Jeremia 7:34 - Uwumbɔr aagbaŋ

³⁴ Kitiŋ ngbaan ga kpaln nteersakpiin la. Mpopiin, ni mmɔɔn aafuuk, ni tibɔndinn aajim aamɔɔn ga doo Juda aatim, ni Jerusalem ponn ni.

Jeremia 7:34 ပူးပေါင်းရင်းမြစ်များ

Job Aagbaŋ 3:7

ŋa ki kinyeek ki kaa kpa tinyoor, ni mpopiin na.

Ilahn 78:63

Binachipɔm nan kpoi butɔb ni le bipiisapɔm aa ki kan ubaa bi mɔn.

Aisaya 1:7

Nimi aatiŋ kuln a, le mmii wun nimi aatim mɔmɔk. Le ni si lik le biwɔwɔm gaa nimi aakpaakon mɔmɔk, ki gaa nimi aajikaar.

Aisaya 3:26

Kitiŋ ngbaan aagoln li maln gob ki na aabisamɔb ga li wii ikpowiil, le kitiŋ ngbaan kibaa ga li gur naahn upii u bi chuu gbabr waakeken aan u gur ka kitiŋ uŋmeen na, aah bi pu na la.

Aisaya 6:11

Le m baa ke, “Ndindaan, nimina ga yunn kinye?” Le u gar mi ke, “Ki ti saa n‑yoonn mu ntim ngbaan ti kuln, nibaa aa ki bi mu ni na; buyoonn unii aa ti ki bi ŋidichal ni na; buyoonn kitiŋ kee kibaa aa ti ki kpa tinyoor tibaa na.

Jeremia 16:9

Li pel, min Uwumbɔr Mpɔɔnsakpiindaan, u ye Israel yaab Aawumbɔr na aah kpa pu m len na. M ga ŋmin mpopiin ni mmɔɔn aafuuk, ni tibɔndinn aajim aafuuk na. Binib bi bi do na ga li bi ki nan kan nimina aah ga ŋa pu na.

Jeremia 22:6

“M chee kan, Juda aanaan aadichal ŋan ke Gilead aatiŋ, ni Lebanonn aajoo na la; le m ga ŋa li nin chee ubaa aan ŋmaa koo na.

Jeremia 25:10

M ga cha baamɔɔn, ni mpopiin aafuuk, ni tibɔndinn aajim aapopiin aafuuk na ŋmin chii. Baan ki kan nkpan ki ŋa baakaryaa mam ni, kaan ki kan tijikaar mu.

Jeremia 27:17

Taa pel bi chee man. Kii tii Babiloŋ aabɔr ki li kpa limɔfal man. Ba ŋa ni ban ke kitiŋ kee kpaln tilangbenn.

Jeremia 33:10

Uwumbɔr bui ke, “Binib len le ke do chee na bi ke nteersakpiin ni na la, ke binib ni tiwakor aa koo nima. Ni mu sil ye mbamɔn; Juda aatim ni Jerusalem aatiŋ ponn ni ye nkuun la; binib ni tiwakor aa bi nima. Tɔ, ntim ngbaan ni, le ni ga ki ŋun mpopiin,

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Jeremia 4:26

Kitiŋ ki nan nyuun ki kpa tijikaar na nan kpaln nteersakpiin la; kaatim nan ber doo, Uwumbɔr aaŋuusakpeln pu.

Jeremia 4:27

Tɔ, Uwumbɔr nan bui ke kitiŋ kee mɔmɔk ga kpaln nteersakpiin la, u mu aan tee bii ki doo.

Jeremia 44:6

Le m di maaŋuusakpeln lii ni Juda aatim pu, ni Jerusalem ponn ni, le mu wun mmii. Mu nan kpaln tilangbenn, le ki kpa unii ijawaan, ke mu aah beenin bi pu din wee na.

Inandalahn 5:14

Bininkpiib aa ki kaa kitiŋ aabisamɔb chee, le binachipɔm ni bisapɔm aa ki waa liwaal.

Esekiel 26:13

M ga ŋmin nimi aalahn mɔmɔk, ki cha nimi aabar aawiil ŋmin.

Esekiel 7:11

Mbimbin mu pɔɔ na moo kpae la. Kipupuk nyaŋ sakpen a. Mbimbin mu pɔɔ na joo ni mbiin la. Baawangol, ni baanyaan, ni baanyuŋ nibaa kina aan gur.

Hosea 2:11

M ga kuln waajim mɔmɔk; m ga kuln libiln libiln, ni uŋmal uŋmal, ni likpaakool daal aajim, ni njim mu u siin na mɔmɔk.

Hosea 2:13

N‑yoonn mu mɔmɔk u nan sulni mbɔr ki seer tulalee aayon tii liwaal Baal ki peeni nleenyaan ki san dii ubɔtiib na pu le m ga daa utafal. Uwumbɔr le len kina.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.

Maika 7:13

Tɔ, kitiŋ kee tee ga kpaln nteer ŋmeen, binib bi bi ki pu na aatunwanbir pu.

Tibɔkpiirkaan 18:23

Karyaa ubaa mu aan ki li wiin ki ponn ni. Uja ubaa mu aan ki yoor upii ki ponn ni. Upii ubaa mu aan ki mɔn uja ki ponn ni. Binib bi chuun tiir tiwan ki ponn ni na nan ye mpɔɔndam la. Kaanib nan ŋani inyɔk ki ŋmanni ŋinibol mɔmɔk.”