Jeremia 8:4 - Uwumbɔr aagbaŋ

⁴ Uwumbɔr nan bui mi ke m tuk waanib ke, “Unii yaa lir kitiŋ kan, waa ki fi sii paacham aa? Unii yaa yenn nsan kan, waa ki fenn upuwɔb aa?

Jeremia 8:4 ပူးပေါင်းရင်းမြစ်များ

1 Bibɔrb 8:38

li pel baameel. Saanib Israel yaab ubaa aasui yaa bii, le u taln uŋaal limeel ponn ni, ki di toŋ ni Saadichal limina kan,

Ŋiyataŋak 24:16

Unibamɔnn yaa lir sakpen pu na kan, u ga ki fii sil; le tibɔbir ga ku ubiindaan ma.

Aisaya 44:22

Israel yaab, m ŋar nimi aatunwanbir ŋŋaan ke ntaalangbam aah san jer pu na. Gir ni m chee man; min le ye u gaal nimi lir na.”

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Jeremia 23:14

M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Jeremia 3:1

Uwumbɔr nan bui ke, “Uja yaa yii upuu, le u yaa fii ki ti mɔn uja uken kan, waan ti ki ŋmaa gaa ni u. Nimina ga bii kitiŋ kee kookoo la. Tɔ, Israel yaab, ni kan bɔtiib pam, le ki tee ki ban ke ni gir ni m chee.

Jeremia 3:22

Nimi bi mɔmɔk fenn nipuwɔb tii Uwumbɔr na, gir ni man; u ga tii nimi laafee, ki cha ni ki sil upuwɔb. Ni bui ke, “Mbamɔn, ti ban ti gir ni Uwumbɔr chee la, ba pu? uma le ye timi Aawumbɔr.

Jeremia 36:3

Nibaakan, Juda aanib yaa ŋun libiil li mɔmɔk m ban m joo ni bi pu na kan, bi ga di cha baabimbin mu kaa ŋan na. Le m ga di baatunwanbir ni baabiin aatuln cha pinn bi.”

Jeremia 4:1

Uwumbɔr bui ke, “Israel yaab, ni yaa ban ni fenn kan, ni fenn dan m chee. Ni yaa di cha nsan mu kpa tijɔŋ na ki kii maamɔb kan,

Esekiel 18:23

Tidindaan Uwumbɔr baa ke, “Ni dak ke titunwanbirdaan yaa kpo kan, ni mɔ mi la aa? Aayii, m ga li gee ke u ba kpeln waabimbin ki li bi.

Hosea 14:1

Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir.

Hosea 6:1

Binib ngbaan len ke, “Cha ti gir Uwumbɔr chee man. U tii timi titotonn, le ki ga sil tii timi laafee; u tii timi ibuun, le ki ga sil ban litaln poo biin i pu, u ga sil ŋa kina.

Hosea 7:10

Israel aanib aagaak wii ban bi la. Hali tiwan ni mɔmɔk ŋa na pu, baa fenn ki gir ni min Bidindaan Uwumbɔr chee.

Amos 5:2

Israel aatiŋ lir a, kaan ki fii sil kpala. Ki kpo bee kitiŋ, le ubaa aan ter ki, ki fii sil.

Maika 7:8

Timi aadim aa kpa nsan ke bi li kpa mpopiin timi aafalaa pu. Ti lir la, le ki mu tee ga ki fii. Ti bi mbɔmbɔɔn ni le dandana, le Uwumbɔr ga tii timi nwiihn.