Jeremia 8:2 - Uwumbɔr aagbaŋ

² Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Jeremia 8:2 ပူးပေါင်းရင်းမြစ်များ

2 Bibɔrb 17:16

Bi nan bii Bidindaan Uwumbɔr aakaal mɔmɔk, le ki naan tikur aanaajabi ilee ki dooni i; bi nan ki naan liwaapii Asera aanaŋ mu, ki dooni iŋmabi, le ki dii liwaal Baal.

2 Bibɔrb 21:3

U nan ki gir maa tiwaadir ti ute Hesekia nan ber na. U nan maa ŋiwaa aatork aabimbin ke bi li dooni liwaal Baal nima chee, le ki naan liwaapii Asera aanaŋ, ke Israel yaab aabɔr Ahab aah nan ŋani pu na, ki dooni iŋmabi mu.

2 Bibɔrb 21:5

U nan maa kitork aabimbin ŋi pu bi ga li dooni iŋmabi na, Uwumbɔr Aadichal aachin ŋilee na ponn ni.

2 Bibɔrb 23:5

U nan nyan bitotoorb bi Juda yaab aabɔrb nan di kaan kaan ke bi li toor kitork, ŋiwaa aatork aabimbin pu, Juda aatim ni, ni nin chee duun Jerusalem aatiŋ na, baatun ni, bitotoorb bi mɔmɔk nan toor kitork tii liwaal Baal, ni nwiin, ni uŋmal, ni paacham aawan niken na, ni iŋmabi na, u nan nyan bi mɔmɔk.

Ilahn 53:5

Tɔ, ijawaan mu tee ga chuu bi, ke yaah kaa kee chuu bi pu na; ba pu? Uwumbɔr ga di waanib aadim aakpab yaa. Uwumbɔr yii bi, kina pu le Israel yaab ga nyaŋ bi kookoo.

Ilahn 83:10

Aa nan nyaŋ bi Endor aatiŋ pu, le bi dɔ nima ki ti bur.

Ilahn 83:11

Ŋa baayidam ke saah nan ŋa Oreb ni Seeb pu na; nyaŋ baasalolm ke saah nan nyaŋ Seba ni Salmuna pu na.

Ulandaan 6:3

Uja ga ŋmaa li kpa mbim nkub, ki yunn pam, tɔ, u gee u yunn dulnyaa ni ba pu, u yaa kaa jin waamɔɔn, kaa kan likpuul li nyuun na kan, ubo u kpo una aaponn ni ki nyan ni na soor u.

Jeremia 14:16

Baah di tibɔr tee tuk binib bi na mu ga kpo nkun baan ngbaan la. Bi ga di baanikpol mae Jerusalem aatiŋ ponn ni, le ubaa aan li bi ki sub bi. Nimina ga ŋa bi mɔmɔk, bi ni bipuutiib, ni bijapɔtiib, ni bibisatiib. M ga cha bi pa baatunwanbir pu.”

Jeremia 16:11

Le aa ga bui bi ke Uwumbɔr bui ke, ‘Niyaajatiib nan fenn bipuwɔb tii mi, le ki dooni ki tun tii ŋiwaa. Bi nan yii mi, kaa kii maamɔkm.

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 16:6

Biwankpadam ni bigiim mɔmɔk ga kpo kitiŋ kee pu, ubaa mu aan sub bi, kaan wii baakpuul. Ubaa aan daan ubaa, kaan kuu uyikpir ki mɔk ke usui aa piin.

Jeremia 19:13

Jerusalem aadichal, ni Juda aabɔrb aadichal, ni ŋidichal ŋi mɔmɔk pu bi nan seer tulalee aayon tii iŋmabi, ni nin chee bi nan joo ndaan kpir tii ŋiwaa na mɔmɔk pu, ga li kpa tijɔŋ ke Tofef na la.”

Jeremia 22:19

Bi ga di ubon aakpuul aanyuŋ le di fuul u di buen ki ti di u mee Jerusalem aabisamɔi aapuwɔb.”

Jeremia 25:33

Liyaadaal ngbaan kan, Uwumbɔr aah ku binib bi na aanikpol ga li dɔ kitiŋ kee pu, ni kookoo la. Ubaa aan wii baakpuul, le ubaa aan yoor ŋi di buen ti sub. Ŋi ga li dɔ ŋikpuk ŋikpuk ke tinaabin na la.

Jeremia 31:40

Kifataŋ ki ponn ni bi sui binib ki joo timoor ti kpir na mɔmɔk, ni ikpaakon i bi Kidronn aabun aapaacham na, ki ti saa mbisamɔb mu bi yin mu ke Utaan Aabisamɔb, aan mu bi liwipuul wɔb na, ga li bi chain tii mi la. Ubaa aan ki tur kitiŋ ngbaan lii, kaan ki ber ki daalbaadaal.”

Jeremia 36:30

Min Uwumbɔr le bui sin Ubɔr Jehoyakim, ke aayaabil ubaa aan kal Ubɔr David aanaanjal pu. Bi ga di saawon mee, le nwiin gbaa ti nwiin pu, le limaln mu gbaa ti kinyeek.

Jeremia 9:20

Le m bui ke, “Nimi bipiib, li pel man Uwumbɔr chee, ki ŋun waamɔboln. Mɔk nibisatiib likpuul aawiim, ki mɔk ninaakoontiib ikpolahn aagaam.

Jeremia 9:21

Nkun dii timi aatakolu mam le ki koo ni timi aabɔrchiln ni; mu gbaa mbim bil kitiŋ ponn ni, ki gbaa binachipɔm bil kinyaŋ ni.

Jeremia 9:22

Ŋinikpol dɔ ni kookoo, ke ŋinaabinkpok le aah dɔ ikpaakon ni na, ki bi ke baah gaa ŋikalmaan le bil, kaa bar ŋi na, ki bi ke ŋikalmaan ŋi ubaa aan bar ŋi na. Uwumbɔr aah bui mi ke m len pu na le bi na.”

Esekiel 29:5

M ga di aa ni ijan ngbaan mɔmɔk mee lii nteersakpiin ni. Aa ga ti lir kitiŋ ki gaar nima, ubaa taa sub si. M ga di si tii inyoon ni ipeel i di ŋa tijikaar.

Esekiel 39:5

Bi ga lir kpo kipɔɔk ni. Min Dindaan Uwumbɔr le len kina.

Esekiel 6:5

M ga di Israel yaab aanikpol yaa; m ga di baakpab yaa ŋiwaabimbin ngbaan chee la.

Esekiel 8:16

Kina pu na, u nan di mi koon Uwumbɔr Aadichal aachinbik ni. Chain aapepel ni, mbisamɔb chee, kitork aabimbiln, ni baah diir nin chee na aakaasisik ni, bijab moninko ni biŋmu nan ka nima. Bi nan fenn bipuwɔb tii chain aapepel, le ki gbaa kitiŋ ki dooni nwiin mu laa bi puur ni na.

Sefania 1:17

Uwumbɔr ki bui ke, “M ga cha tibɔbir ngbaan aaboln dan unibɔn pu aan unii mɔmɔk li chuun baani ke ujoon na. Bi tun mi taani, le m ga cha baasin puu ke nnyun na, le baanikpol ga li dɔ kitiŋ ki ti bur.”

Sefania 1:5

M ga kuln unii umɔk joi ŋidichal aapaacham ki ti dooni nwiin, ni uŋmal, ni iŋmabi na. M ga kuln binib bi mɔmɔk dooni mi ki bui ke bi ga kii maamɔb, ki tee puur liwaal li bi yin li ke Milkom na.

Lituln 7:42

Le Uwumbɔr daak bi chee, le ki siir cha bi, le bi dooni ŋiŋmabil ŋi bi kitaapaak na. Uwumbɔr aabɔnabr nan ŋmee tibɔr ngbaan Uwumbɔr Aagbaŋ ponn ni, ke Uwumbɔr len ke, ‘Israel yaab, ni nan kɔr tiwakor ki toor kitork ŋibin imonko ilee timoor ni. Naah toor kitork na, ni toor tii min aa? Aayii.

Ikaal 17:3

ki dooni ŋiwaa, bee nwiin, bee uŋmal, bee iŋmabi, ki yenn Uwumbɔr chee.

Ikaal 4:19

Ni taa cha nibaa tɔŋ nimi aan ni li dooni tiwan ni ni waa kitaapaak, ni ye nwiin, ni uŋmal, ni iŋmabi na. Nidindaan Uwumbɔr le di tiwan nimina mɔmɔk tii binib bi mɔmɔk bi dulnyaa wee ni na.