Jeremia 9:4 - Uwumbɔr aagbaŋ

⁴ Unii mɔmɔk li nyi ujɔ bɔr, le ubaa aan li ŋmaa kpa una aabo pu kipupuk; ba pu? na aabo mɔk gii inyamɔn ke Jakob na la, le unii bii ujɔtiib.

Jeremia 9:4 ပူးပေါင်းရင်းမြစ်များ

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

Ilahn 101:5

M ga jenn nyan unii umɔk looni len titunwanbir uŋeen aatɔ pu na; maan kii tii unii u kpa kigaak ni inimpoo na.

Ilahn 15:3

kaa bii biken aayimbil na le ga ŋmaa koo. Waa ŋani uŋeen aatɔ taani, kaa mooni tibɔr ti kaa gbii na uŋeen aatɔ pu.

Ŋiyataŋak 10:18

Unii u joo waananaŋ bɔrni na ye unyamɔndaan la. Unii u mu ye ubɔmbɔtukr na mu ye ujɔr la.

Ŋiyataŋak 25:18

Unii yaa gii inyamɔn paan si kan, ni ga ŋmaa ku si ke kijukaan, ni lichakukul, ni nlapiin aah ku pu na la.

Ŋiyataŋak 4:16

Bibiindam yaa kaa tun titunwanbir kan, baa geeni. Bi yaa kaa tii ubaa titotonn kan, bi dɔ waa la.

Ŋiyataŋak 4:17

Mbiin ni linikul ye bi chee tijikaar ni ndaan la.

Ŋiyataŋak 6:16

Tiwan nilole nibaa le bi aan Uwumbɔr kaa gee ni, kaan ŋmaa gaa ni ŋa usui ni. Nima le ye: Kigaak aanimbilikl, ni lilambil li geei inyamɔn na, ni iŋaal i ku bininyaam na, ni nsui mu dakl tilandakwanbir na, ni ŋitaa ŋi chuun mala cha ŋi ti tun titunwanbir na, ni useeraadaan u geei inyamɔn ki ki gir geei na, ni unii u fikr tibɔr jɔtiib aakaasisik ni na.

Aisaya 59:13

Ti yii si, kaa si aapuwɔb, kaa dii saasan. Ti muk biken, ki fenn tipuwɔb tii si. Timi aalandak, ni timi aamɔliin mɔmɔk ye inyamɔn la.

Aisaya 9:16

Binib bi loln bi pu nsan na di bi yenn a, ki cha bilan ŋmal bi.

Jeremia 12:6

Hali aana aabim bi ye saadichal ni aanib na, le di si ti bii; bi kpee binib bi tak si na pu a. Bi ga li len aa chee kijɔtiik aabɔr, aa mu taa kii tii bi.”

Jeremia 6:28

Bi mɔmɔk ye maaŋuntafaldam bi kaa si unii aachaŋ ni na la, bitafal pɔɔ ke tikumann ni tikur na la. Bi mɔmɔk ji binib la, le ki chuun joo biken aabɔr mooni.

Jeremia 9:8

Bilambil bi ke ipiin i kpa liluul na la; ŋi geei inyamɔn n‑yoonn mɔmɔk la. Unii mɔmɔk len tibɔnyaan le uŋeen aatɔ chee, le ki tee bi pen u gaawɔb.

Esekiel 22:9

Saanib bibaa geei inyamɔn paani biken pu ke bi ku bi. Bibaa ji ŋiwaa aatork. Bibaa ŋani baakpeek aah ban pu na n‑yoonn mɔmɔk.

Liifai Yaab 19:16

Ni taa li geei inyamɔn paani unii ubaa. Bi yaa bi ji unii ubaa aabɔr aan u ban u nyan nkun ni, aan aa nyi ke u kpa mbamɔn kan, ter u ki gaa u lii. Min le ye Uwumbɔr.

Malakai 2:10

Taa kpaan te la aa? Naa ye Uwumbɔr baan le naan ti mɔmɔk aa? Kina kan, ni ŋa kinye aan ti bii tipuur ti ti puu tii tɔb na, ki lik seen tipuur ti Uwumbɔr nan puu tii tiyaajatiib na?

Matiu 10:17

Ni li nyi man. Bi ga nan chuu nimi ki ji nimi tibɔr, ki gbaa nimi ŋinaalab mmeen aadir ni.

Matiu 10:21

“Binib ga di binaabitiib ŋa binib aaŋaal ni, ke bi ti ku bi. Tetiib mu ga di baabim ŋa binib aaŋaal ni, ke bi ti ku bi. Binib mu ga yii bitetiib ni binatiib, ki cha binib ku bi.

Tibɔnyaan ti Luk ŋmee ti na 21:16

Nitetiib, ni ninatiib, ni ninaabitiib, ni nidoyaab, ni nijɔtiib, ga kooh nimi. Le binib ga ku ni ponn ni bibaa.

1 Tesalonika 4:6

Uja ubaa taa li ban una aabo aapuu ki tun titunwanbir timina. Ti nan tuk nimi ki sur nimi mbamɔm ke Tidindaan dar binib aatafal titunwanbir ngbaan mɔmɔk pu.