Jeremia 8:10 - Uwumbɔr aagbaŋ

¹⁰ Kina pu le m ga di baakpaakon tii bikpaacham, ki di bipuutiib tii bijab biken. Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil. Hali maabɔnabtiib ni bitotoorb ji binib la.

Jeremia 8:10 ပူးပေါင်းရင်းမြစ်များ

Job Aagbaŋ 31:10

cha mpuu ti mɔn uja yayan aasaa, ki doon uja yayan aawandookaan pu.

Aisaya 28:7

Hali Uwumbɔr aabɔnabtiib ni Uwumbɔr aatotoorb na nyun ndaan ki chuun yenni. Bi nyun ndaan sakpen, le ki chuun gbeer ki lir. Uwumbɔr aabɔnabtiib ngbaan nyun ndaan ki gbii a; kaa ki beer tibɔkpiirkaan ti Uwumbɔr joo tii ni bi na; le bitotoorb na mu nan nyun ki gbii, kaa ŋmaa toor binib aabɔr ti bi joo ni bi chee na.

Aisaya 57:17

Baatunwanbir ni baakumɔŋ pu le m nan gee bi pu liŋuul, le ki nan daa bitafal ki san cha bi. Le baa nan kpeln, ki beenin dii baasan.

Jeremia 14:14

Le Uwumbɔr gar mi ke, “Bibɔnabr ngbaan joo maayimbil le geei inyamɔn; maa nan tun bi, kaa tii bi maamɔboln, kaa tii bi nsan mubaa. Tibɔkpiirkaan ti bi joo len na aa nyan ni m chee; baah len ke tiwan ni ga ŋa na aa kpa tinyoor, bima bibaa le dakl ti.

Jeremia 14:18

M yaa nyan buen timoor ni kan, m kani binib bi bi ku bi butɔb ni na la; m yaa buen ntim ni kan, m kani nkon aah ku binib bi na la. Uwumbɔr aabɔnabtiib ni bitotoorb chuun tun baatun, le kaa tee nyi baah bi ŋani pu na.”

Jeremia 17:11

Unii u joo beebee kani ŋimombil na bi ke unyoon u kaal ŋijen ŋi waa too ŋi na la. U ga laa li ye unachipɔɔn le ki lann waawangol, le waadoon na, u ga kpaln ujɔr.

Jeremia 22:17

Le aa ma le ban saakumɔŋ aanyoor baanja; aa ku binib bi kaa kpa taani ubaa na, le ki joo mbimbinpɔɔl muk saanib. Uwumbɔr le len kina.

Jeremia 32:32

Juda ni Jerusalem aanib, ni baabɔrb, ni baayidam, ni baatotoorb, ni bibɔnabr mɔmɔk aah tun titunwanbir ti mɔmɔk na pu.

Jeremia 38:22

Ti ponn ni, m nan kan bi joo bipiib bi gur Juda aabɔrchiln ni na cha Babiloŋ aajab aaninkpiib chee. Li pel baah nan cha ki len pu na: ‘Ubɔr aajɔtiib bi gee u sakpen na ŋmann u a, bima le gur joo u. Le waah ti chɔb bee tikpakpar ni na, le bi san cha u.’”

Jeremia 42:1

Bijab aasalolm mɔmɔk, ki di kpee Karea aajapɔɔn Johanann, ni Hosaya aajapɔɔn Asaria pu, ni binib mɔmɔk aabɔŋ nan dan m chee,

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Inandalahn 4:13

Uwumbɔr aabɔnabr bi nan bi ki ponn ni na nan tun titunwanbir, le kaatotoorb mu nan cha binib bi kaa tun taani na kpoi, nima le nan cha kina ngbaan ŋa.

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.

Amos 5:11

Ni muk bigiim le ki gaal baah kpa tijikaar ni tiwan siib ni na. Kina pu na, naan koo ŋitakpal aadichanyaan ŋi ni maa siin na ni, kaan nyu naah ŋum ŋisubil aasui i na aadaan mu.

Maika 2:4

N‑yoonn ngbaan yaa nan fuu ni kan, binib ga di nimi aabɔr le di ŋa tibɔbir aaseeraa, le ki ga gaa nnandalahn mue, naah kan pu na pu: Ti doo a. Uwumbɔr chuu gaa timi aatiŋ ti chee, ki di tii binib bi chur timi tinaagbiir na.”

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Maika 3:5

Baabɔnabr bi gaal tipar na le ŋmann maanib ke nsuudoon bi bi chee, le ki faani binib bi kaa pa bi na ke butɔb choo. Uwumbɔr bui bibɔnabr ngbaan ke,

Habakuk 1:6

M ban ke m di mpɔɔn ŋa Babiloŋ aanib bi kpa mbiin kaa san nibaa na aaŋaal ni la. Bi chuun dulnyaa wee mɔmɔk ni ki ban ntim ke bi nyaŋ ki gaa mu la.

Sefania 1:13

Bidim ga yoor baawangol buen, le baadichal ber. Baan koo ŋidichal ŋi bi bi maa na ponn ni, kaan nyu baah bi ŋumni ndaan aasubil aasui i na aadaan kpala.”

Taitus 1:11

Ni ŋan ke aa cha bi ŋmin; ba pu? bi mɔk binib mmɔkm mu kaa ba ye bi mɔk bi na, ki cha ŋidichal ŋibaa ponn ni aanib mɔmɔk yenn. Ŋimombil pu, le bi ŋani kina. Naa ŋan.

Taitus 1:7

Uwumbɔr aanib bi baaninkpel aaŋaal ni la, nima pu le ni ŋan ke u taa li kpa taani ubaa, ki taa li tun uma ubaa aageehn, ki taa li ye liŋuuldaan, ki taa li ye udagbiir, ki taa gbaa binib; unimbil taa li man ŋimombil pu.