Jɔnn 12:2 - Uwumbɔr aagbaŋ

² Le bi ŋa tijikaar ti ŋan na nima tii Yesu. Mata nan yoor tijikaar ngbaan siin bi. Lasarus nan ye binib bi nan ji Yesu chee tijikaar na ponn ni ubaa.

UWONBƆR A GBƆNPƆŊ LIKƆƆNL

² Do le kitiŋ nmɔn yaab nan sei Yisa jilima ki ŋa kunyiɛg a jiir ki sei u ma nin u bɔɔnɔɔb. Maata li nan por ti, le Lazarusi nan jin Yisa nin u bɔɔnɔɔb ban.

Jɔnn 12:2 ပူးပေါင်းရင်းမြစ်များ

Solomonn Aalahn 4:16

Ŋŋangan wɔb aabuln, finn ngeen pu. Ŋŋangii wɔb aabuln, daa maasaak pu. Cha nnun mu mɔ na gaa ni mɔmɔk. Cha mbɔɔn dan waasaak ni ki nan moo kaasubil ŋi mɔ na.

Matiu 26:6

Tɔ, Yesu nan bi Betani aatiŋ ni, ki bi Simonn u nan ye ukɔndaan na do, ki bi ji tijikaar.

Tibɔnyaan ti Mak ŋmee ti na 14:3

Tɔ, Yesu nan bi Betani aatiŋ ni, ki bi Simonn u nan ye ukɔndaan na do, ki ka ji tijikaar. Waah ka ji tijikaar kina na, le upii ubaa koo ni ki joo ni tulalee u kpa kidaak sakpen na, bi yin mu ke naad, ki bi kpalba nyaan u bi yin u ke alabasta na ponn ni. Upii ngbaan nan chuu gii kpalba ngbaan aaneen ni, ki di tulalee na mɔmɔk kpir Yesu aayil pu.

Tibɔnyaan ti Luk ŋmee ti na 12:37

Bitutum bi lik bidindaan aah ga fuu ni pu na, Uwumbɔr aanyoor bi bi pu. M tuk nimi mbamɔn la, u ga cha bi kal, ki ga di tijikaar siin binimbiin ni.

Tibɔnyaan ti Luk ŋmee ti na 14:12

Le Yesu bui Farisii yaab aaninkpel u yin u ke u dan nan ji tijikaar na, “Aa yaa ŋa njim kan, taa yin aajɔtiib, bee saamaal aanib, bee aanaabitiib, bee aaŋeen aatɔtiib bi ye biwankpadam na, ke bi dan nan ji; ba pu? bi mu ga ki yin si ke aa nan ji bi chee tijikaar ki teen.

Tibɔnyaan ti Luk ŋmee ti na 22:27

Unii u ŋa tijikaar na, ni unii u ji na, ŋma jer uken? Naa ye unii u ji na aa? Mma kan, m bi ke ututunn na le ni ponn ni.

Tibɔnyaan ti Luk ŋmee ti na 5:29

Le Liifai ŋa tijikaar sakpen waadichal ni ki tii Yesu. Le bilampoogaab pam ni binib biken dan nan ka ji bi chee tijikaar.

Tibɔkpiirkaan 3:20

Li pel man, m si mbisamɔb chee ki kpaar jaaleŋ. Unii umɔk ŋun maaneel ki piir tii mi na, m ga koo ni u chee, ki nan ji u chee tijikaar, u mu ga ji m chee.