Jeremia 7:32 - Uwumbɔr aagbaŋ

³² Kina pu na, n‑yoonn choo le baan nan ki yin nima chee ke Tofef, bee Hinom Aafataŋ. Bi ga nan li gur yin nima chee ke Linikul Aafataŋ la. Mpaan aah kaa ga nan ki li bi bi sub binib pu na, le bi ga nan li gur sui binib nima.

Jeremia 7:32 ပူးပေါင်းရင်းမြစ်များ

2 Bibɔrb 23:10

Ubɔr Josia nan ki bii kiwaachuk ki bi Hinom Aafataŋ ni, aan bi yin ki ke Tofef na, aan ubaa taa ki ŋmaa di ujapɔɔn bee ubisal kɔr toor kitork ki bi joo seer mmii ni na tii liwaal Molek.

Jeremia 19:11

ki bui bi ke Uwumbɔr Mpɔɔnsakpiindaan len ke, “M ga wii kitiŋ kee, ni binib bee, aan ni li bi ke tiyakr aabuul lee aah wii pu kaan ki kpaan pu na. Binib aah kaan ki kan mpaan pu ki sub baanib na, bi ga sub binib Tofef Aafataŋ kee ni.

Jeremia 19:13

Jerusalem aadichal, ni Juda aabɔrb aadichal, ni ŋidichal ŋi mɔmɔk pu bi nan seer tulalee aayon tii iŋmabi, ni nin chee bi nan joo ndaan kpir tii ŋiwaa na mɔmɔk pu, ga li kpa tijɔŋ ke Tofef na la.”

Jeremia 19:2

aan m di bi dii mbisamɔb mu bi yin mu ke Kisanjaŋ Aabisamɔb na, ki di buen Hinom Aafataŋ ni. Nima chee le m ga ti di waah ga di waabɔr ti tuk mi na nabr bi.

Jeremia 19:6

Kina pu na, n‑yoonn ga fuu ni le baan ki yin do ke Tofef, bee Hinom Aafataŋ. Bi ga li gur yin do ke Linikul Aafataŋ ni la.

Jeremia 31:40

Kifataŋ ki ponn ni bi sui binib ki joo timoor ti kpir na mɔmɔk, ni ikpaakon i bi Kidronn aabun aapaacham na, ki ti saa mbisamɔb mu bi yin mu ke Utaan Aabisamɔb, aan mu bi liwipuul wɔb na, ga li bi chain tii mi la. Ubaa aan ki tur kitiŋ ngbaan lii, kaan ki ber ki daalbaadaal.”

Jeremia 7:31

Bi maa kitork aabimbiln li bi yin li ke Tofef na, Hinom aafataŋ ni, ke bi li joo bijapɔtiib ni bibisatiib toor kitork mmii ni. Maa nan bui bi ke bi ŋa kina, kina aalandak aa nan kpaan koo ni nsui ni.

Esekiel 6:4

Ŋiwaabimbin ni baah seer nnyɔknii ŋibimbin ŋi pu na ga ber. Bi ga ku binib bi mɔmɔk bi nima chee na, baawaa aataab.

Liifai Yaab 26:30

M ga bii naah dooni ŋiwaa ŋi ŋigongon paab na, ki gbaa wiir nimi aanyɔknii aatork aabimbin, le ki di nimi aanikpol mae paan nimi aawaa ŋi lir dɔ na pu, le m ga nuur nimi.