Jɔnn 10:31 - Uwumbɔr aagbaŋ

³¹ Waah len kina na, le Juu yaab ki yoor ŋitakpal bi ti mae u.

UWONBƆR A GBƆNPƆŊ LIKƆƆNL

³¹ Le Juu yaabin ji pii itangbag ke bin gabir u ki ku,

Jɔnn 10:31 ပူးပေါင်းရင်းမြစ်များ

Nnyam 17:4

Le Moses mee Uwumbɔr mbamɔm le ki bui u ke, “M ga ŋa binib bee kinye? Bi gor ke bi mae mi ŋitakpal la.”

Matiu 12:14

Le Farisii yaab nyan lipaal, le ki kpokl baah ga ŋa pu ki ku Yesu na.

Matiu 21:35

Le bikpaab ngbaan ti chuu waatutum ngbaan, ki gbaa ubaa, ki ku ubaa mu, ki yur ubaa mu ŋitakpal u ti kpo.

Matiu 23:35

N‑yoonn mɔmɔk binib nan ku bininyaam la. Njan bi nan ku Abel u nan ye uninyaan na, le ki ku bininyaam ki joo cha, ki ti pii Barakia aabo Sakaria, u bi nan ku u Uwumbɔr aadiik ni na. Bininyaam ngbaan mɔmɔk aakun pu, le ntafadaan ga pii nimi.

Jɔnn 1:19

Juu yaab bi nan bi Jerusalem aatiŋ ni na nan tun ni Uwumbɔr aatotoorb ni Liifai yaab Jɔnn chee ke bi ti baa u, “Aa ye ŋma?”

Jɔnn 10:24

Le Juu yaab kuun ki si gob u, le ki baa u, “Aa ga cha ti li joo beeni ni yunn aa? Aa yaa ye Kristo u ga gaa timi lii na kan, tuk timi mbamɔn.”

Jɔnn 10:32

Le u bui bi, “M tun litunyaan pam Nte Uwumbɔr aapɔɔn pu ninimbil ni. Lilatuln pu ni ban ni mae mi ŋitakpal?”

Jɔnn 11:8

Le waadidiliib baa u, “Umɔmɔkr, naa ye dandana le Juu yaab ban bi mae si ŋitakpal nima aa? Le aa ki ban aa gir buen nima aa?”

Jɔnn 5:18

Waah len kina na, le Juu yaab moo ban bi ku u; ba pu? naa ye waah bii likpaakool daal aakoobil na baanja, u yin Uwumbɔr ke Ute. Waah yin u ke Ute na, u di ubaa ŋaŋ Uwumbɔr la.

Jɔnn 8:59

Le bi yoor ŋitakpal bi ti mae u. Le u miln ki nyan Uwumbɔr Aadichal ni.

Lituln 7:52

Niyaajatiib nan muk Uwumbɔr aabɔnabtiib mɔmɔk, le ki ku binib bi tuk bi ke Uwumbɔr Aatutunyaan ga dan na. U fuu ni, le ni kooh u, ki ku u.

1 Samuel 30:6

David nan gur bi tibɔsakpenn ni la; ba pu? waajab aasui nan bii baah kaa ki kpa mbim pu na pu, le bi nan ban bi mae u ŋitakpal; Uwumbɔr mu nan tee tii u ntaakpapɔɔn.