Jeremia 9:2 - Uwumbɔr aagbaŋ

² M yaa ba kan nkakaayaan nteersakpiin ni kan, m ba ga fii buen nima ki cha maanib. Baa dii Uwumbɔr, bi mɔmɔk nyan upuwɔb la.

Jeremia 9:2 ပူးပေါင်းရင်းမြစ်များ

Aisaya 59:3

Ni ye binyamɔndam, binib bi ban kijaak na, ni binikurb la.

Jeremia 12:1

“Uwumbɔr, m yaa ban m ni sin kpak tibɔr pu kan, aa ga li kpa mbamɔn. Tɔ, m mu tee ga baa si ibamɔn aabɔr tibaa pu. Ni ŋa kinye aan bibiindam kani liwangol? Ni ŋa kinye aan beebeedam nya tibɔr ni n‑yoonn mɔmɔk?

Jeremia 12:6

Hali aana aabim bi ye saadichal ni aanib na, le di si ti bii; bi kpee binib bi tak si na pu a. Bi ga li len aa chee kijɔtiik aabɔr, aa mu taa kii tii bi.”

Jeremia 13:22

Aa yaa nan baa ke ba ŋa nimina ŋa si, le saakeken kar kar aan bi chuu si mpɔɔn ki doon aa chee kan, aa li nyi ke saatunwanbir nyaŋ sakpen a.

Jeremia 23:10

Binib bi kaa kii Uwumbɔr aamɔb na le gbii kitiŋ kee pu; baabimbin aa ŋan, le bi joo baapɔɔn tun ŋitun ŋi kaa ŋan na. Uwumbɔr aah puun lii kitiŋ pu na, le ki wii ikpowiil, le tiwakor aamoŋmɔpaan kuur.

Jeremia 4:22

Uwumbɔr bui ke, “Maanib ye bijɔrb la, baa nyi mi. Bi naahn mbim mu kaa kpa nlan na la; baa kpa ntafaŋum. Bi nyi titunwanbir aatuln sakpen, le kaa tee nyi tiwan ni ŋan na aaŋam.”

Jeremia 5:1

Jerusalem aanib, san dii nimi aatiŋ ponn ni man. Lik lik man. Cha nimi nibaa aanimbil kan. Lik lik kinyaŋ ponn ni man. Ni ŋmaa kan unii ubaa aan u tun ni ŋan na ki pɔɔni ubaa ke u kii Uwumbɔr aamɔb aa? Ni yaa ga kan kina aanii kan, Uwumbɔr ga di cha Jerusalem yaab aatunwanbir pinn bi.

Jeremia 5:11

Israel ni Juda aanib nyan mpuwɔb la. Min Uwumbɔr le len kina.”

Jeremia 5:2

Ni bui ke ni dooni Uwumbɔr la, le nisui aa joo kina.

Hosea 4:2

Bi puur tipuur le ki bii ti; bi geei inyamɔn, ki ku binib, ki su kinaayuk, ki ban tɔb aapuutiib. Libiil moo kpae la, le linikul libaa paa liken pu.

Hosea 5:7

Bi nyan Uwumbɔr aapuwɔb; kina pu le baabim aa ye waabim. Kina pu le naan yunn le baatim ga kuln.

Hosea 6:7

“Tɔ, baah ti kpaan koo kitiŋ ngbaan ni na, le bi bii tipuur ti m ni bima nan puu tii tɔb na, ke Adam aah nan bii pu na.

Hosea 7:4

Bi mɔmɔk ye nchakpokjum, le kaa si ubɔr aachaŋ ni. Baabiin nyakr ke baah pu boroboro nin chee na aamii mu unii u pu boroboro na aa tur mu ŋani ke boroboro ti nin ŋeer buyoonn u ga pu u na la.

Maika 6:12

Nimi aawankpadam ji bigiim pem pem la, le ni mɔmɔk ye binyamɔndam.

Sefania 3:4

Uwumbɔr aabɔnabr bi bi ki ponn ni na kpa kigaak kaa kpa mbamɔn; le bitotoorb bii tiwan ni bi chain na, le ki fenn Uwumbɔr aakaal diir baah gee niwɔb na.

Malakai 2:11

Juda aanib bii tipuur ti bi nan puu tii Uwumbɔr na, ki tun titunwanbir kpaan Jerusalem aatiŋ ni, ni kitiŋ ngbaan mɔmɔk pu. Bi bii Uwumbɔr Aadichal li u gee na. Bijab yoor bipiib bi dooni ŋiwaa na.

Malakai 2:14

Ni baa le ke ba ŋa? Naah ye pu na le ye ke u nyi ke aa bii tipuur ti aa nan laa ye unachipɔɔn ki puu ti tii upii u aa nan yoor na. Aa ni upii ngbaan nan kpaan la, le aa bii tipuur ti aa nan puu tii u na, ki nyi ke aa nan puu tipuur ngbaan Uwumbɔr aanimbiin ni ke saan nya upuwɔb.

Jemisi 4:4

Ni di Uwumbɔr lii a, ke upiidagoor aah di uchal di lii pu na. Naa nyi ke dulnyaa aajɔtiik le ye Uwumbɔr aadiŋ aa? Nima pu na, unii u ban dulnyaa aajɔtiik na, u ye Uwumbɔr aadin la.

Bibɔjirb 2:10

Josua aaŋeen aatɔtiib ngbaan mɔmɔk nan kpo doo, le binib bi nan paan ni bi pu na nan suln Uwumbɔr, ni waah nan tun pu tii Israel aanib na bɔr.