Jɔnn 15:10 - Uwumbɔr aagbaŋ

¹⁰ M ŋani Nte Uwumbɔr aah tuk mi pu na, le u beenin gee mi. Ni mu yaa ŋani maah tuk nimi pu na kan, m mu ga li beenin gee nimi.

UWONBƆR A GBƆNPƆŊ LIKƆƆNL

¹⁰ Ni ye ke ni chee sei n siimin ke, ni li be nin n jiɛmin yaan, ke maah chee sei n Baa a siimin man wee ki be u jiɛmin yaan man nin.

Jɔnn 15:10 ပူးပေါင်းရင်းမြစ်များ

2 Samuel 22:22

M kii Uwumbɔr aakaal; maa fenn mpuwɔb tii Maawumbɔr.

2 Bibɔrb 18:6

U nan tii Uwumbɔr naadii le kaa kee yii umɔb daalbaadaal, le ki nan tee joo ikaal i Uwumbɔr nan di tii ni Moses na mbamɔm.

Nnyam 7:6

Moses ni Aaronn nan ŋa Uwumbɔr aah bui ke bi ŋa pu na.

Aisaya 50:5

Uwumbɔr tii mi ntafaŋum, le m kii kaa yii waamɔb, kaa fenn mpuwɔb tii u.

Jɔnn 10:18

Ubaa aan nyan maamɔfal m chee. M ga di li bil maageehn pu la. M kpa mpɔɔn ke m di li bil, ki kpa mpɔɔn ke m ki yoor li. Nte Uwumbɔr le tuk mi ke m ŋa kina.”

Jɔnn 12:49

ba pu? maa len mbaa pu. Nte Uwumbɔr u tun ni mi na, uma le tuk mi maah ga len pu na.

Jɔnn 14:15

“Ni yaa gee mi kan, ni ga kii maamɔb,

Jɔnn 14:21

“Unii umɔk nyi maakaal ki kii mu na, uma le gee mi. Unii yaa gee mi kan, Nte Uwumbɔr ga li gee udaan ngbaan. M mu ga li gee u, ki ga di mbaa mɔk u.”

Jɔnn 14:23

Le Yesu bui u, “Unii yaa gee mi kan, u ga kii maaliin, le Nte Uwumbɔr ga li gee u, le ti ga dan u chee, ki ga li bi u chee.

Jɔnn 14:31

M ban ke dulnyaa ni aanib bee ke m gee Nte Uwumbɔr, nima le m ŋani waah tuk mi pu na mɔmɔk. “Fiin, ti li cha man.”

Jɔnn 17:4

M nyuŋ si dulnyaa wee ni; m tun saah tii mi lituln li na ki doo.

Jɔnn 4:34

Le u bui bi, “Maajikaar le ye ke m ŋa Uwumbɔr u tun ni mi na aah gee pu na, ki tun waatuln doo.

Jɔnn 8:29

U tun ni mi na bi m chee la. Waa cha m bi mbaa; ba pu? n‑yoonn mɔmɔk m tun lituln li piir usui na la.”

Jɔnn 8:55

Le naa nyi u. Min le nyi u. M yaa len ke maa nyi u kan, m ga li ye unyamɔndaan la, ke naah ye binyamɔndam pu na. M sil nyi u, ki joo waaliin.

1 Korenti 7:19

Lichakpangeel aa kpa tinyoor. Unii yaa kaa gii kan, ni mu aa kpa tinyoor. Ti yaa kii Uwumbɔr aamɔb kan, nima le kpa tinyoor.

1 Tesalonika 4:1

Tinaabitiib, ti nan mɔk nimi naah ga ŋa pu ki piir Uwumbɔr aasui na. Le ni ŋani kina. Ti gaŋni nimi, ki sur nimi Tidindaan Yesu aayimbil pu ke ni li moo ŋani kina.

Hiibru Yaab 7:26

Yesu le ye utotoorninkpel taah ban pu na. U bi chain, kaa kpa ngalm, kaa kpa titunwanbir tibaa. U ni titunwanbirdam aa kpaani. Uwumbɔr yoor u paacham ki jer bimɔk bi paacham na.

2 Piita 2:21

Bi yaa kaa ba nyi nsanyaan ngbaan kan, ni ba ga li soor ni baah nyi mu aan ki yii Yesu aabɔnyaan ti bi ŋun na.

1 Jɔnn 2:3

Ti yaa kii Uwumbɔr aamɔb kan, nima le cha ti bee ke ti nyi u.

1 Jɔnn 2:5

Unii umɔk kii Uwumbɔr aamɔb na, uma le gee Uwumbɔr mbamɔm. Unii umɔk len ke u kpaan Uwumbɔr chee na, u li bi ke Yesu aah bi pu na. Nima le cha ti bee ke ti kpaan Uwumbɔr chee.

1 Jɔnn 5:3

Ti yaa gee Uwumbɔr kan, naatataa le ye ke ti kii waamɔb. Le waamɔb aa pɔɔ.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.