Jɔnn 12:36 - Uwumbɔr aagbaŋ

³⁶ Buyoonn min u ye nwiihn na laa bi ni chee na, gaa mi ki kii man, aan ki ŋa nwiihn ni aabim.” Yesu aah len kina na, le u nyan nima ki bɔr ke bi taa ki kan u.

UWONBƆR A GBƆNPƆŊ LIKƆƆNL

³⁶ Ni ta ni yada ki ŋa wan ye nwonween wee ki la be ni ban ni na, wee ni nan kpann nwonween a bum.” Yisa kaah nan pag man ki diɛ-n, le u fɔɔr bi ban ki tan woon.

Jɔnn 12:36 ပူးပေါင်းရင်းမြစ်များ

Aisaya 60:1

Jerusalem, fii sil, ki li wiin ke nwiin na; Uwumbɔr aanyuŋ aah wiin chain pu na bi wolni aa pu.

Matiu 21:17

Yesu aah len kina na, le u siir cha bi, le ki nyan Jerusalem, ki buen Betani aatiŋ ni, u ti doon nima.

Matiu 5:14

“Nimi le ye dulnyaa wee ni aawiihn, ni woln binib aanimbil. Kitisakpeŋ ki bi ligongoln paab na aan ŋmaa bɔr.

Tibɔnyaan ti Luk ŋmee ti na 16:8

Tɔ, ututunn u kaa ŋan na aadindaan aah ŋun ni pu na, le u pak u, ke waah ŋa pu na, u kpa nlan la. Naatataa le ye ke dulnyaa wee aanib kpa nlan baabɔr ni ki jer Uwumbɔr aanib aah kpa pu na.

Jɔnn 1:7

U dan ke u nan tuk binib nwiihn ngbaan aabɔr, aan binib mɔmɔk ŋun waah len pu na, aan ki gaa nwiihn ngbaan.

Jɔnn 11:54

Nima pu le Yesu aa nan ki chuun mpaan pu Juu yaab aatiŋ ni. U nan nyan nima ki buen kitiŋ kibaa ni, bi yin ki ke Efraim, le u ni waadidiliib ti bi nima. Kaa daa nteersakpiin chee.

Jɔnn 12:37

U nan tun lijinjiir aatun pam binimbil ni. Bi mu aa nan gaa u ki kii.

Jɔnn 12:46

M ye nwiihn le ki dan dulnyaa ni ke m nan woln binib aanimbil, aan unii umɔk gaa mi ki kii na kan, waan ki li bi mbɔmbɔɔn ni.

Jɔnn 3:21

Unii umɔk tun lituln li ŋan na kan, u choo nwiihn ponn ni ke unii mɔmɔk nan kan waah tun pu na, ke u tun Uwumbɔr aah gee pu na la.

Jɔnn 8:12

Yesu nan ki len kinipaak ngbaan chee ki bui bi, “Min le ye dulnyaa ni aawiihn ki wolni binib aanimbil. Unii umɔk dii mi na aan li bi mbɔmbɔɔn ni. U ga li kpa limɔfal, ki ga li bi nwiihn ni.”

Jɔnn 8:59

Le bi yoor ŋitakpal bi ti mae u. Le u miln ki nyan Uwumbɔr Aadichal ni.

Efesusi 5:8

N‑yoonn mbaa, ni mu nan bi mbɔmbɔɔn ni la. Dandana, naah kpaan Tidindaan ni na, ni bi nwiihn ni la. Naah bi nwiihn ni na, ni li bi mbamɔm, ke nwiihn ni aanib aah bi pu na.

1 Tesalonika 5:5

Ba pu? ni mɔmɔk ye nwiihn ni aabim la. Ni ye nwiin pu aabim la. Taa ye kinyeek yaab, kaa ye mbɔmbɔɔn ni yaab.

1 Tesalonika 5:8

Tima ye nwiin pu aabim la, nima pu na, cha ti chuu tibaa man. Cha ti tii Yesu naadii, ki li gee tɔb. Ti yaa ŋani kina kan, nima le ga biin ti pu, ke tikur ti bii kibiŋ pu na. Le ti yaa kpa limakl ke ti ga sil ŋmar kan, ni ga li bi ke tikur aayikpupuk ki bii tiyil na.