Jeremia 7:26 - Uwumbɔr aagbaŋ

²⁶ Le ubaa aa kpa ntafaŋum. Ni labr kpa tafalaaŋun ki tun titunwanbir ki jer niyaajatiib.

Jeremia 7:26 ပူးပေါင်းရင်းမြစ်များ

1 Bibɔrb 14:22

Juda aanib nan tun Uwumbɔr titunwanbir ki ŋa taani u jer biyaajatiib mɔmɔk aah nan ŋa pu na le ki fiin waaŋuul.

1 Bibɔrb 14:9

Aa tun titunwanbir ki jer bijojoob bi nan puen si ki joo kitiŋ na pel pel. Aa yii mi le ki di tikur naan tiwanaankaan ni ŋiwaa ke aa li dooni ŋi, le ki fiin maaŋuul.

2 Bibɔrb 17:14

Le baan kii tii u; bi nan kpa tafalaaŋun ke biyaajatiib bi kaa nan di naadii tii Bidindaan Uwumbɔr na la.

2 Bibɔrb 17:15

Bi nan yii kaa kii waamɔkm, baa nan joo tipuur ti u nan puu tii biyaajatiib na, le kaa di waah nan sak bi pu na yin nibaa. Bi nan dooni waafam tiib, le ki mu ŋa fam bibaa, le ki nan dii ŋitimbol ŋi mann goln bi na aakaal ki yiil Uwumbɔr aah bui ke bi taa li ŋani ŋitimbol ngbaan aah ŋani pu na.

2 Bibɔrb Aabɔr 30:8

Taa li kpa tafalaaŋun ke baah nan kpa pu na man, ni tee kii Uwumbɔr aamɔb. Dan man Uwumbɔr Aadichal li Nidindaan Uwumbɔr ŋa li chain n‑yoonn mɔmɔk aan li bi Jerusalem ni na ni, ki nan doon u aan waaŋuul sɔŋ ni pu.

2 Bibɔrb Aabɔr 33:10

Uwumbɔr nan sak Manase ni waanib, tɔ, bi nan yii, kaa ŋun.

2 Bibɔrb Aabɔr 33:23

Tɔ, uma aa nan tee sunn ubaa taab ke ute na ki fenn toŋ Uwumbɔr. U nan kpaan ye utunwanbirdaan ki jer ute.

Nehemia 9:29

Aa nan sur bi ke bi kii saah mɔk bi pu na, le bi di kigaak ŋmeen ki yii saakaal; le unii aah ga ŋa pu ki li kpa limɔfal na, le ye ke u li joo saakaal ngbaan. Bi nan di n‑yipɔɔn ki yaar biyil gar gar, ki yii kaa kii saamɔb.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Aisaya 48:4

M nan nyi ke nitafal ga li pɔɔ ke kikurk na, kaan li kool ke tikumann aakur na.

Aisaya 5:4

Ni ye ba le maa ŋa ki? Kina kan, ba ŋa ki lun ŋisubil ŋi mɔɔn na ŋmeen, kaa ye ŋi ŋan na?

Jeremia 11:8

Le bi nan yii, kaa pel, kaa ki kii maamɔb mu. Bi mɔmɔk nan yii, ki beenin kpa tafalaaŋun, ki tun titunwanbir cha. M nan bui bi ke bi li joo tipuur ti m puu tii bi na, le bi yii. Kina pu le m nan cha ntafadaan mu bi tipuur ngbaan ni na dan bi pu.”

Jeremia 16:12

Le nimi ŋa tiwan ni bir jer niyaajatiib yaan na. Ni mɔmɔk kpa tafalaaŋun le ki tun titunwanbir, kaa kii maamɔb.

Jeremia 17:23

Biyaajatiib aa nan ŋun tii mi, kaa pel kpala. Bi nan labr ye tafalaaŋundam, kaa kii maamɔb, ki mu aa bae m chee mbaem.

Jeremia 19:15

Uwumbɔr Mpɔɔnsakpiindaan, u ye Israel yaab Aawumbɔr na le len ke, “M ga cha ntafadaan dan kitiŋ kee, ni ntim mu bi gbɔk ki na pu, ke maah len ke m ga ŋa pu na, ba pu? bi kpa tafalaaŋun, kaa pel maah tuk bi pu na.”

Jeremia 22:21

Naah nan laa kpa liwangol buyoonn na, le Uwumbɔr nan len ni chee le ni yii kaa pel. Nimi aatuln le bi na, nimi aamɔfal aayoonn mɔmɔk ni; naa kee kii Uwumbɔr aamɔb.

Jeremia 25:3

“Ŋibin moninko ni ŋitaa ponn ni, ki nya Amonn aajapɔɔn Josia aah nan ye Juda aabɔr pu na aabin kipiik ni litatar ni ki nan saa din wee na, Uwumbɔr len m chee tibɔr, le m mu aa kee yii kaa di waah len pu na tuk nimi. Le ni yii, kaa pel waah len pu na.

Jeremia 25:7

Tɔ, Uwumbɔr ubaa len ke ni yii, kaa pel u chee. Ni tee cha waaŋuul fii nimi aawaa pu, le ki joo ni ntafadaan mue nibaa pu.

Jeremia 26:5

ki li ŋun ŋimɔbon ŋi maatutum, bi ye bibɔnabr aan m tuni bi ni chee n‑yoonn mɔmɔk na. Naa kee kii tii baah len pu na daalbaadaal.

Jeremia 29:19

Baah kaa kii tibɔr ti m nan joo tii ni maatutum, bi ye bibɔnabr na, le cha nimina ŋa. Tɔ, nimi bi bi tinaagbiir ni, Babiloŋ aatiŋ ni na mu aa nan ŋun.

Jeremia 3:13

Kii ke ni tun taani, ke ni nyan Nidindaan Uwumbɔr aapuwɔb. Kpiir ke ni di nimi aageehn tii ŋiwaa, bususoom mɔmɔk taab, kaa kii maamɔb. Min Uwumbɔr le len kina.

Jeremia 32:23

Baah nan koo ni kitiŋ kee pu ki gaa ki na, bi nan yii saah nan bui bi ke bi li bi pu na, kaa nan bi saah mɔk bi ke bi li bi pu na. Baa nan ŋa saah bui bi pu na tiwan nibaa, kina pu le aa joo ni tibɔbir tee mɔmɔk nan lii bi pu.

Jeremia 34:14

M bui bi ke libilolole mɔk ni kan, bi di baanaagbiib bi ye Israel yaab ki tun ŋibin ŋiloob tii bi na lii. Le niyaajatiib aa nan ŋun tii mi, kaa nan pel maah len pu na.

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Jeremia 35:17

Kina pu na, min Uwumbɔr Mpɔɔnsakpiindaan u ye Israel yaab Aawumbɔr na ga cha libiil li m puu ke li ga dan na, dan nimi Juda ni Jerusalem aanib pu. Maah len ni chee aan naa pel, ki yin nimi aan naa kii na, le ga cha m ŋa kina.”

Jeremia 44:16

“Taan kii saah di Uwumbɔr aayimbil tuk timi tibɔr ti na.

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Jeremia 6:10

Le m gar ke, “Ŋma ga pel m chee buyoonn m bi len bi chee tibɔr ki sur bi na? Bi kpa tafalaaŋun, kaan pel saabɔr ti m joo nabr bi na; bi laa saabɔr la.

Jeremia 6:17

Le Uwumbɔr ban bikikiib ke bi li pel n‑yoonn mu ukpiin ga nan wii na. Le bi mu bui ke, “Taan pel.”

Jeremia 7:24

Le baa kii maamɔb, kaa kpa ntafaŋum mu, le ki tee tun baamaaŋuntafal ni baatunwanbir aasui ngbaan aah bui bi pu na, le ki moo bii cha.

Jeremia 9:13

Le Uwumbɔr gar ke, “Maanib aah yii maamɔkm na le cha nimina ŋa. Baa kii maamɔb, kaa ŋa maah tuk bi pu na.

Esekiel 12:2

“Unibɔn, aa koo binib bi ye bimɔyiib na ponn ni la. Baah ye bimɔyiib na le bi kpa ŋinimbil, ki mu aa waa nibaa; bi kpa ŋitafal, ki mu aa ŋun tibɔr tibaa.

Esekiel 12:3

“Tɔ, unibɔn, buu ukusann aatuln, ki nya waahr aan nwiin nin lir. Cha unii mɔmɔk kan ke aa nyan ki cha nibaa chee la. Nibaakan bimɔyiib ngbaan ga kan si.

Esekiel 20:30

Tɔ, tuk Israel yaab ngbaan min Bidindaan Uwumbɔr aah len pu na ke: Ba ŋa ni san dii ŋiwaa ŋi nitetiib nan dii na, ki tun titunwanbir baan ti bi nan tun na?

Daniel 9:6

Taa nan pel saatutum ni saabɔnabtiib bi nan di saayimbil tuk timi aabɔrb, ni binib bi joo ntim na, ni tiyaajatiib, ni litimbol mɔln na aah nan len pu na.

Hosea 11:7

Bi nyan sil ke bi nya m chee la. Bi ga wii lituln li nyik bi pu na pu, le ubaa mu aan tuur bi.

Sekaria 7:11

“Le maanib di tafalaaŋun yii, kaa ŋun tii mi. Bi nan kpaa bitafal,

Malakai 3:7

Ni bi ke niyaajatiib la, le ki yii maakaal, kaa joo i. Fenn gir ni m chee man, aan m mu fenn gir ni ni chee. Min Uwumbɔr Mpɔɔnsakpiindaan le len kina. Le ni baa ke, ‘Ti ga ŋa kinye ki fenn gir ni aa chee?’

Matiu 21:38

Bikpaab ngbaan aah kan waabo ngbaan na, le bi bui tɔb, ‘Uma le ye waafaajil. Cha ti ku u man aan ki ji waafaal.’

Matiu 23:32

Niyaajatiib aah nan tun titunwanbir ti na, ni mu ga tun tima la, le ki ti doo.

Lituln 7:51

Tɔ, Stiifen nan ki len ke, “Nitafal pɔɔ, naa dii Uwumbɔr aasan nisui ni, kaa pel waaliin. N‑yoonn mɔmɔk ni ban ni yii Uwumbɔr Aafuur Nyaan, ke niyaajatiib aah nan yii mu pu na.

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

Ikaal 8:20

Ni yaa kaa kii Uwumbɔr aamɔb kan, ni li nyi ke u ga kuln nimi, ke waah ban u kuln ŋinibol ŋi ni bi tur koo baatiŋ ni na pu na.