Jeremia 8:22 - Uwumbɔr aagbaŋ

²² Inyɔk aa bi Gilead aatiŋ ni ii? Bi teei binib na aa bi nima chee ee? Tɔ, ba ŋa ubaa aa ŋmaa tii maanib laafee?

Jeremia 8:22 ပူးပေါင်းရင်းမြစ်များ

Mpiin 37:25

Nee aapuwɔb, le bi ka ji tijikaar, le ki kan Ismael yaab bibaa choo ki nyan ni Gilead, ki jer cha Ijipt aatiŋ ni. Bi nan joo laakumii tiib ki di tulalee aabɔŋ aabɔŋ, ni iween aanyɔk pam bi pu.

Mpiin 43:11

Le bite bui bi ke, “Ni yaa ye kina kan, li joo ipiin i nyan ni timi aatiŋ kee ponn ni ki ŋan sakpen na, ki ti tii uninkpel ngbaan: ni ban tulalee u nu mɔ na, ni tisiir, ni tikpin, ni ŋisubil ŋi mɔ na.

Jeremia 14:19

Uwumbɔr, aa yii Juda aanib kookoo la aa? Aa nan Sionn aatiŋ aanib la aa? Ba ŋa aa tii timi titotonn ti kaan sɔŋ na? Ti nan lik ban nsuudoon, le kinyaan kibaa aa choo; ti nan ka ban laafee, le tibɔbir tee dan.

Jeremia 22:6

“M chee kan, Juda aanaan aadichal ŋan ke Gilead aatiŋ, ni Lebanonn aajoo na la; le m ga ŋa li nin chee ubaa aan ŋmaa koo na.

Jeremia 46:11

Ijipt aanib, li cha man Gilead aatiŋ ni ki ti ban inyɔk. Nimi aanyɔk mɔmɔk ye fam la; nibaa aan ŋmaa tii nimi laafee.

Jeremia 51:8

Babiloŋ kpaan lir libuul ngbaan ni le ki kuln. Wii kaakpuul man. Ban nnyɔk ki nan ŋa kaabuun ni, nibaakan, i ga yann.

Jeremia 6:7

Liboln ni aah kpa nnyunpɔm pu na, kina le Jerusalem ni kpa titunwanbir pɔnn. M ŋun kijaak ni libiil pu kitiŋ ngbaan ni; m kani iween ni ibuun ŋmeen la.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Inandalahn 2:13

Jerusalem aatiŋ ki m gee ki na, m ga len ke ba? M ga ŋa kinye ki sɔŋ aasui? Ubaa aa kee jin falaa umina aaboln. Saabɔbir aa kpa timɔk ke nnyusakpem na la; limakl aa ki bi nibaa chee.

Esekiel 27:17

Juda ni Israel yaab nan di njikaabim, ni tisiir, ni olif aakpan, ni tulalee tiib pan si saawankookaan pu.

Nkahm 32:1

Rubenn ni Gad aanibol nan kpa tiwakor ti wiir pam. Bi nan kan ke Jaser ni Gilead aatim kpa kimopɔɔk ki ŋan tiwakor ga kan timoor ki ŋmɔ na,

Tibɔnyaan ti Luk ŋmee ti na 8:43

Le upii u fu tipiir ŋibin kipiik ni ŋilee taa door na bi nima. U nan chaa biteteeb chee, ki jin waamombil mɔmɔk doo. Bi ponn ni ubaa mu aa ŋmaa cha u pɔɔk.