Jɔnn 15:6 - Uwumbɔr aagbaŋ

⁶ Unii yaa kaa kpaan m chee kan, u ga ŋa yɔli ke mbon mu kaa tuu busub pu na aah kuur pu na la. Le Uwumbɔr ga mee u lii ke binib aah peei ibokuun pu ki joo tuur mmii na.

UWONBƆR A GBƆNPƆŊ LIKƆƆNL

⁶ Ni ye wan biɛn kaa lagin be nin min ke, u nann nbon man bi gaa jaa wee mi koor le; ibon nmɔn a bosu le bi pii, ki jaar nŋmi-n le yin gaa boor.

Jɔnn 15:6 ပူးပေါင်းရင်းမြစ်များ

2 Samuel 23:7

see aa di tikur aadɔ, bee kikpaatuŋ le meeh i; bi mɔmɔk ga wu mmii pel pel.

Job Aagbaŋ 15:30

le waan ŋmaa san ŋmar mbɔmbɔɔn chee. U ga li naahn busub bu aabon wun mmii, aan libuln daa bu aapuun buen na la.

Ilahn 80:15

Ti ye saasubil aasub bu aa nan ŋum aan bu laa ye buwaatiir, aan aa cha bu kpa mpɔɔn na, dan ki nan gaa timi lii.

Aisaya 14:19

le aa ma aa kpa likaakul, le bi di si mee ke aa bur. Bi di butɔb aajab bi bi ku bi butɔb ni na aanikpol le di biin aa pu, ki di ni mɔmɔk mee ŋa kitanbuuk ni, ki taa taa ni pu,

Aisaya 27:10

Kitisakpeŋ ki bi nan maa ŋigon kiir ki na ber doo a. Ki gur nkuun ke nteersakpiin na la. Ki kpaln inaa aamoŋmɔpaan, nin chee i ga fuur ki ki fii ŋmɔ na la.

Esekiel 17:9

“Le min Bidindaan Uwumbɔr baa ke: ndaan aasubil aasub ngbaan ga li bi ki ŋa busub aa? Njan aakaagiil na aan nan daa ŋɔb bu, ki ker ŋaasubil lir, ki kool kool ŋaapan, ki cha ŋi yɔl aa? Naan li pɔɔ, kaan li pɔɔ ke litimbol li kaa pɔɔ na nan ŋɔb bu lii.

Matiu 13:41

Min Unibɔn Aabo ga tun ni maatuuntiib dulnyaa wee ni, bi nan chuu titunwanbirdam, ni bitɔtɔŋ mɔmɔk, aan ki nyan bi maanaan ni,

Matiu 27:5

Le u di ŋimombil ngbaan di lii Uwumbɔr Aadichal ni, ki siir cha bi, le ki buen ti leen ubaa ŋŋmin le ki kpo.

Matiu 3:10

hali dandana wee Uwumbɔr toor kichɔk ke u ti gaa isui. Isui imɔk kaa lu ŋisubil ŋi ŋan na, u ga gaa i, ki di ŋa mmii ni.

Matiu 7:19

Busub bumɔk kaa lu ŋisubil ŋi ŋan na kan, bi ga gaa bu, ki di ŋa mmii ni.

Jɔnn 15:2

Ibon imɔk bi m pu kaa lu ŋisubil na, u ga per i lii. Ibon imɔk lu ŋisubil na, u ga toor i, i moo lu ŋisubil.

Hiibru Yaab 10:27

U ga kan ntafadaan mu kpa ijawaan na; ba pu? Uwumbɔr ga gee liŋuul pam, ki di waadim ŋa mmii mu ton sakpen na ponn ni.

2 Piita 2:20

Binib yaa nyi Tidindaan Yesu Kristo u gaal timi lir na, ki nyan ni titunwanbir ti bi dulnyaa wee ni na aan titunwanbir ngbaan ki nyaŋ bi kan, baadoon ga li bir ki jer baapiin aah nan bi pu na.

1 Jɔnn 2:19

Binib bi ye Kristo aadim na nyan ti chee. Bi mu aa nan ye timi aanib. Bi yaa ba ye timi aanib kan, bi ba ga li beenin bi ti chee. Bi nyan ti chee ke ti bee ke bi ponn ni ubaa aa ye timi aanii.

Tibɔkpiirkaan 20:15

Le bi di binib bimɔk aayimbil aa ŋmee limɔfal aagbaŋ ni na ŋa mmii ngbaan ponn ni.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”