi na. Ni li gaa ilahn ngbaan, ki li dooni Uwumbɔr nisui ni.

1 Jɔnn 2:14

Maabim, ni nyi Tite Uwumbɔr. Nima pu le m ŋmee tibɔr tee tii nimi. Ntetiib, ni nyi Yesu u nan bi n‑yoonn mɔmɔk na. Nima pu le m ŋmee tibɔr tee tii nimi. Binachipɔm, ni kpa mpɔɔn, le Uwumbɔr aabɔr bi nisui ni, le ni nyaŋ kinimbɔŋ ki kaa ŋan na. Nima pu le m ŋmee tibɔr tee tii nimi.

1 Jɔnn 2:27

Nimi le Yesu nan tii Waafuur Nyaan. Waafuur Nyaan ngbaan beenin bi ni ni. Nima pu na, naa ki ban ke unii ubaa mɔk nimi waabɔr. Waafuur Nyaan le mɔk nimi Uwumbɔr aabɔr mɔmɔk. Waafuur Nyaan aah mɔk nimi pu na, ni ye mbamɔn la, naa ye nnyamɔn. Nima pu na, kii man Waafuur Nyaan aah mɔk nimi pu na, ki li kpaan Yesu chee n‑yoonn mɔmɔk.

1 Jɔnn 3:22

Ti kii waamɔb la, ki ŋani tiwan ni piir usui na. Nima pu, taah mee u tiwan ni na, u tii timi.

1 Jɔnn 5:14

Ti kpa lipobil ki mee Uwumbɔr ki bee ke ti yaa mee u tiwan ni ye waageehn na kan, u ŋun timi aameel la.