Jeremia 8:16 - Uwumbɔr aagbaŋ

¹⁶ Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Jeremia 8:16 ပူးပေါင်းရင်းမြစ်များ

Job Aagbaŋ 39:20

Sin le cha i yuk ke itoon na ki joo yaah fɔi pu na faani binib aa?

Ilahn 24:1

Uwumbɔr le yeh dulnyaa, ni tiwan nimɔk bi u ponn ni na; kitiŋ kee, ni bi mɔmɔk bi ki pu na ye u yaab la.

Jeremia 10:25

Di saaŋuul toŋ ŋitimbol ŋi kaa dooni si na, ni binib bi yii si na wɔb. Bi ku saanib, bi kuln timi pel pel, le ki cha timi aatiŋ kpaln ŋilangben.

Jeremia 3:24

Le inimɔɔn aawaal Baal na aadoon pu cha ti lann ipiih, ni inaa, ni japɔtiib, ni bisatiib, ni tiwan nimɔk tiyaajatiib nan tun ki kan n‑yaajayoonn na.

Jeremia 30:16

Tɔ, dandana ma kan, binib ga nae bi mɔmɔk nan nae nimi na, bi ga chur nimi aadim tinaagbiir di buen. Bi ga muk binib bi mɔmɔk nan muk nimi na, le ki gaa binib bi mɔmɔk nan gaal nimi aawan mpɔɔn na mu aawan mpɔɔn.

Jeremia 30:5

“M ŋun ijawaan aawiil pu, iwiil ngbaan ye ijawaan aawiil, kaa ye nsuudoon aawiil.

Jeremia 4:24

M nan lik ŋijoo, le ŋi mɔmɔk nan jii, le ŋigongon yuk ti nya do ki ti nya do.

Jeremia 4:7

Uchinn aah nyani waabɔbɔryaan ni pu na, kina le unii u bii ŋitimbol na nyan ni. U choo u nan bii Juda aatiŋ la. Juda aatim ga kpaln tilangbenn la, le ubaa aan ŋmaa koo mu ni.

Jeremia 47:3

Bi ga ŋun itaan aataagbendun pu, ki ŋun itaan aatɔroku aawiil pu, ki ŋun baafambann aah weeni pu na. Tetiib aan fenn ban baabim; biwon ga yɔl, le biŋaal gur jɔn kaakaan.

Jeremia 5:17

Bi ga di nimi aajikaar ni njikaabim nab; bi ga ku nijapɔtiib ni nibisatiib. Bi ga nan kɔr nimi aawakor mɔmɔk, ki kuln nimi aasubil aasui mu. Baajab ga nan ber naah maa ŋigon kiir ntim mu ki mak mu pu na mɔmɔk.

Jeremia 50:42

Bi yoor baatɔi ni baajaak aajum; bi kpa mbiin, kaa san kinimbaak. Bi yaa jak baataan kan, yaafuuk naahn nnyusakpem aafuuk la. Bi gor ki ban bi to Babiloŋ butɔb la.

Jeremia 51:29

Uwumbɔr aah bi tun waatuln ke u ŋa Babiloŋ nteersakpiin, nin chee ubaa aa koo na, le kitiŋ dam ki jii.

Jeremia 6:23

Bi yoor baatɔi ni kijaak aajum; bi kpa mbiin kaa san kinimbaak. Baataan aafuuk bi ke nnyusakpem aafuuk na la. Bi gor ke bi to Jerusalem butɔb.”

Nahum 3:2

Li pel ŋinaalab aah wii pu na man, ni itaan aatɔroku tiib aah san pu na.

Habakuk 3:10

Le ŋijoo kan si ki mur fenni. Nnyusakpem nyan ni paacham ki lir ni; le nnyun mu bi kitiŋ na puu mpɔɔn pu, le mu aanyunkpenn fii jon paacham.

1 Korenti 10:26

Ni ŋmee Uwumbɔr Aagbaŋ ni ke, “Uwumbɔr le yeh dulnyaa ni tiwan nimɔk bi u ponn ni na.”

1 Korenti 10:28

Unii ubaa mu yaa bui nimi ke ti ye kitork aanann le kan, ni taa ji; waah tuk nimi na pu, ni taa ji, aan waalandak taa li muk u.

Bibɔjirb 18:29

Bi nan kpeln kaayimbil Lais, ki gur joo biyaaja Dann u nan ye Jakob aajapɔɔn na aayimbil le yin ki.

Bibɔjirb 20:1

Israel aanib mɔmɔk bi nan ye Dann aanibol yaab ki bi ŋŋangan wɔb na, ki ti saa Beerseba aatiŋ ki bi ŋŋangii wɔb na, ki yoor kina ki nyan Gilead aatiŋ ni liwipuul wɔb mɔmɔk nan kii n‑yim ngbaan. Bi mɔmɔk nan kuun ti ŋa unibaan Uwumbɔr aanimbiin ni, Mispa aatiŋ ni.

Bibɔjirb 5:22

Le itaan di san fuu ni, ki joo itaabuseen tai kitiŋ.