Jeremia 9:11 - Uwumbɔr aagbaŋ

¹¹ Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Jeremia 9:11 ပူးပေါင်းရင်းမြစ်များ

Nehemia 4:2

U nan sil uŋeen aatɔtiib ni Samaria aajab aanimbiin ni ki len ke, “Juu yaab, bifalaadam bee, dak ke bi bi ŋani ba na? Bi ŋa nlandak ke bi ki gir maa kitiŋ ngbaan aa? Bi dak ke baah toor kitork ki na ga ŋmaa cha bi doo lituln ngbaan liwinbaal la aa? Bi ga ŋmaa di ŋilangbentanjal ŋi ber ki dɔ ki wun mmii na maa aa?”

Ilahn 107:43

Cha binib bi kpa nlan na li dakl lik timina; Cha bi dakl lik Uwumbɔr aageehm mu bi n‑yoonn mɔmɔk na.

Ilahn 44:19

Le aa siir cha timi tipeewanbir aakaasisik ni; aa siir cha timi mbɔmbɔɔn sakpen ponn ni la.

Ilahn 79:1

Uwumbɔr, binib bi kaa nyi si na koo ni saatiŋ ni. Bi bii Saadichal li bi chain na, le ki cha Jerusalem gur ye tilangbenn.

Aisaya 13:22

Takɔ tiib ni ikakal yaa wii nima kan, ni ga li keei tidir fɔfɔk na, ni ŋibɔrdichal na ni la. Babiloŋ aayoonn fuu ni a. Kaawiin doo a.”

Aisaya 25:2

Aa cha ntisakpem kpaln ŋilangben, ki bii ntim ngbaan aah bi nin chee na. Timi aadim aah nan maa ŋibɔrdichal ŋi na kuln, kaa ki si.

Aisaya 34:13

Ikokon ni ŋinaabukar ŋmeen le ga punn ŋibɔrdichal, ni ntim mu bi maa ŋigon kiir mu na mɔmɔk ponn ni, le ikakal ni ifiin ga li koo nima.

Aisaya 44:26

Le maatutunn ma yaa len ke tiwan ni ga ŋa na kan, bee m yaa ti ki tun ni maatuun ke u nan kpiir maalandak tuk binib kan, m cha ilandak ngbaan ni tibɔr ngbaan gbiini la. M tuk Jerusalem ke binib ga ki gir koo ni ki ponn ni, ki ga gir maa Juda aatisakpem na mɔmɔk. Ntisakpem ngbaan ga fii nyan ni mu aah nan ber pu na ni.

Jeremia 1:15

ba pu? m bi yin ŋitimbol ŋi bi ŋŋangan wɔb na ke ŋi dan la. Ŋaabɔrb ga di baabɔrjal siin Jerusalem aabisamɔi chee, ki siin mann goln kaagon, ki siin mann goln Juda aatim muken na mu.

Jeremia 10:22

Li pel man. Tibɔchann fuu ni a. Kinikpakpak sakpeŋ fii ŋŋangan wɔb aatimbol ni; laajab ga cha Juda aatim mɔmɔk kpaln nteersakpiin nin chee ikakal koo na.”

Jeremia 16:10

“Aa yaa tuk bi timina mɔmɔk kan, bi ga baa si ke ba ŋa m ŋa kina aalandak ke m daa bitafal sakpen kina. Bi ga baa ke ba aatimbiil aan bi bii, ki baa ke ba aatunwanbir aan bi tun Bidindaan Uwumbɔr.

Jeremia 25:11

Kitiŋ kee mɔmɔk ga kpaln tilangbenn le ki li kpa ijawaan, le kaanib ni ŋitimbol ŋi bi gbɔk na ga li tun tii Babiloŋ aabɔr ki ti saa ŋibin imonko itaa ni kipiik.

Jeremia 25:18

Jerusalem aatiŋ, ni Juda aatim mɔmɔk, ki kpee kaabɔrb ni biyidam mɔmɔk, m nan cha bi nyun ki ponn ni, ki cha bi kpaln nteersakpiin, ki kpa ijawaan, ki cha binib joo baayimbil puuni lir biken pu, ke baah beenin ŋani pu na.

Jeremia 26:18

“Hesekia aah nan ye Juda aabɔr na, Uwumbɔr aabɔnabr Maika u nan bi Moresef aatiŋ ni na nan tuk binib mɔmɔk ke Uwumbɔr Mpɔɔnsakpiindaan len ke, ‘Bi ga kpar Sionn ke lisikpel na, le Jerusalem kpaln tilangbenn aakpuk, le Uwumbɔr Aadichal aagongoln ga kpaln kichook.’

Jeremia 26:9

Ba ŋa aa di Uwumbɔr aayimbil len ke Waadichal lee ga bii ke Silo na, aan kitiŋ kimina mu ga kuln, ubaa taa ki li koo nima?” Binib ngbaan nan mann goln mi.

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 4:27

Tɔ, Uwumbɔr nan bui ke kitiŋ kee mɔmɔk ga kpaln nteersakpiin la, u mu aan tee bii ki doo.

Jeremia 44:2

Uwumbɔr Mpɔɔnsakpiindaan, u ye Israel yaab Aawumbɔr na bui ke, “Nimi nibaa nan kan tibɔbir ti m nan cha ti dan Jerusalem ni Juda aatim muken mɔmɔk pu pu na. Ki nan saa din wee, mu beenin ye tilangbenn, le unii ubaa aa bi mu ponn ni; ba pu?

Jeremia 49:33

Hasor ga kpaln nteersakpiin le ki ti saa n‑yoonn mu kaa kpa ndoon na, ikakal ŋmeen le ga li koo nima. Ubaa aan ki koo nima daalbaadaal. Min Uwumbɔr le len kina.”

Jeremia 50:3

“Litimbol li nyan ni ŋŋangan wɔb na dan ke li nan tak Babiloŋ, le ki ga ŋa ki nteersakpiin. Binib ni tiwakor ga san, le ubaa aan ki li koo nima.”

Jeremia 51:37

Kitiŋ ngbaan ga kpaln tilangbenn ti ponn ni ipeel ŋmeen koo na la. Nima chee ga li kpa unii mɔk ijawaan; ubaa aan li koo nima, le ijawaan ga chuu unii umɔk kan kina na.

Jeremia 8:22

Inyɔk aa bi Gilead aatiŋ ni ii? Bi teei binib na aa bi nima chee ee? Tɔ, ba ŋa ubaa aa ŋmaa tii maanib laafee?

Inandalahn 1:4

Ubaa aa ki koo Uwumbɔr Aadichal ni ke u nan doon Uwumbɔr njim daal. Bisapɔm bi nan gaa ilahn nima na ji falaa la, le bitotoorb ker idun ŋmeen la. Kitiŋ aagoln aabisamɔi ni gur ye nkuun la, le Sionn aatiŋ aanib bi iween sakpen ni.

Inandalahn 2:2

Uwumbɔr nan kuln Juda aatiwaatiir na mɔmɔk, kaa san mu kinimbaak. U nan tur tijawan aadichal ŋi nan kii Juda aatiŋ na lir kitiŋ. U nan cha nnaan ngbaan ni binib bi joo mu na jin inimɔɔn.

Inandalahn 3:47

Ti koo tibɔbir, ni libiil ni, le ki nyan; ti bi linimaln, ni ijawaan ni.

Liifai Yaab 26:32

M ga bii nimi aatim, kina pu na, nimi aadim bi ga gaa mu na aasui ga gar maah ga ŋa mu pu na.

Maika 1:6

Kina pu le Uwumbɔr len ke, “M ga cha Samaria kpaln litakpakpokl le kipɔɔk ni, nin chee bi ga ko ndaan aasubil aasui aasar na. M ga ber kaagon lii, ki faa kaabir ti mee kifataŋ ni.

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Maika 6:16

Naah dii Ubɔr Omri aajapɔɔn Ubɔr Ahab aatunwanbir aasan na pu, le kina ga ŋa. Ni beenin joo baakaal la, kina pu le m ga bii doo nimi, le unii mɔk ga lik nimi fam. Binib bi bi dulnyaa wee ni na ga lik seen nimi.”

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.

Tibɔkpiirkaan 18:2

le ki len mpɔɔn pu ke, “Kitisakpeŋ Babiloŋ lir a. Ki lir kookoo a. Bipɔnib, ni tiyayaar, ni tiwanbir, ni inyoon i bir ki kɔ na baanja le koo nima chee;