Jɔnn 10:6 - Uwumbɔr aagbaŋ

⁶ Yesu ŋak bi liyataŋakl ngbaan, le baa bee laatataa.

UWONBƆR A GBƆNPƆŊ LIKƆƆNL

⁶ Yisa nan pag nin ibɔŋal le, amaa baa nan biɛ waah nan bei bi man ni.

Jɔnn 10:6 ပူးပေါင်းရင်းမြစ်များ

Ilahn 106:7

Tiyaajatiib aah nan bi Ijipt aatiŋ ni na, baa nan bee Uwumbɔr aatukpaan aatataa; bi nan suln waah mɔk bi waageehm kaa ti ki nyi mumɔk pu na, le ki yii waamɔb Limɔɔkal Aanyusakpem na chee.

Ilahn 82:5

Naa nyi nibaa. Ni ye bijɔrb la. Ni sil ye bijinjirb la, le ibamɔn san dulnyaa wee ni.

Ŋiyataŋak 28:5

Titunwanbirdam aa nyi ibamɔn, le binib bi dii Uwumbɔr na ma beer ibamɔn mbamɔm.

Aisaya 56:11

Bi naahn ibɔ i kaa ji babr na la. Bi ye bisalolm bi kaa kpa nlan na. Bi mɔmɔk ŋani baah gee pu na la, le ki ban bibaa aanyaan.

Daniel 12:10

Uwumbɔr ga toor binib pam ki nya bi tijɔŋ ni aan bi ŋa chain. Binib bi kpa mbiin na aan bee taatataa le ki ga li moo ŋani mbiin; binib bi kpa nlan na baanja le ga bee taatataa.

Matiu 13:34

Kina le Yesu ŋakl ŋiyataŋak ki tuk kinipaak ngbaan, kaa len tibaa bi chee see ŋiyataŋak ŋmeen.

Matiu 13:51

Le Yesu baa bi, “Ni bee tibɔr timina mɔmɔk aatataa aa?” Le bi kii, “Een.”

Tibɔnyaan ti Mak ŋmee ti na 4:34

Waa len tibaa bi chee, see ŋiyataŋak ŋmeen. U ni waadidiliib aah bi bibaa na, le u ŋeer ŋiyataŋak ngbaan aatataa tuk bi.

Jɔnn 16:25

“M ŋakl ŋiyataŋak le ki tuk nimi tibɔr timina. N‑yoonn choo, maan ki ŋakl ŋiyataŋak tuk nimi. M ga di iliin i diin na le tuk nimi Nte Uwumbɔr aabɔr.

Jɔnn 16:29

Le waadidiliib bui u, “Dandana, aa len iliin i diin na. Saa ki ŋakl ŋiyataŋak.

Jɔnn 6:52

Waah len kina na, le Juu yaab kpak tɔb kinikpakpak, “Uja ngbaan ga ŋa kinye ki tii timi waawon, aan ti ji?”

Jɔnn 6:60

Binib bi dii u na aah ŋun kina na, le bi ponn ni pam bui ke, “Ti ye tibɔr ti pɔɔ na la. Ubaa aa ŋmaa pel ti.”

Jɔnn 7:36

U len ke ti ga ban u, kaan kan u, kaan ŋmaa buen waah ga li bi nin chee na. Waah len pu na aatataa ye kinye?”

Jɔnn 8:27

Yesu aah len kina na, baa bee ke u len Ute Uwumbɔr aabɔr la.

Jɔnn 8:43

Ba ŋa naa bee maah len pu na aatataa? Ni ye ke naa gee ke ni ŋun maaliin la.

1 Korenti 2:14

Unii u kaa kpa Uwumbɔr Aafuur Nyaan na, u yii Nfuur Nyaan aabɔr, ki dak ke Nfuur Nyaan aabɔr ye kijɔrk aabɔr la. Uwumbɔr Aafuur Nyaan le cha binib bee mu aabɔr. Nima pu na, unii u kaa kpa Uwumbɔr Aafuur Nyaan na aa ŋmaa bee mu aabɔr.

2 Piita 2:22

Bi gbiin ŋiyataŋak aah len pu na ke, “Ubɔja gir ki ti jin waawuln la. Ugbeer u fu nnyun na gir ti koo tikpakpar ni, ki weei la.”

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.