Jɔnn 15:20 - Uwumbɔr aagbaŋ

²⁰ Teer man maah nan tuk nimi pu na ke, ‘Unaagbiija ubaa aa jer udindaan.’ Bi yaa nan ŋa mi falaa kan, bi ga ŋa ni mu falaa. Bi yaa nan kii maaliin kan, bi ga kii nimi aaliin mu.

UWONBƆR A GBƆNPƆŊ LIKƆƆNL

²⁰ Ni li tiɛr imɔbon yan wee n nan pag ki sei nin na: ‘Utoontunn kaa yab jon u daau wi.’ Ni ye bi nan mugirim ke, bi li mugir ni mu. Ni ye bi chee sei n wɔɔm ke, bi li chee sei ni mu a wɔɔm.

Jɔnn 15:20 ပူးပေါင်းရင်းမြစ်များ

Esekiel 3:7

le Israel aanii ubaa aan li ban ke u pel; baan kpaan pel min mbaa chee kpala. Bi mɔmɔk kpa tafalaaŋun le ki ye bimɔyiib.

Matiu 10:24

“Unii u bae mbaem na aa jer waamɔmɔkr. Unaagbiija ubaa mu aa jer udindaan.

Tibɔnyaan ti Mak ŋmee ti na 10:39

Le bi bui u, “Ti ga ŋman.” Le u bui bi, “Ni ga sil ji falaa ke maah ga ji pu na.

Tibɔnyaan ti Luk ŋmee ti na 2:34

Le Simeonn ŋa Uwumbɔr aanyoor ŋa bi pu, le ki bui ubo ngbaan aana Mari, “Uwumbɔr nyan ubo ngbaan ke u sunn timi Israel yaab ponn ni pam taab, ki nyuŋ ti ponn ni pam mu. U ye limɔkl li binib pam ga yii li na.

Tibɔnyaan ti Luk ŋmee ti na 6:40

Unii u bae mbaem na aa jer waamɔmɔkr. Unii umɔk bae mbaem ki chikr na ga li bi ke waamɔmɔkr aah bi pu na la.

Jɔnn 10:31

Waah len kina na, le Juu yaab ki yoor ŋitakpal bi ti mae u.

Jɔnn 11:57

Le Uwumbɔr aatotoorninkpiib ni Farisii yaab nan bui bi ke unii ubaa yaa nyi waah bi nin chee na kan, u mɔk bi, aan bi buen ti chuu u.

Jɔnn 13:16

M tuk nimi mbamɔn la, unaagbiija ubaa aa jer udindaan. Unii u bi tun ni u na ubaa aa jer unii u tun u na.

Jɔnn 5:16

Nima pu le Juu yaab nan muk Yesu, ke ba ŋa u tii ubun laafee likpaakool daal.

Jɔnn 7:32

Farisii yaab nan ŋun kinipaak ngbaan looni len Yesu aabɔr kina. Le bi ni Uwumbɔr aatotoorninkpiib tun baatutum ke bi ti chuu ni u.

Jɔnn 8:51

M tuk nimi mbamɔn la, unii yaa joo maaliin kan, waan kpo.”

Jɔnn 8:52

Le bi bui u, “Dandana wee ti bee ke aa kpa kinimbɔŋ la. Tiyaaja Abraham nan kpo. Uwumbɔr aabɔnabtiib mu nan kpo, le aa len ke unii yaa joo saaliin kan, waan kpo.

Jɔnn 8:59

Le bi yoor ŋitakpal bi ti mae u. Le u miln ki nyan Uwumbɔr Aadichal ni.

Lituln 14:22

Baah dii ntim ngbaan ni na, le bi pɔɔk Yesu aanib aataakpab, ki toor tuk bi Uwumbɔr aabɔr, le ki tuk bi ke bi sil Yesu aachaŋ ni, ke binib yaa ban bi koo Uwumbɔr aanaan ni kan, bi ga ji falaa sakpen le ki nin koo ni.

1 Korenti 4:12

Ti tun lituln linimaln, ki joo timi aaŋaal imina le ki tun. Binib seei timi la, le ti bui bi ke, “Uwumbɔr ŋa tinyoor ŋa ni pu.” Bi ŋani timi falaa la, le ti ji limɔr.

2 Korenti 4:9

Binib ŋani timi falaa, le Uwumbɔr aa di cha timi. Bi lii timi kitiŋ, ki mu aa ku timi.

1 Tesalonika 2:15

Bima Juu yaab nan ku Uwumbɔr aabɔnabtiib ni Tidindaan Yesu mu, ki jenn nyan timi mu. Baa piir Uwumbɔr aasui. Bi ye binib mɔmɔk aadim la,

2 Timoti 3:12

Ni ye mbamɔn la, binib bimɔk ye Yesu Kristo yaab ki ban ke bi li bi mbamɔm Uwumbɔr aanimbiin ni na, binib ga ŋa bi falaa la.

1 Samuel 8:7

le Uwumbɔr bui u ke, “Ŋun binib ngbaan aah len pu na mɔmɔk. Naa ye sin le bi yii, min le bi yii ke maa ye baabɔr.