Jeremia 8:6 - Uwumbɔr aagbaŋ

⁶ M pel suuna, le kaa ŋun ubaa len ibamɔn. Ni ponn ni ubaa kina aasui aa bii waabiin pu; ubaa le aa len ke, ‘M tun taani la.’ Ni mɔmɔk cha naah gee nin chee na ke utaan le aah san cha butɔb ni na.

Jeremia 8:6 ပူးပေါင်းရင်းမြစ်များ

Job Aagbaŋ 10:2

Uwumbɔr, taa bui ke maabɔr bii. Bui mi maabɔr aah bii pu na.

Job Aagbaŋ 34:31

Job, aa kpiir saatunwanbir tuk Uwumbɔr ki puu ke saan ki tun titunwanbir aa?

Job Aagbaŋ 34:32

Aa baa Uwumbɔr ke u mɔk si saataani, ki kii ke aa ga di cha titunwanbir aa?

Ilahn 14:2

Uwumbɔr bi paacham le ki lik ni unibɔn, ke u lik ke bibaa bi ki kpa nlan aan baa bi, ke bibaa bi ki dooni u aan baa bi.

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 57:17

Baatunwanbir ni baakumɔŋ pu le m nan gee bi pu liŋuul, le ki nan daa bitafal ki san cha bi. Le baa nan kpeln, ki beenin dii baasan.

Aisaya 59:16

Ni gar u pam ke ubaa aa bi u ter baah muk binib bi na. Kina pu na, u ga di ubaa aapɔɔn le di gaa bi lii, ki ji linyaŋ ngbaan.

Jeremia 23:25

M nyi bibɔnabr ngbaan aah len pu ki mɔln inyamɔn maayimbil pu, ke min le di maabɔr tuk bi tidaŋ ponn ni pu na aatataa.

Jeremia 3:5

Saaŋuul aan li feei n‑yoonn mɔmɔk; saan gee ti pu liŋuul ki ti saa n‑yoonn mu kaa kpa ndoon na.’ Israel yaab, ni len kina, le ki tee tun titunwanbir timɔk ni ga ŋman na.”

Jeremia 5:1

Jerusalem aanib, san dii nimi aatiŋ ponn ni man. Lik lik man. Cha nimi nibaa aanimbil kan. Lik lik kinyaŋ ponn ni man. Ni ŋmaa kan unii ubaa aan u tun ni ŋan na ki pɔɔni ubaa ke u kii Uwumbɔr aamɔb aa? Ni yaa ga kan kina aanii kan, Uwumbɔr ga di cha Jerusalem yaab aatunwanbir pinn bi.

Esekiel 18:28

U bee waah tun pu na, le ki di cha titunwanbir aatum, kina pu le waan kpo, u ga li kpa limɔfal.

Esekiel 22:30

M lik ke m kan unii u ga ŋmaa maa ligoln na, unii u ga ŋmaa sil nin chee ŋigon lir na, ki kiir kitiŋ ngbaan buyoonn maaŋuul ban li kuln ki na, tɔ, m mu aa ŋmaa kan ubaa.

Daniel 9:11

Israel yaab mɔmɔk nan bii saakaal ki yii kaa pel saah len pu na. Ti nan tun si titunwanbir, le aa nan cha saah puun tibɔbir ti aan saatutunn Moses nan ŋmee ŋa saakaal ni na dan nan lir ti pu.

Maika 7:2

Unii ubaa aa gur kitiŋ ngbaan pu ki bi chob, ubaa mu aa bi ki kii tii Uwumbɔr. Binib mɔmɔk ka kii ke bi ku binib biken la. Unii mɔmɔk dɔ ban udo yoo le u ku.

Sefania 3:7

N‑yoonn ngbaan le m nan dak ke maanib ga san mi ki kii maasurm, aan baatiŋ taa kuln, aan maatafadaan mɔmɔk taa dan bi pu. Tɔ, bi nan beenin neen ke bi li tun beebee aatun baatuln mɔmɔk ni.”

Hagai 1:5

Naa waa tiwan ni bi ŋani nimi na aa?

Hagai 1:7

Ni bee tiwan ni cha nimina mɔmɔk ŋani nimi na aa?

Malakai 3:16

Le binib bi san Uwumbɔr na len tɔb chee tibɔr, le Uwumbɔr pel, le ki ŋun baah len pu na. Bi ŋmee kigbaŋ ni binib bi san Uwumbɔr ki pak u na aayimbil bilni, unimbiin ni.

2 Piita 3:9

Tidindaan aan taan ke u ŋa waah puu tipuur ti na, ke binib bibaa aah dak pu na. U ji limɔr ni pu la, kaa ban ke unii ubaa bii. U ban ke binib mɔmɔk kpeln baabimbin ki ŋmar la.

Tibɔkpiirkaan 9:20

Binib bi gur kaa kpo iween ngbaan pu na aa kpeln baabimbin, kaa di cha baah ŋani ŋiwaa ŋi na. Bi beenin dooni tininkpiwanbir, ni ŋiwaa ŋi bi nan di salmaa, ni tikunabr, ni tikur, ni ŋitakpal, ni idɔ naan ŋi na, ŋiwaa ŋi kaa waa, ki mu aa ŋun tibɔr, ki mu aa ŋmaa chuun na.