Jeremia 9:22 - Uwumbɔr aagbaŋ

²² Ŋinikpol dɔ ni kookoo, ke ŋinaabinkpok le aah dɔ ikpaakon ni na, ki bi ke baah gaa ŋikalmaan le bil, kaa bar ŋi na, ki bi ke ŋikalmaan ŋi ubaa aan bar ŋi na. Uwumbɔr aah bui mi ke m len pu na le bi na.”

Jeremia 9:22 ပူးပေါင်းရင်းမြစ်များ

2 Bibɔrb 20:13

Hesekia nan gaa bi, ki chann bi tichann, le ki mɔk bi waawangol: u nan mɔk bi waakunabr, ni waasalmaa, ni tikpin aawan, ni nkpan mu nun mɔ na, ni waajar aawan mɔmɔk. Tiwan nibaa aa nan gur waadir ni, bee nibaa chee waanaan ni, aan waa mɔk bi.

2 Bibɔrb 20:15

“Bi kan ba libɔrchiln ni?” “Bi kan tiwan mɔmɔk. Tiwan nibaa aa gur tidir ni aan maa mɔk bi.”

2 Bibɔrb 9:37

Waanann ti ga gur na ga yaa ki dɔ nima ke tinaabin na, le ubaa aan ŋmaa bee ni ye niken na.’”

Ilahn 49:7

Unii aan ŋmaa pa ki gaa ubaa aamɔfal; waan ŋmaa pa Uwumbɔr waamɔfal pu,

Ilahn 83:10

Aa nan nyaŋ bi Endor aatiŋ pu, le bi dɔ nima ki ti bur.

Ŋiyataŋak 18:11

Biwankpadam ma dak le ke baawangol kii bi ke ŋigon ŋi bi maa gob kitisakpeŋ aan ŋi fɔk ki pɔɔ na la.

Ŋiyataŋak 23:4

Li kpa nlan ki taa ku aabaa ke aa ŋa uwankpadaan.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 25:33

Liyaadaal ngbaan kan, Uwumbɔr aah ku binib bi na aanikpol ga li dɔ kitiŋ kee pu, ni kookoo la. Ubaa aan wii baakpuul, le ubaa aan yoor ŋi di buen ti sub. Ŋi ga li dɔ ŋikpuk ŋikpuk ke tinaabin na la.

Jeremia 6:21

M ga cha binib bee gbeer ki lir. Tetiib ni baabim ga kpo, le jɔtiib ni maantɔtiib mu ga kpo.”

Jeremia 7:33

Ŋinikpol ngbaan le ga nan li ye inyoon ni ipeel i bi nima na aajikaar, le ubaa aan nan li bi nima ki jenn i.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Habakuk 1:11

le ki chuun mala ke libuln na ki jer, titunwanbirdam bi aapɔɔn ye baawaal na le na.”

Sefania 1:17

Uwumbɔr ki bui ke, “M ga cha tibɔbir ngbaan aaboln dan unibɔn pu aan unii mɔmɔk li chuun baani ke ujoon na. Bi tun mi taani, le m ga cha baasin puu ke nnyun na, le baanikpol ga li dɔ kitiŋ ki ti bur.”

Ikaal 8:17

Nima pu na, ni taa dak ke nimi aapɔɔn pu le cha ni ŋa biwankpadam.