Jeremia 9:17 - Uwumbɔr aagbaŋ

¹⁷ Uwumbɔr Mpɔɔnsakpiindaan bui ke, “Dakl lik man tiwan ni bi ŋani na. Yin ni binib bi wii likpuul na man, yin ni bipiib bi ga gaa ikpolahn na man.”

Jeremia 9:17 ပူးပေါင်းရင်းမြစ်များ

2 Bibɔrb Aabɔr 35:25

Uwumbɔr aabɔnabr Jeremia nan naan nkpolahn tii Ubɔr Josia, le ni kpaln nkaal Israel aatiŋ ni ke uja ni upii mɔk yaa ban u wii waakpuul kan, udaan gaa nkpolahn ngbaan. Waalahn ngbaan bi ikpolahn aagbaŋ ni.

Job Aagbaŋ 3:8

Bui binib bi punni lir iwiin pu na ki nyi baah joo kipeewanbiik na pu na ke bi puun lii liyaadaal ngbaan pu.

Ulandaan 12:5

Aa ga li san ke aa tɔŋ tiwan ni fɔk paacham na ijawaan, le lisachuln ga li ye tiwan ni bir na le aa chee. Aayikpir ga piir, le saan ki ŋmaa yoor aataa paacham ki chuun. Lineen mɔmɔk ga nya aa chee. Ti cha timi aakookoo aafuur chee la, le ikpowiil ga li bi kitiŋ ponn ni.

Jeremia 7:29

“Jerusalem aanib, li wii ikpowiil man; kuu niyikpir ki di mee man. Gaa nkpolahn ŋigongon paab man, ba pu? min Uwumbɔr aaŋuul fii, le m yii maanib.

Inandalahn 2:5

Uwumbɔr kuln Israel aatiŋ ke udin na la. U cha kaabɔrdichal, ni tijawan aadichal na kpaln tilangbenn. U tii Juda aanib mpombiin mu kaa kpa ndoon na.

Esekiel 27:2

“Unibɔn, gaa nkpolahn tii Taya aatiŋ

Esekiel 32:16

Nsakm kpaan mumina ga kpaln nkpolahn la. Ŋitimbol aapiib ga di mu wii Ijipt aatiŋ, ni kaanib mɔmɔk aakpuul. Min Dindaan Uwumbɔr le len kina.”

Amos 5:1

Israel aanib, li pel man nkpolahn mu m gaa ni pu na:

Maika 2:4

N‑yoonn ngbaan yaa nan fuu ni kan, binib ga di nimi aabɔr le di ŋa tibɔbir aaseeraa, le ki ga gaa nnandalahn mue, naah kan pu na pu: Ti doo a. Uwumbɔr chuu gaa timi aatiŋ ti chee, ki di tii binib bi chur timi tinaagbiir na.”

Matiu 9:23

Le Yesu fuu uninkpel ngbaan aadichal ni, ki ti koo li ponn ni, ki kan kinipaak nima. Bi nan wii ikpowiil, ki pii ŋiwul, ki faa kifuuk.

Tibɔnyaan ti Mak ŋmee ti na 5:38

Yesu nan fuu Jairus do le ki ŋun kifuuk pu. Binib bi nima ki wiir, ki wii ikpowiil, ki kaani.