Jɔnn 14:21 - Uwumbɔr aagbaŋ

²¹ “Unii umɔk nyi maakaal ki kii mu na, uma le gee mi. Unii yaa gee mi kan, Nte Uwumbɔr ga li gee udaan ngbaan. M mu ga li gee u, ki ga di mbaa mɔk u.”

UWONBƆR A GBƆNPƆŊ LIKƆƆNL

²¹ Wan biɛn chee ki ŋmag n siimin kaah ban man ke, u ma ye wan jiɛm. Wan jiɛm ke u li kan njiɛm n Baa ban, le n mu li jiɛ u ki ta nba ki wɔɔn u.”

Jɔnn 14:21 ပူးပေါင်းရင်းမြစ်များ

2 Bibɔrb 18:6

U nan tii Uwumbɔr naadii le kaa kee yii umɔb daalbaadaal, le ki nan tee joo ikaal i Uwumbɔr nan di tii ni Moses na mbamɔm.

Ilahn 35:27

Cha binib bi ban ke bi kan ke m nyan tibɔr ni na li tar mpopiin pu ki len, ki ki gir len ke, “Uwumbɔr aapɔɔn nyaŋ a. Usui piir waatutunn aah kan linyaŋ pu na pu.”

Nnyam 33:18

Le Moses mee ke, “Uwumbɔr, kina kan, cha m kan si, saawiihn mu moor ki deer ŋinimbil na ni.”

Ŋiyataŋak 8:17

M gee binib bi gee mi na; unii umɔk ban mi na ga kan mi.

Jeremia 31:31

Uwumbɔr len ke, “N‑yoonn choo le m ga nan puu tipuupɔln tii Israel ni Juda aanib.

Sefania 3:17

Nidindaan Uwumbɔr bi ni chee; waapɔɔn le tii nimi linyaŋ. Uwumbɔr ga li neen nimi le ki ga tii nimi limɔfapɔln waageehm ni. Nimi pu le u ga gaa ilahn ki li kpa mpopiin,

Tibɔnyaan ti Luk ŋmee ti na 11:28

Le Yesu bui ke, “Binib bi ŋun Uwumbɔr aabɔr ki kii ti na, Uwumbɔr aanyoor bi bima le pu.”

Jɔnn 14:15

“Ni yaa gee mi kan, ni ga kii maamɔb,

Jɔnn 14:18

“Maan di nimi lii nibaa. M ga gir ni ni chee.

Jɔnn 15:14

Ni yaa ŋani maah tuk nimi pu na kan, ni ye njɔtiib la.

Jɔnn 16:14

Mu ga nyuŋ mi; mu ga di maabɔr tuk nimi.

Jɔnn 16:27

uma ubaa le gee nimi; ba pu? ni gee mi, ki pak ke m nyan ni u chee.

Jɔnn 17:23

M bi bi ni, le aa mu bi m ni, ke bi kpaan unibaan mbamɔm, aan dulnyaa ni aanib bee ke aa tun ni mi, ki bee ke aa gee saanib ke saah gee mi pu na.

Lituln 22:18

le m kan lijinjiir aawan; m kan Tidindaan, ki ŋun u bui mi ke, ‘Fiin, ki nya Jerusalem ni mala. Aa yaa tuk do chee na aanib maabɔr kan, bi ga yii, kaan gaa ti.’

2 Korenti 12:8

Le m mee Tidindaan nfum mutaa ke u nyan mi limukl ngbaan ni.

2 Korenti 3:18

Ti mɔmɔk waa Tidindaan aah wiin chain pu na. Nibaa aa bi ki dok timi ke ti taa li waa u. Tidindaan u ye Nfuur Nyaan na le cha ti bi kpelni, ki naŋni u, ki moo wolni n‑yoonn mɔmɔk, ke waah wiin chain pu na.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

Ikaal 11:13

“Kina pu na, ni li joo waakaal i m di tuk nimi din wee na mbamɔm, ki li gee Nidindaan Uwumbɔr, ki li joo nisui mɔmɔk tun waah ban pu na.

Ikaal 7:13

U ga li gee nimi ki ŋa tinyoor ŋa ni pu, nima kan, ni ga pɔr kpee, ki li kpa mbim pam. U ga ŋa tinyoor ŋa nimi aasar, ni tijikaar, ni ndaan aasubil, ni olif aakpan pu; u ga ŋa tinyoor ŋa ni pu, ki tii nimi tiwakor pam. U ga ŋa ni pu tinyoor tee mɔmɔk aaboln, kitiŋ ki pu u nan puu tii niyaajatiib ke u ga di tii nimi na.

2 Tesalonika 2:16

Tɔ, Tite Uwumbɔr gee timi sakpen. Waabulchinn pu, le u tii timi lipobisoon li kaan doo na, ni limakl nyaan.

2 Timoti 4:22

Tidindaan li bi saawiin chee. Uwumbɔr ŋa tinyoor ŋa ni pu.

1 Jɔnn 2:5

Unii umɔk kii Uwumbɔr aamɔb na, uma le gee Uwumbɔr mbamɔm. Unii umɔk len ke u kpaan Uwumbɔr chee na, u li bi ke Yesu aah bi pu na. Nima le cha ti bee ke ti kpaan Uwumbɔr chee.

1 Jɔnn 3:1

Lik Tite Uwumbɔr aah gee timi sakpen pu na. U yin timi ke waabim. Le ti mu sil ye waabim. Dulnyaa aanib aa nyi Uwumbɔr. Baah kaa nyi Uwumbɔr na, nima pu le baa nyi ti mu.

1 Jɔnn 5:3

Ti yaa gee Uwumbɔr kan, naatataa le ye ke ti kii waamɔb. Le waamɔb aa pɔɔ.

2 Jɔnn 1:6

Ti yaa gee Uwumbɔr kan, naatataa le ye ke ti li keei waamɔb. Naah nan piin ki dii Yesu aasan na, ni nan ŋun nkaal ngbaan la, le ki di nan saa din. Nkaal ngbaan le ye ke ti li gee tɔb n‑yoonn mɔmɔk.

Tibɔkpiirkaan 2:17

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na kan, m ga tii u tijikaar ti bɔr aan bi yin ti ke mana na, ki ga tii u litakpapiln li liyimbipɔln ŋmee li pu na. Ubaa aan li nyi liyimbipɔln ngbaan; unii u gaa li na baanja le ga li nyi.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.

Tibɔkpiirkaan 3:20

Li pel man, m si mbisamɔb chee ki kpaar jaaleŋ. Unii umɔk ŋun maaneel ki piir tii mi na, m ga koo ni u chee, ki nan ji u chee tijikaar, u mu ga ji m chee.