Jeremia 8:17 - Uwumbɔr aagbaŋ

¹⁷ Le Uwumbɔr bui ke, “Li lik man. M ga di iwaa tun ni ni chee, iwaa i kpa liluul li inyɔk aan ŋmaa ŋa i nibaa na, le i nan junn nimi.”

Jeremia 8:17 ပူးပေါင်းရင်းမြစ်များ

Ilahn 58:6

Uwumbɔr, kool ichinnbir ngbaan aanyin.

Ulandaan 10:11

Aa yaa cha uwaa puen juu si waahr aan aa nin bui ke aa kpa nnyɔk mu ga jɔr u na kan, ni ye fam la.

Aisaya 14:29

Filistia yaab, lidabil li bi di gbaa nimi na koo a, ni mu taa tee laa man. Uwaa ubaa yaa kpo kan, u bir jer uma ngbaan na ga dan nan gaa waabuul ni. Uwaa aajeln kaal kiwanbiik la.

Amos 5:19

Ni ga nan li naahn ke unii aah san uchinn chee ki ti tooh upeenaamuun nsan ni pu na la, ki li bi ke unii u kun ni linampal ki nan di uŋaal paan ligoln pu aan uwaa kpaan juu u pu na la.

Amos 9:3

Bi yaa jon ti kal Kamel aajool paab kan, m ga ban kan bi ki chuu bi. Bi yaa koo nnyusakpem aataab ki ti bɔr mi kan, m ga cha nnyusakpem ponn ni aapeewanbiik juu bi.

Nkahm 21:6

Le Uwumbɔr cha iwaa i kpa liluul na dan nan junn bi, le bi ponn ni pam nan kpoi.

Ikaal 32:24

Bi ga kpo nkon, ni iween ponn ni la, le iween i bir na mu ga ku bi. M ga cha tipeewanbir le dan nan lir bi pu, ki cha iwaa i kpa liluul sakpen na mu junn bi.

Tibɔkpiirkaan 9:19

ba pu? itaan ngbaan aapɔɔn le bi yaamɔi ni, ni yaajuu ni. Yaajuu ngbaan naahn iwaa le ki kpa ŋiyil ki mɔk binib falaa.