Jeremia 9:15 - Uwumbɔr aagbaŋ

¹⁵ Kina pu na, li pel man, min, Uwumbɔr Mpɔɔnsakpiindaan, u ye Israel yaab Aawumbɔr na aah ban m ŋa pu na; m ga di tijikaar ti to na le tii maanib bi ji, ki tii bi njinn bi nyu.

Jeremia 9:15 ပူးပေါင်းရင်းမြစ်များ

Ilahn 60:3

Aa cha saanib jin falaa sakpen a. Ti chuun gbeer ke taah nyun ndaan le na.

Ilahn 69:21

Nkon aah nan chuu mi buyoonn na, le bi di njinn ŋa maajikaar ni; nnyunyuu aah chuu mi buyoonn na, le bi di tiwanyukaan ni mɔɔn na tii mi.

Ilahn 75:8

Uwumbɔr joo kiyikuuk uŋaal ni, kiyikuuk ngbaan gbii ndapɔɔl mu ye waaŋuul na la. U bar mu, le bibiindam mɔmɔk nyun mu; bi nyun mu mɔmɔk pel pel.

Ilahn 80:5

Aa tii timi mpombiin le ke ti ji ki tii timi tinyunyunn kiyikusakpeŋ ni ke ti nyu.

Aisaya 2:17

Unibɔn aagaak ga doo, le unibɔn aakalmbaani mu kuln. Ŋiwaa mɔmɔk ga kuln, le Uwumbɔr baanja le ga kan kipak ni nnyuŋ nwiin ngbaan daal.

Aisaya 2:22

Aa yaa di aabaa tii unibɔn u ga kpo na kan, ba aanyoor bi kpa?

Jeremia 23:15

“Kina pu na, min Uwumbɔr Mpɔɔnsakpiindaan aah len bibɔnabr bi bi Jerusalem ni na aabɔr pu na sɔ: M ga di tisufar ti to na le tii bi, bi ji, ki tii bi njinn bi nyu, ba pu? bi cha titunwanbir gbiin kitiŋ kee mɔmɔk la.”

Jeremia 24:10

M ga cha butɔb, ni nkon, ni iween dan bi pu ki ti saa n‑yoonn mu bi ponn ni ubaa aan gur kitiŋ ki m di tii bi ni biyaajatiib na pu na.”

Jeremia 25:15

Uwumbɔr, u ye Israel yaab Aawumbɔr na nan bui mi ke, “Ndaan aayikuuk ki gbii maaŋuul na sɔ. Di ki buen ŋitimbol ŋimɔk m tun si ŋi chee na, ki cha bi nyu ki ponn ni.

Jeremia 44:27

Maan ki cha ni ponn ni ubaa kan nkam, le ki tee kuln nimi. Ni mɔmɔk ga kpoi, ni ga kpoi butɔb ni, ni iween ni, ki ti saa n‑yoonn mu ubaa aan gur na.

Jeremia 49:37

M ga cha Elam aanib san baadim bi ban bi ku bi na ijawaan. Maaŋuusakpeln ponn ni le m ga kuln Elam aanib ki cha bijab dan nan lir bi pu ki ti saa buyoonn m ga ŋar bi mɔmɔk ŋŋaan na.

Jeremia 8:14

Le Uwumbɔr aanib bui ke, “Ba ŋa ti ka ŋmin kina? Dan man, aan ti san buen ntim mu bi maa ŋigon gob mu na ponn ni ki ti kpo nima. Tidindaan Uwumbɔr le siin ke ti kpo; u di njinn le tii timi ke ti nyu, ba pu? ti tun titunwanbir la.

Inandalahn 3:15

U di falaa u wu sakpen na le di tii mi ke ni li ye maajikaar ni nnyun.

Inandalahn 3:19

M yaa dak maaween, ni maah kaa ki kpa do pu na kan, ni naahn ke maah nyun liluul le na.

Esekiel 5:12

Nimi aanib ŋiker ŋitaa ponn ni aaker libaa ga kpo iween, ni nkon aakun kitiŋ ngbaan ponn ni; le liker liken ga bee kijaak aajuk aakun ni, kitiŋ ngbaan aagbaan; le m ga di litatar na yaa tii libuln, ki di maajaak aajuk paan bi pu.

Esekiel 5:2

Butɔb aajab aah ŋa tiwan ni mɔmɔk ki gob Jerusalem aatiŋ na yaa nan jer kan, aa di liker libaa ŋa mmii ni, kitiŋ ngbaan ponn ni. Di saajaak aajuk chɔi chɔi liker liken buyoonn aa nyan kitiŋ ngbaan ni ki bi chuun na. Di liker li gur na yaa libuln ni, aan m di maajaak aajuk paan ti pu.

Ikaal 28:36

“Uwumbɔr ga cha bi di nimi, ni nimi aabɔr buen biwɔwɔm aatim ni, nin chee niyaajatiib, ni nimi nibaa aa kee buen na. Nima chee le ni ga ti li dooni idɔ ni ŋitakpal aawaa.

Ikaal 29:18

Ni pɔɔn nibaa ki taa cha uja, bee upii, bee mmaal, bee linibol li si do din wee na fenn bipuwɔb tii Tidindaan Uwumbɔr ki dooni ŋinibol ngbaan aawaa. Ni yaa ŋa kina kan, ni ga li bi ke ulɔnn yaa punn idi ni kan, u ku i pu na la.

Tibɔkpiirkaan 8:11

Liŋmabil ngbaan aayimbil le ye ke “Ni To.” Le laah lir nnyun ni na mu aagetatar kpaln nnyun mu to na. Le binib pam kpo nnyun ngbaan pu; ba pu? mu to la.