Jeremia 8:15 - Uwumbɔr aagbaŋ

¹⁵ Ti nan ka mak nsuudoon ni laafee aayoonn pu, le naa nan kpa tinyoor; ijawaan sakpiin le nan labr dan.

Jeremia 8:15 ပူးပေါင်းရင်းမြစ်များ

Job Aagbaŋ 30:26

M nan mak ban mpopiin ni nwiihn la, le tibɔbir ni mbɔmbɔɔn labr dan.

Jeremia 12:12

Bijab nyan ni nteersakpiin aatim ni le ki nan jenn gaa maanib aawan. M tun ni butɔb le ke bu nan bii doo kitiŋ ngbaan mɔmɔk; ubaa aan kan lifuur nima.

Jeremia 14:19

Uwumbɔr, aa yii Juda aanib kookoo la aa? Aa nan Sionn aatiŋ aanib la aa? Ba ŋa aa tii timi titotonn ti kaan sɔŋ na? Ti nan lik ban nsuudoon, le kinyaan kibaa aa choo; ti nan ka ban laafee, le tibɔbir tee dan.

Jeremia 4:10

Le m bui ke, “Ndindaan Uwumbɔr, aa ŋmann Jerusalem aanib kookoo a. Aa bui bi ke nsuudoon ga li bi, le kijaak aajuk ka bineen ni.”

Jeremia 6:25

Taa ki kaa ke ti buen itingbaan ni, bee isan pu ki ti tun lituln; ba pu? timi aadim joo tijawan, le ijawaan bi ni kookoo.”

Jeremia 8:11

Bi ŋani ke maanib aabuun aah kaa ye nibaa le na. Bi len le ke, ‘Ni mɔmɔk ŋan,’ le naa ŋan kpala.

Esekiel 7:25

Tibɔbir choo, le ni ga li ban nsuudoon, kaan kan.

Maika 1:12

Marof aatiŋ aanib ka jek ki kii lifuur; ba pu? Uwumbɔr di tibɔbir ŋɔŋ ni Jerusalem aatiŋ pu a.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.