Jɔnn 10:21 - Uwumbɔr aagbaŋ

²¹ Le biken mu len ke waah len pu na, naa ye unii u tiyayaar joo u na aaliin, ke unii u tiyayaar joo u na aan ŋmaa likr bijoom aanimbil.

UWONBƆR A GBƆNPƆŊ LIKƆƆNL

²¹ Amaa le biba ke, “Ileen nan kaa ye kinaanbiig kaah jɔɔ wan a leen yi. Kinaanbiig li fir ligir ujɔɔn a numaa?”

Jɔnn 10:21 ပူးပေါင်းရင်းမြစ်များ

Ilahn 146:8

le ki likr bijoom aanimbil. U fiini binib bi lir ki dɔ na siini paacham; u gee waanib bi aabimbin ŋan na.

Ilahn 94:9

Uwumbɔr le naan timi aatafal, kina pu na u ŋun. Uma le naan timi aanimbil, kina pu na, u waa.

Nnyam 4:11

Le Uwumbɔr bui u ke, “Ŋma tii unii bumɔb? Ŋma cha unii ye utafakpaa, bee ubir? Ŋma tii unii ŋinimbil, ki ki cha u ŋani ujoon? Min Uwumbɔr le ŋani kina.

Nnyam 8:19

le binyɔkdam ngbaan bui ubɔr ke, “Uwumbɔr le ŋa kina.” Tɔ, hali Uwumbɔr aah ŋa lijinjiir aawan nimina mɔmɔk na, ubɔr ngbaan nan moo pɔɔk usui, le ni gbiin Uwumbɔr aah nan tuk Moses ni Aaronn pu na.

Ŋiyataŋak 20:12

Uwumbɔr tii timi ŋinimbil ke ti li joo lik, le ki tii timi ŋitafal ke ti li joo ŋun.

Matiu 11:5

ke m likr bijoom aanimbil, ki cha biwɔb, ni bikɔndam, ni bitafakpaab pɔɔk, ki fikr binib bi kpo na nkun ni, ki tuk bigiim Uwumbɔr aabɔnyaan tee.

Matiu 4:24

Le waayimbil moon Siria aatim mɔmɔk ni. Le bi joo ni bibum mɔmɔk u chee, binib bi iween aabɔŋ joo bi na, ni binib bi tiyayaar joo bi na, ni binib bi ŋibimbik joo bi na, ni binib bi aawon faan na. Le u cha bi mɔmɔk pɔɔk.

Jɔnn 10:22

N‑yoonn ngbaan le Juu yaab ji njim Jerusalem ponn ni, ki teer baah nan toor Uwumbɔr Aadichal buyoonn na. Ni nan ye kakab aayoonn la.

Jɔnn 9:6

Waah len kina ki ti doo na, le u tii timɔɔtan lii kitiŋ, ki di uŋaal lee, le ni ŋa titan, le ki di pɔl ujoon ngbaan aanimbil,