Jɔnn 11:51 - Uwumbɔr aagbaŋ

⁵¹ Waah len pu na, naa ye ubaa pu le u len. U nan ye Uwumbɔr aatotoorninkpel le libiln ngbaan. Nima pu na, Uwumbɔr Aafuur Nyaan nan cha u len ke Yesu ga kpo litimbol ngbaan aanib mɔmɔk pu.

UWONBƆR A GBƆNPƆŊ LIKƆƆNL

⁵¹ Waa nan len ni nan u tɔɔl a wiibi, amaa waah nan ye biminmanib a yudaau libinl nmɔn nin bu le u nan pag ilinlen leen ke Yisa na li kpo Juu yaab bu,

Jɔnn 11:51 ပူးပေါင်းရင်းမြစ်များ

Nnyam 28:30

Aa di tiwan ni bi yin ni ke Urim ni Tumim na ki di ŋa kibiŋ aakekengeŋ ngbaan aakpalɔŋ ni, aan nima kan, Aaronn ga li joo ni n‑yoonn mu u ti dan nnimbiin ni na. N‑yoonn mumɔk u choo nnimbiin ni na kan, u li pee kibiŋ aakekengeŋ ngbaan, nima kan, u ga ŋmaa bee maageehn ki tuk Israel yaab.

Daniel 9:26

N‑yoonn ngbaan aah ga ti doo pu na, le bi ga ku Uwumbɔr aah lee usaloln u kaa tun taani ubaa na. Le ubɔr pɔɔl ubaa aajab ga nan ber kitiŋ ngbaan ni Uwumbɔr Aadichal na. Ndoon ngbaan ga nan fuu ni ke nwam na la. Mu ga li joo ni butɔb ni libiil li Uwumbɔr nan gor siin na la.

Nkahm 22:28

Le Uwumbɔr cha ubon ngbaan len tibɔr, le ki bui Balaam ke, “M ŋa si ba? Ba ŋa aa faa mi nfum mutaa kina?”

Nkahm 24:2

le ki kan Israel yaab ka ŋinibol ŋinibol. Uwumbɔr Aafuur Nyaan nan koo u ni,

Matiu 20:28

ki li bi ke min Unibɔn Aabo aah bi pu na; maa dan dulnyaa wee ni ke bi nan tun lituln tii mi, m dan ke m nan tun lituln tii binib, ki kpo ke m gaa binib pam lii la.”

Jɔnn 10:15

ke Nte Uwumbɔr aah nyi mi pu na, kina le m mu nyi u. Le m ga kpo maapiih pu; ba pu? m ye upihdaanyaan na la.

Jɔnn 11:49

Bi yin bi ponn ni ubaa ke Kayafas; uma le nan ye Uwumbɔr aatotoorninkpel libiln ngbaan; le u bui biken, “Naa nyi nibaa,

Jɔnn 18:13

le ki pue di u buen Anas chee. Anas nan ye Kayafas aachool la. Kayafas nan ye Uwumbɔr aatotoorninkpel le libiln ngbaan,

1 Korenti 13:2

U yaa ŋmaa nabr Uwumbɔr aah len pu na, ki yaa bee tibɔr ti bɔɔ na mɔmɔk, ki yaa bee mbeen mɔmɔk, ki yaa kpa naadii u ga ŋmaa foor ŋijoo na, ki yaa kaa gee binib kan, waa ye nibaa.

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

Galantiya 3:13

Ti bii nkaal ngbaan la, nima le Uwumbɔr aamɔpuur bi ti pu. Le Kristo nyan timi mmɔpuur ngbaan ni; kinye pu? u nan kpo ndɔpuinkoo pu ki di mmɔpuur ngbaan di tun uma ubaa aayil pu, ke baah nan ŋmee Uwumbɔr Aagbaŋ ni pu na ke, “Unii umɔk bi kpaa u ndɔpuinkoo pu na, Uwumbɔr aamɔpuur bi u pu la.”

1 Piita 2:24

U nan kpo ndɔpuinkoo pu timi aatunwanbir pu, ki sil timi aasisiiyaan ki gaa timi aatafadaan. Nima pu na, ni di titunwanbir mɔmɔk lii, ki li dii mbimbin mu ŋan na. Waah gaa tigbar ti na pu, le Uwumbɔr tii nimi laafee.

1 Piita 3:18

Ba pu? Kristo ubaa nan kpo nfum mbaa timi aatunwanbir pu. Kristo u ye uninyaan na nan kpo timi bi ye tiniwanbir na pu, ke u di ti ni Uwumbɔr kpaan. Bi nan ku waawon, le Uwumbɔr Aafuur Nyaan tii u limɔfal,

1 Jɔnn 2:2

U nan si timi aasisiiyaan ki di ubaa toor kitork tii Uwumbɔr, timi aatunwanbir pu; naa ye timi baanja aatunwanbir pu, binib bimɔk bi dulnyaa ni na aatunwanbir pu. Uma Yesu pu, le Uwumbɔr ga di cha pinn timi.

1 Samuel 23:9

David aah ŋun ke Sɔɔl bi kpokl ke u nan tak u na, le u bui utotoor Abiatar ke, “Li joo ni tiwan ni bi joo beer Uwumbɔr aageehn na do.”

1 Samuel 28:6

Kina pu le u nan baa Uwumbɔr waah ga ŋa pu na. Le Uwumbɔr aa gar u kpala. Waa gar u tidaŋ ni, bee baah joo tiwan ni beer waageehn na mu ni, bee bibɔnabr chee.