Jeremia 7:29 - Uwumbɔr aagbaŋ

²⁹ “Jerusalem aanib, li wii ikpowiil man; kuu niyikpir ki di mee man. Gaa nkpolahn ŋigongon paab man, ba pu? min Uwumbɔr aaŋuul fii, le m yii maanib.

Jeremia 7:29 ပူးပေါင်းရင်းမြစ်များ

2 Bibɔrb 17:20

Le Uwumbɔr nan yii Israel aanib mɔmɔk, ki daa bitafal ki di bi tii baadim bi kpa mbiin sakpen na, le ki ti baan nyan bi ubaa chee.

Job Aagbaŋ 1:20

Le Job fii sil, ki daa kar waawanpeenkaan nsuugar pu. U nan kuu uyil, le ki lir lichichikr,

Aisaya 22:12

Nidindaan Uwumbɔr Mpɔɔnsakpiindaan, nan bi yin nimi ke ni nan wii, ki wii ikpowiil, ki kuu niyil, ki peen tiwan ni saak kuub na aawanpeenkaan.

Jeremia 12:7

Uwumbɔr len ke, “Ntafal aa ki bi Israel yaab ni, M yii maah nan lee litimbol li na. M di binib bi m gee bi na ŋa baadim aapɔɔn ni.

Jeremia 14:19

Uwumbɔr, aa yii Juda aanib kookoo la aa? Aa nan Sionn aatiŋ aanib la aa? Ba ŋa aa tii timi titotonn ti kaan sɔŋ na? Ti nan lik ban nsuudoon, le kinyaan kibaa aa choo; ti nan ka ban laafee, le tibɔbir tee dan.

Jeremia 16:6

Biwankpadam ni bigiim mɔmɔk ga kpo kitiŋ kee pu, ubaa mu aan sub bi, kaan wii baakpuul. Ubaa aan daan ubaa, kaan kuu uyikpir ki mɔk ke usui aa piin.

Jeremia 3:2

Lik ŋigongon paab man. Nibaa chee aa gur aan naa tun lituln ke udagoor na. Ni nan sii nsan chee ki kii nibɔtiib, ke nteersakpiin ponn ni aanib aah sii pu ki kii ubaa ke bi ku u na la. Ni di nimi aadagook bii kitiŋ kee.

Jeremia 3:21

Israel yaab aah suln Bidindaan Uwumbɔr pu ki tun titunwanbir aatuln na, le kifuuk faa ŋijoo paab, ki ye Israel yaab aah wii ki gaŋni pu na aafuuk la.

Jeremia 47:5

Mpombiin sakpiin fuu ni Gasa aanib chee a, le Askelonn aanib ŋmin chii. Filistia yaab bi gur na ga wii ikpowiil ti saa bayoonn?

Jeremia 48:37

Bi mɔmɔk kuu biyikpir ni bilangban lii. Bi di njum geei ki daan biŋaal, le bi mɔmɔk pee tiwanpeenkaan ni saak kuub na.

Jeremia 6:30

Min, Uwumbɔr aah yii maanib na, le bi ga li gur yin bi ke tigbengbir ti kaa kpa tinyoor na.”

Jeremia 9:10

Le m bui ke, “M ga wii ŋijoo aakpowiil ki wii tiwakor aamoŋmɔpaan aah kuur pu aan ubaa aa chuun nima chee pu na aakpowiil. Inaa aawiil ŋmin chii; inyoon ni ipeel fii ki san buen a.”

Jeremia 9:16

M ga cha bi yaa koo ŋitimbol ŋi bima ni biyaajatiib aa kee ŋun ŋi pu na ni, le ki di bijab tun ti tak bi ki ti saa buyoonn m ga kuln bi na.”

Inandalahn 5:22

Aa yii timi kookoo la aa? Saaŋuul aa kpa ndoon la aa?

Esekiel 19:1

Uwumbɔr nan bui ke m gaa mpombiin aalahn mumina tii Israel aabɔrbim bilee:

Esekiel 28:12

“Unibɔn, li wii ni mpombiin mbimbin mu dɔ kiir Taya aatiŋ aabɔr na pu. Bui u min Dindaan Uwumbɔr aah tuk u pu na ke: Aa nan ye n‑yaayoonn mubaa aanyaan sakpeŋ aamɔkl la. Saalan ni saanyaan nan nyaŋ a.

Amos 5:1

Israel aanib, li pel man nkpolahn mu m gaa ni pu na:

Maika 1:16

Juda aanib, kuu nimi aayikpir man ki li wii naah gee nimi aabim bi na pu. Kuu ŋiyikun ke nangba tiib na man, ba pu? bi ga di nimi aabim buen kitiyayaŋ ni ki cha nimi.

Matiu 12:39

Le u bui bi, “Nimi dandana aanib, ni ye titunwanbirdam la, kaa dii Uwumbɔr, nima le ni ban lijinjiir aatuln. Uwumbɔr aabɔnabr Jona aah nan bi ujan sakpiin aaponn ni iwiin itaa ni tinyer titaa pu na,

Matiu 16:4

Nimi dandana aanib, ni ye titunwanbirdam la, kaa dii Uwumbɔr, nima le ni ban lijinjiir aatuln. Uwumbɔr aah nan ŋa lijinjiir aatuln ki ŋa waabɔnabr Jona pu na, lituln limina aaboln le ni ga kan. Maan mɔk nimi lijinjiir aawan niken kpee.” Waah len kina na, le u siir nima ki cha bi.

Matiu 23:36

M tuk nimi mbamɔn la, ntafadaan ngbaan ga pii nimi dandana aanib la.”

Matiu 3:7

Le Jɔnn kan Farisii yaab ni Sajusii yaab pam dan u chee ke u muin bi nnyun ni. Le u baa bi, “Nimi ijagen aabim, ŋma sur nimi ke ni nya ntafadaan mu choo na ni?

Lituln 2:40

Le Piita di tibɔr ti wiir na tuk bi Yesu aabɔr, le ki sur bi ki bui bi, “Pɔɔn nibaa man ki ŋmar, ki nya ntafadaan mu ga pii titunwanbirdam ngbaan na ni.”

Ikaal 32:5

Nimi Aawumbɔr ŋani waah len pu na, nimi le aa si chob, kaa ŋeer ke ni li ye waanib, le kaa ye mbamɔndam, ki ye litimbol li ŋmanni, ki ye titunwanbirdam na.