Jeremia 7:9 - Uwumbɔr aagbaŋ

⁹ Ni su kinaayuk, ki ku binib, ki gɔr kidagook, ki mɔni inyamɔn tipuur pu, ki toor kitork tii liwaal Baal, le ki dooni ŋiwaa ŋi naa nan nyi daalbaadaal na.

Jeremia 7:9 ပူးပေါင်းရင်းမြစ်များ

1 Bibɔrb 18:21

Elaija nan buen binib ngbaan chee le ki ti bui ke, “Ni ga ki yunn kinye aan ni kpeln nimi aalandak? Uwumbɔr le yaa ye Nidindaan kan, ni li dooni u; liwaal Baal le yaa ye nidindaan kan, ni li dooni li.” Tɔ, binib ngbaan aa nan gar tibaa.

Nnyam 20:3

“Ni taa doon liwaal libaa; ni li dooni min baanja.

Aisaya 1:13

Nimi aapiin i ni joo ni na aa kpa tinyoor tibaa. Naah seer tulalee aayon mu na kpa mi liŋuul la. Nimi aaŋmapɔɔn aajim, ni nimi aakpaakool daal aajim, ni naah kuuni pu na, maa gee ni, ni di nimi aatunwanbir bii ni mɔmɔk a.

Aisaya 58:2

Binib bee dooni mi iwiin mɔmɔk, ki len ke bi neen ke bi li nyi maabimbin ki kii maakaal. Bi bui ke bi ban m tii bi ikaal i bi chob na la, ki bui ke bi neen ke bi li dooni mi.”

Jeremia 1:16

M ga daa maanib aatafal, baatunwanbir pu; bi yii mi, ki toor kitork tii ŋiwaa, ki naan ŋiwaa ki dooni ŋi.

Jeremia 11:13

Juda aanib aawaa wiir ke baatim aah wiir pu na la, le Jerusalem yaab maa ŋibimbin tii tijɔŋ aawaal Baal, baatiŋ ni aasanbim mɔmɔk ni.

Jeremia 11:17

“Min Uwumbɔr Mpɔɔnsakpiindaan le nan bun Israel ni Juda yaab; tɔ, n‑yoonn mue ma kan, m ban m joo ni tibɔbir le nan lii bi pu. Baah tun taani pu na le bi joo ni kina nan lii bibaa pu; bi toor kitork tii liwaal Baal, le ki cha maaŋuul fii bi pu.”

Jeremia 13:10

Titunwanbirdam ngbaan yii kaa kii maamɔb. Bi beenin kpa mbiin ni tafalaaŋun ke baah nan bi pu na la, le ki dooni ŋiwaa, ki tun tii ŋi. Kina pu na, bi ga ŋa ke lichutageln lee aah kaa ki li bi tibaa ni pu na.

Jeremia 18:15

Le maanib ma suln mbɔr; bi seer tulalee aayon mmii ni tii ŋiwaa la. Bi gbeer nsan mu ponn ni bi ba ga dii mu na la, baa ki dii n‑yaajayoonn aasan na; bi chuun nsanbim mu baa daan mu na pu la.

Jeremia 19:4

Binib ngbaan aah fenn bipuwɔb tii mi ki bii do, ki toor kitork tii ŋiwaa ŋi bima bibaa, ni biyaajatiib, ni Juda aabɔrb aa nan nyi ŋibɔr kpala na pu, le ga cha m ŋa kina. Binib bi kaa kpa taani ubaa na aasin le bi di bii do,

Jeremia 32:29

ki see ki mmii. Bi ga see ki ni tidir ti pu binib seer tulalee aayon tii liwaal Baal ti paab, ki joo ndaan toor kitork tii ŋiwaa, ki cha maaŋuul fii bi pu na mɔmɔk mmii ni.

Jeremia 44:3

mu aanib nan tun titunwanbir ki ŋa mi liŋuul. Bi nan toor kitork tii ŋiwaa, le ki dii ŋiwaa ŋi bima, ni nimi, ni niyaajatiib aa kee dii ŋi na.

Jeremia 44:8

Ba ŋa ni dii ŋiwaa ki toor kitork tii ŋiwaa Ijipt ni do, nin chee ni dan nan koo na, ki ŋani mi liŋuul? Ni ŋani kina ke ni kuln, aan binib li lik nimi fam ki joo nimi aayimbil puuni lir biken pu la aa?

Jeremia 44:9

Ni suln niyaajatiib, ni Juda aabɔrb, ni bipuutiib, ni nimi, ni nipuutiib aah nan tun mbiin aatun ŋi Juda aatim ni, ni Jerusalem aatiŋ ponn ni na pu la aa?

Jeremia 48:35

Maan ki cha Moab aanib see kitork mmii ni, baah dooni baawaa nin chee na, ki taa ki toor kitork tii ŋi. Min Uwumbɔr le len kina.

Jeremia 5:2

Ni bui ke ni dooni Uwumbɔr la, le nisui aa joo kina.

Jeremia 5:7

Le Uwumbɔr baa ke, “Ni ga ŋa kinye aan m di maanib aatunwanbir cha pinn bi? Bi yii mi ki siir cha mi, le ki dooni ŋiwaa. M kpiin maanib le bi jin ti bab, le ki tee fii ti tun kidagook aatuln le ki chuun dii bipiib bi joo bibaa kooh na.

Jeremia 7:6

Taa ŋa bicham, ni nkpobim, ni bikpopiib falaa man. Taa ki ku binib bi kaa tun taani na kitiŋ kee pu. Taa ki dooni man ŋiwaa; ba pu? kina ga ŋmaa kuln nimi.

Esekiel 18:18

Tɔ, ute ma nan ji pem pem ki su kinaayuk, ki tun titunwanbir n‑yoonn mɔmɔk. Kina pu na, uma ubaa aah tun titunwanbir ti na pu le u kpo.

Esekiel 20:30

Tɔ, tuk Israel yaab ngbaan min Bidindaan Uwumbɔr aah len pu na ke: Ba ŋa ni san dii ŋiwaa ŋi nitetiib nan dii na, ki tun titunwanbir baan ti bi nan tun na?

Esekiel 23:39

Nwiin mundaal chob chob bi di maabim kɔr toor ŋiwaa na, le bi dan Maadichal ni ki nan bii li.

Esekiel 5:11

“Kina pu na, maah ye Uwumbɔr u bi n‑yoonn mɔmɔk na, ki ye Aadindaan Uwumbɔr, maamɔboln sɔ: naah di titunwanbir, ni tiwan ni sukr ponn ni na bii Maameen Aadichal na, m ga kuln nimi kaan san nimi kinimbaak.

Hosea 2:13

N‑yoonn mu mɔmɔk u nan sulni mbɔr ki seer tulalee aayon tii liwaal Baal ki peeni nleenyaan ki san dii ubɔtiib na pu le m ga daa utafal. Uwumbɔr le len kina.

Hosea 6:9

Bitotoorb na bi ke kinaayupaak ki ti dɔ nsan ni kiir unii na la. Hali bi yaa cha Sekem aatiŋ ki bi chain na ni kan, bi ku binib nsan ni la. Bi po nyi le ki tun titunwanbir timina mɔmɔk.

Amos 4:5

Di nimi aaboroboro tii Uwumbɔr ki doon u waah ter nimi pu na, ki li kpa kipupuk naah ki tii ipiin i kpee na pu. Naah gee ke ni li ŋani tiwan ni na le na.

Sefania 1:5

M ga kuln unii umɔk joi ŋidichal aapaacham ki ti dooni nwiin, ni uŋmal, ni iŋmabi na. M ga kuln binib bi mɔmɔk dooni mi ki bui ke bi ga kii maamɔb, ki tee puur liwaal li bi yin li ke Milkom na.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Rom Yaab 2:2

Ti nyi ke Uwumbɔr yaa daa binib bi ŋani kina na aatafal kan, ni ŋan.

Ikaal 32:17

Bi nan toor kitork ki tii tiwan ni kaa ye Uwumbɔr na la, kinimbɔŋ le bi toor tii: ŋiwaa ŋi biyaajatiib Israel yaab aa nyi ŋi daalbaadaal na, Israel yaab aa kee doon ŋi daalbaadaal.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.

Bibɔjirb 5:8

Israel yaab nan ban ŋiwaa la, nima pu le butɔb dan kitiŋ ngbaan pu. Israel aajab ŋichur imonko ilee ngbaan ni, ulau nan joo kijaak aapeln, bee kikpaatuŋ?