Jeremia 9:21 - Uwumbɔr aagbaŋ

²¹ Nkun dii timi aatakolu mam le ki koo ni timi aabɔrchiln ni; mu gbaa mbim bil kitiŋ ponn ni, ki gbaa binachipɔm bil kinyaŋ ni.

Jeremia 9:21 ပူးပေါင်းရင်းမြစ်များ

2 Bibɔrb Aabɔr 36:17

Kina pu le Uwumbɔr nan cha Babiloŋ aabɔr buen ti tak bi. Ubɔr ngbaan nan ku Juda aanachipɔm, hali ki ti kpaan ku bibaa Uwumbɔr Aadichal ni. Waa nan san ubaa kinimbaak, waa nan san bi laa diin na, ni bi por na, kaa san uja, bee upii, bee ubun, bee u kpa laafee na kinimbaak. Uwumbɔr di bi mɔmɔk ŋa uŋaal ni.

Aisaya 40:30

Hali binib bi laa diin na aataakpab yɔl la, binachipɔm aawon ga yɔl;

Jeremia 15:7

M joo nimi mae tii libuln ke tigbengbir na le kitiŋ mɔmɔk ni, kitiŋ kee pu. M ku bii nimi maanib, naah kaa di cha nimi aatunwanbir na le m ku nimi aabim.

Jeremia 18:21

Tɔ, Uwumbɔr, cha nkon ku baabim; cha bi kpoi butɔb ni. Cha baapiib lann bichatiib ni baabim; cha iween ku bijab, aan baanachipɔm mu kpoi butɔb ni.

Jeremia 44:7

“Kina pu le min Uwumbɔr Mpɔɔnsakpiindaan, u ye Israel yaab Aawumbɔr na baa nimi ke ba ŋa ni bi tun nibaa titunwanbir timina aaboln. Ni ban ke ni joo ni tibɔbir nan lii bijab, ni bipiib, ni mbim, ni mbipɔm pu, le nimi aanii ubaa taa gur aa?

Jeremia 50:30

Liyaadaal ngbaan le kaanachipɔm ga kpoi ki ponn ni, le kaajab mɔmɔk ga kuln. Min Uwumbɔr le len kina.

Jeremia 6:11

Uwumbɔr, saaŋuul aah fii bi pu pu na wu nsui ni ke mmii na, le maa ki ŋmaa joo li.” Uwumbɔr ki bui mi ke, “Cha maaŋuul pii mbim mu bi kitiŋ ponn ni na, ni binachipɔm aakuun mɔmɔk ni. Baadim ga di chatiib ni puutiib buen, kaan di cha bininkpiib ni binib bi por pam na mu.

Jeremia 6:21

M ga cha binib bee gbeer ki lir. Tetiib ni baabim ga kpo, le jɔtiib ni maantɔtiib mu ga kpo.”

Jeremia 7:33

Ŋinikpol ngbaan le ga nan li ye inyoon ni ipeel i bi nima na aajikaar, le ubaa aan nan li bi nima ki jenn i.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Joel 2:9

I ga chii ki buen kitiŋ ponn ni; ki fii labr ŋigon pu, ki joi ŋidichal pu, ki diir takolu tiib koo tidir ponn ni ke binaayukb na.

Amos 5:2

Israel aatiŋ lir a, kaan ki fii sil kpala. Ki kpo bee kitiŋ, le ubaa aan ter ki, ki fii sil.

Amos 6:9

Binib kipiik le yaa gur lidichal ni kan, bi ga kpo.

Sefania 1:17

Uwumbɔr ki bui ke, “M ga cha tibɔbir ngbaan aaboln dan unibɔn pu aan unii mɔmɔk li chuun baani ke ujoon na. Bi tun mi taani, le m ga cha baasin puu ke nnyun na, le baanikpol ga li dɔ kitiŋ ki ti bur.”