Jɔnn 1:21 - Uwumbɔr aagbaŋ

²¹ Le bi ki baa u ke, “Aa ye ŋma? Aa ye Elaija aa?” Le u bui bi, “Maa ye.” Bi nan ki baa u ke, “Aa ye Uwumbɔr aabɔnabr u bi bui ke u ga dan aa?” Le u bui bi, “Aayii.”

UWONBƆR A GBƆNPƆŊ LIKƆƆNL

²¹ Le bi baan u ke, “Ke a ni ye ŋmiɛ? A ye Elaja lee?” Le u ke, “Maa ye wi.” “A ye ulinlenn nin lee?” Le u jiin ke, “Aai.”

Jɔnn 1:21 ပူးပေါင်းရင်းမြစ်များ

Malakai 4:5

“Tɔ, waahr aan min Uwumbɔr aawinbiik ngbaan daal nin fuu ni na, m ga tun ni maabɔnabr Elaija ni chee.

Matiu 11:14

Ni yaa ban ke ni pak baah nan len pu na kan, ni ga bee ke Jɔnn ye Uwumbɔr aabɔnabr Elaija u bi nan len ke u ga fuu ni na la.

Matiu 16:14

Le bi bui u, “Bibaa len ke aa ye Jɔnn u nan muini binib nnyun ni na la, le biken mu len ke aa ye Uwumbɔr aabɔnabr Elaija u nan bi n‑yaayoonn na la, le biken mu len ke aa ye Uwumbɔr aabɔnabr Jeremia, bee Uwumbɔr aabɔnabr ubaa la.”

Matiu 21:11

Le kinipaak ngbaan bui bi, “U ye Uwumbɔr aabɔnabr Yesu u nyan ni Nasaref aatiŋ ki bi Galilee aatiŋ ponn ni na la.”

Tibɔnyaan ti Luk ŋmee ti na 1:17

U ga li kpa Uwumbɔr Aafuur Nyaan, ni mpɔɔn, ke Uwumbɔr aabɔnabr Elaija aah nan kpa pu na, ki ga loln ni Tidindaan pu nsan. U ga cha tetiib ni baabim ki kpaan. U ga cha binib bi kaa kii Uwumbɔr aamɔb na li kpa nlan, aan bi kpeln, ki li dii bininyaam aah dii pu na. U ga toor binib, bi li ye binib bi gor ki kii Uwumbɔr na.”

Jɔnn 1:22

Nima pu na, bi nan ki baa u ke, “Aa ye ŋma? Tuk timi, aan ti ti tuk binib bi tun ni timi na. Aa ga len saabɔr ngbaan kinye?”

Jɔnn 1:25

Le bi ki baa u ke, “Saah kaa ye Kristo u ga gaa timi lii na, kaa ye Elaija, kaa ye Uwumbɔr aabɔnabr ngbaan mu na, ba pu aa muini binib nnyun ni?”

Jɔnn 6:14

Binib ngbaan aah kan Yesu aah tun lijinjiir aatuln ngbaan pu na, le bi bui ke, “Uja wee sil ye Uwumbɔr aabɔnabr u bi nan len ke u ga dan dulnyaa wee ni na la.”

Jɔnn 7:40

Kinipaak ngbaan aah ŋun Yesu aah len pu na, le bibaa bui ke, “Uja ngbaan sil ye Uwumbɔr Aabɔnabr na la.”