Jeremia 8:19 - Uwumbɔr aagbaŋ

¹⁹ Li pel man, m ŋun maanib aawiil pu kitiŋ kee mɔmɔk pu, “Uwumbɔr aa ki bi Sionn aatiŋ ni la aa? Sionn aatiŋ aabɔr aa ki bi la aa?” Le Bidindaan Uwumbɔr, u ye baabɔr na gar ke, “Ba ŋa ni dooni nimi aawaa ki gbaani biwɔwɔm aawaa ŋi kaa kpa tinyoor tibaa na aanimbiin ni ki fiini maaŋuul?”

Jeremia 8:19 ပူးပေါင်းရင်းမြစ်များ

Ilahn 135:21

Pak Uwumbɔr, Sionn aatiŋ ni, pak u, udo Jerusalem ni man. Pak Uwumbɔr man.

Ilahn 137:1

Babiloŋ aamɔɔ chee le ti nan kal; nima chee le ti nan teer Sionn aabɔr le ki wii.

Ilahn 146:10

Uwumbɔr le ye ubɔr n‑yoonn mɔmɔk. Sionn aatiŋ aanib, nimi Aawumbɔr aanaan aan doo. Pak Uwumbɔr man.

Ilahn 149:2

Israel yaab, li kpa mpopiin Uwumbɔr u nan ŋa nimi litimbol na pu; Sionn yaab, li mɔɔni Uwumbɔr u ye nimi aabɔr na pu man.

Ilahn 31:6

Saa gee binib bi dooni ŋiwaa na, le mma tii si naadii.

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 13:5

Bi nyan ni dandar aatimbol ŋi bi kitiŋ kee aadoon chee na la. Uwumbɔr aaŋuul pu le u choo ke u bii kitiŋ mɔmɔk doo.

Aisaya 33:22

Tiwan nimɔk bi iŋɔi ngbaan pu na ye fam la; yaakeken ŋi cha i chuun na aan ŋmaa kpar. Ti ga di mpɔɔn gaa timi aadim aawangol mɔmɔk, le taah ga gaa liwangol li na ga li wiir sakpen; le biwɔb mu ga kan bi yaan. Uwumbɔr ubaa le ga li ye timi aabɔrkpaan; u ga li joo timi le ki kii timi.

Aisaya 39:3

Nee aapuwɔb le Uwumbɔr aabɔnabr Aisaya buen ubɔrkpaan Hesekia chee ki ti baa u ke, “Bijab ngbaan nyan ni la chee, bi len ke ba aa chee?” Hesekia nan giin kii u ke, “Bi nyan ni dandar la, bi nyan ni Babiloŋ aatiŋ ni la.”

Aisaya 52:1

Jerusalem, ki pɔɔk, ki ki li nyuun ke saah nan bi pu na. Uwumbɔr aatiŋ ki bi chain na, di saakekenyaan gbab. Binib bi dii ŋiwaa ki kpa tijɔŋ na aan ki koo aa ponn ni.

Jeremia 10:15

Ŋaa kpa tinyoor le ki ŋeer ke bi lik seen ŋi. Uwumbɔr yaa nan dan ke u nan ji ŋi tibɔr kan, ŋi ga kuln.

Jeremia 14:19

Uwumbɔr, aa yii Juda aanib kookoo la aa? Aa nan Sionn aatiŋ aanib la aa? Ba ŋa aa tii timi titotonn ti kaan sɔŋ na? Ti nan lik ban nsuudoon, le kinyaan kibaa aa choo; ti nan ka ban laafee, le tibɔbir tee dan.

Jeremia 14:9

Ba ŋa aa bi ke uja u tibɔr nan lir u na; ba ŋa aa bi ke uja u kaa ki kpa mpɔɔn ke u ter timi na? Uwumbɔr, ni sil ye mbamɔn ke aa bi ti chee. Ti ye saanib la, taa di timi lii.’”

Jeremia 2:5

Uwumbɔr bui ke: “Ngalm mulamu aan niyaajatiib nan di galn mi? Ba nan cha bi fenn bipuwɔb tii mi? Bi nan dooni ŋiwaa ŋi kaa bi tibaa ni na le ki mu kpaln maabitibaanidam bibaa.

Jeremia 27:10

Bi ŋmanni nimi la, le kina ngbaan ga cha bi chur nimi buen dandar ki cha nimi aatiŋ. M ga jenn nyan nimi, le bi ku doo nimi.

Jeremia 31:6

Mbamɔn, n‑yoonn choo, le bikikiib ga sil Efraim aagongon paab ki bui ke, ‘Cha ti jon buen Sionn aajool, Tidindaan Uwumbɔr chee man.’”

Jeremia 32:30

Ki nyan Israel yaab ni Juda yaab aapiin aabɔr ni, bi ŋani maah kaa gee pu na la, le baatun fiini maaŋuul.

Jeremia 7:19

Tɔ, min le bi sil tii titotonn aa? Aayii, bibaa le bi tii titotonn, ki joo ni inimɔɔn bibaa pu.

Jeremia 8:20

Le binib ngbaan wii ki len ke, “Kitotoŋ jer, le lijikaacheel mu jer, le Uwumbɔr aa gaa timi lii.”

Jeremia 9:16

M ga cha bi yaa koo ŋitimbol ŋi bima ni biyaajatiib aa kee ŋun ŋi pu na ni, le ki di bijab tun ti tak bi ki ti saa buyoonn m ga kuln bi na.”

Esekiel 48:35

Ŋigon ŋinaa ngbaan aafɔfɔk nan ti saa ŋitaa ŋichur piitaa ni ikui ilee ni moninko la. Kitiŋ ngbaan aayimbil ki nyan n‑yoonn mue ki joo cha ga li ye ke “Uwumbɔr‑bi‑do.”

Joel 2:32

Liyaadaal ngbaan unii umɔk mee Uwumbɔr na, uma le ga ŋmar ke Uwumbɔr aah len pu na ke, ‘Bibaa bi Jerusalem aatiŋ ni ki ga ŋmar; bima le ye binib bi m lee bi ke bi ga ŋmar na.’”

Obadia 1:17

“Sionn aajool na pu le binib bibaa ga ŋmar, le lijool ngbaan pu ga kpaln miyaan. Jakob aayaabitiib ga gaa baatiŋ ki ye baatiŋ ibamɔn ni na.

Maika 4:9

Ba ŋa aa wii mpɔɔn pu sakpen kina? Ba ŋa aa ji falaa ke upii u imalween joo u na? Saah kaa kpa ubɔr, aan saasusurb mu kpoi na pu le aa wii ii?

Sefania 3:15

Uwumbɔr kuln nimi aatafadaan a; u nyaŋ nimi aadim mɔmɔk a. Uwumbɔr u ye Israel yaab aabɔr na bi ni chee; taa ki san ijawaan man.

Sekaria 2:9

Min Uwumbɔr ubaa le ga daa nimi ŋitimbol ngbaan aatafal, le binib bi nan ye nimi aanaagbiib na ga gaa nimi aawan mpɔɔn kijaak ponn ni.” Buyoonn nimina nan ŋa na, le ni ga bee ke Uwumbɔr Mpɔɔnsakpiindaan le tun ni mi.

Lituln 14:15

“Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.

Tibɔkpiirkaan 2:1

“Ŋmee kigbaŋ tii maanib bi bi Efesus aatiŋ ni na aatuun ke min Yesu u joo iŋmabi ilole ngbaan ŋŋangii ni, ki chuun salmaa aawan ni pu karyaa tiib tɔŋni na tiwan nilole na aakaasisik ni na le len tibɔr timina: