Jeremia 9:16 - Uwumbɔr aagbaŋ

¹⁶ M ga cha bi yaa koo ŋitimbol ŋi bima ni biyaajatiib aa kee ŋun ŋi pu na ni, le ki di bijab tun ti tak bi ki ti saa buyoonn m ga kuln bi na.”

Jeremia 9:16 ပူးပေါင်းရင်းမြစ်များ

Nehemia 1:8

Teer saah nan bui Moses pu na ke: ‘Nimi Israel yaab yaa kaa kii tii mi kan, m ga cha ni yaa ki koo ŋinibol yayan ponn ni.

Ilahn 106:27

ki cha biyaabitiib yaa koo binib bi kaa nyi u na ponn ni, ki cha bi kpoi biwɔwɔm aatim ni.

Ulandaan 12:5

Aa ga li san ke aa tɔŋ tiwan ni fɔk paacham na ijawaan, le lisachuln ga li ye tiwan ni bir na le aa chee. Aayikpir ga piir, le saan ki ŋmaa yoor aataa paacham ki chuun. Lineen mɔmɔk ga nya aa chee. Ti cha timi aakookoo aafuur chee la, le ikpowiil ga li bi kitiŋ ponn ni.

Jeremia 13:24

Uwumbɔr ga yaa nimi ke nteersakpiin ni aabuln aah daar timoor yaani pu na la.

Jeremia 24:10

M ga cha butɔb, ni nkon, ni iween dan bi pu ki ti saa n‑yoonn mu bi ponn ni ubaa aan gur kitiŋ ki m di tii bi ni biyaajatiib na pu na.”

Jeremia 25:27

Le Uwumbɔr ki bui mi ke, “Tuk binib ngbaan ke min, Uwumbɔr Mpɔɔnsakpiindaan, u ye Israel yaab Aawumbɔr na le bui bi ke bi nyu ki ti gbii ki li wulni, ki ti lir ki taa ki ŋmaa fii sil, butɔb bu m ga cha bu dan bi pu na pu.

Jeremia 29:17

Uwumbɔr Mpɔɔnsakpiindaan len ke, ‘M ban m cha butɔb, ni nkon, ni iween lir bi pu, m ga ŋa bi ke ŋikakan ŋi bur aan baan ŋmaa ŋmɔ ŋi na.

Jeremia 44:27

Maan ki cha ni ponn ni ubaa kan nkam, le ki tee kuln nimi. Ni mɔmɔk ga kpoi, ni ga kpoi butɔb ni, ni iween ni, ki ti saa n‑yoonn mu ubaa aan gur na.

Jeremia 7:29

“Jerusalem aanib, li wii ikpowiil man; kuu niyikpir ki di mee man. Gaa nkpolahn ŋigongon paab man, ba pu? min Uwumbɔr aaŋuul fii, le m yii maanib.

Jeremia 8:19

Li pel man, m ŋun maanib aawiil pu kitiŋ kee mɔmɔk pu, “Uwumbɔr aa ki bi Sionn aatiŋ ni la aa? Sionn aatiŋ aabɔr aa ki bi la aa?” Le Bidindaan Uwumbɔr, u ye baabɔr na gar ke, “Ba ŋa ni dooni nimi aawaa ki gbaani biwɔwɔm aawaa ŋi kaa kpa tinyoor tibaa na aanimbiin ni ki fiini maaŋuul?”

Esekiel 11:17

“Kina pu na, di min Aadindaan Uwumbɔr aah len pu na tuk bi. M ga kuun ni bi maah cha bi yaa ki bi ntim mu ni na, ki giin Israel aatiŋ tii bi.

Esekiel 12:15

“M yaa cha bi yaa ki koo ŋitimbol ŋiken ni, ni ntiyayam ni kan, bi ga bee ke min le ye Uwumbɔr.

Esekiel 14:17

“Bee m ba ga ŋmaa joo ni butɔb litingbaln ngbaan pu ki cha tijawan ti bir na nan ŋar kaanib ni tiwakor ŋŋaan pel pel,

Esekiel 20:23

Kina pu na, m nan ki puu tipuur tiken tii bi nteersakpiin ni, nima chee. M nan puu timm ke m ga cha bi yaa koo dulnyaa wee mɔmɔk ni.

Esekiel 27:2

“Unibɔn, gaa nkpolahn tii Taya aatiŋ

Esekiel 5:12

Nimi aanib ŋiker ŋitaa ponn ni aaker libaa ga kpo iween, ni nkon aakun kitiŋ ngbaan ponn ni; le liker liken ga bee kijaak aajuk aakun ni, kitiŋ ngbaan aagbaan; le m ga di litatar na yaa tii libuln, ki di maajaak aajuk paan bi pu.

Esekiel 5:2

Butɔb aajab aah ŋa tiwan ni mɔmɔk ki gob Jerusalem aatiŋ na yaa nan jer kan, aa di liker libaa ŋa mmii ni, kitiŋ ngbaan ponn ni. Di saajaak aajuk chɔi chɔi liker liken buyoonn aa nyan kitiŋ ngbaan ni ki bi chuun na. Di liker li gur na yaa libuln ni, aan m di maajaak aajuk paan ti pu.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.

Amos 5:16

Kina pu na, Tidindaan Uwumbɔr Mpɔɔnsakpiindaan u kaa kpa ŋeen aatɔ na le len ke, “Kinimbaak aawiil le bi ga li kaani kitisakpeŋ aasan pu. Hali bikpaab ga nyan ni baasar ni ke bi nan wii binib bi kpoi na aakpowiil ki ter baah pan binib bi ke bi wii ikpowiil na.

Maika 2:4

N‑yoonn ngbaan yaa nan fuu ni kan, binib ga di nimi aabɔr le di ŋa tibɔbir aaseeraa, le ki ga gaa nnandalahn mue, naah kan pu na pu: Ti doo a. Uwumbɔr chuu gaa timi aatiŋ ti chee, ki di tii binib bi chur timi tinaagbiir na.”

Sekaria 7:14

M nan ŋar bi ŋŋaan ke kitaabuŋ na ke bi ti li koo ntiyayam ni. Kitinyaan kimina nan kpaln nkuun, le ubaa aa ki bi ki pu.”

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 28:36

“Uwumbɔr ga cha bi di nimi, ni nimi aabɔr buen biwɔwɔm aatim ni, nin chee niyaajatiib, ni nimi nibaa aa kee buen na. Nima chee le ni ga ti li dooni idɔ ni ŋitakpal aawaa.

Ikaal 28:64

“Uwumbɔr ga cha ni yaa buen ŋinibol ŋiken mɔmɔk ponn ni, ki di ti nya dulnyaa aapepel libaa ki ti ker liken, nima chee le ni ga doon ŋitakpal ni idɔ aawaa ŋi nimi ni niyaajatiib aa nan nyi dooni ŋi na.

Ikaal 32:26

M nan len ke m ga kuln bi, aan nima kan, ubaa aan ki teer bibɔr.

Ikaal 4:27

Uwumbɔr ga cha ni yaa buen ŋinibol yayan aatim ni, le nimi siib kina le ga ti gur ki ŋmar.

Jemisi 1:1

Min Jems, u ye Uwumbɔr ni Tidindaan Yesu Kristo aatutunn na, m dooni Uwumbɔr aanib bi yaa ki bi itingbaan mɔmɔk ni na.