Jeremia 7:25 - Uwumbɔr aagbaŋ

²⁵ Ki nya bundaal niyaajatiib nan nyan Ijipt aatiŋ ni ki nan saa din wee na, m tun ni maatutum bi ye maabɔnabr na, ni chee.

Jeremia 7:25 ပူးပေါင်းရင်းမြစ်များ

2 Bibɔrb Aabɔr 24:19

Uwumbɔr nan tun bibɔnabr ke bi ti sak bi ki cha bi gir ni u chee, le binib ngbaan yii, kaan ŋun tii u.

2 Bibɔrb Aabɔr 36:15

Uma Uwumbɔr u ye biyaajatiib Aadindaan Uwumbɔr na nan beenin tun waabɔnabr ke bi nan sak waanib. U nan ŋani kina ke u cha bi ni Waadichal ŋmar la.

Esra 9:7

Ki nyan tiyaaja tiib yoonn ki nan saa din, timi saanib tun titunwanbir sakpen. Timi aatunwanbir pu le timi, ni timi aabɔrb, ni timi aatotoorb koo ntiyayam aabɔrb aaŋaal ni, le bi ku timi, ki sun timi aawangol, ki di timi buen tinaagbiir ni. Ti kpaln binimɔɔnib le ki nan saa din wee.

Nehemia 9:26

Le saanib nan yii saamɔb, kaa kii tii si; bi nan fenn bipuwɔb tii saakaal, ki nan ku saabɔnabtiib bi nan sak bi ki bui bi ke bi gir ni aa chee na. N‑yoonn n‑yoonn bi nan seei si;

Nehemia 9:30

Le ŋibin mɔmɔk aa ji suklaa bi pu ki sak bi, ki cha Saafuur Nyaan gbiini saabɔnabtiib ke bi sak bi, le bi yii ki kpaa bitafal, kina pu le aa cha baadim nyaŋ bi.

Aisaya 5:4

Ni ye ba le maa ŋa ki? Kina kan, ba ŋa ki lun ŋisubil ŋi mɔɔn na ŋmeen, kaa ye ŋi ŋan na?

Jeremia 11:7

Maah nan nyan ni biyaajatiib Ijipt aatiŋ ni na, m nan sak bi mbamɔm ke bi kii maamɔb, le ki beenin sakr bi ki nan saa din wee.

Jeremia 25:3

“Ŋibin moninko ni ŋitaa ponn ni, ki nya Amonn aajapɔɔn Josia aah nan ye Juda aabɔr pu na aabin kipiik ni litatar ni ki nan saa din wee na, Uwumbɔr len m chee tibɔr, le m mu aa kee yii kaa di waah len pu na tuk nimi. Le ni yii, kaa pel waah len pu na.

Jeremia 25:4

Naa pel, kaa kpa ŋuntii, le Uwumbɔr ma beenin tun ni waabɔnabr bi ye waatutum na ni chee.

Jeremia 29:19

Baah kaa kii tibɔr ti m nan joo tii ni maatutum, bi ye bibɔnabr na, le cha nimina ŋa. Tɔ, nimi bi bi tinaagbiir ni, Babiloŋ aatiŋ ni na mu aa nan ŋun.

Jeremia 35:14

Jonadab aayaabitiib kii tii waakaal kaa nyu ndaan, ki di nan saa din, bi ponn ni ubaa aa nyu ndaan. Le m ma len ni chee ki gir len, le naan kii tii mi.

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Jeremia 44:4

Le m joo maatutum bi ye bibɔnabr na tuni ni chee, le bi nan bui nimi ke ni taa ŋani tiwan ni sukr ponn ni na maah kaa gee ni na.

Jeremia 7:13

Ni tun titunwanbir tee mɔmɔk, le m tuk nimi, ki ki gir bui nimi, le ni yii, kaan pel. Buyoonn m yin nimi na le ni yii, kaan kii.

Esekiel 2:3

“Unibɔn, m tun si Israel aanib chee la. Bi nya mpuwɔb ki nyan sil m pu, ki beenin ye binib bi yiir maamɔb ke biyaajatiib aah nan bi pu na.

Hosea 11:7

Bi nyan sil ke bi nya m chee la. Bi ga wii lituln li nyik bi pu na pu, le ubaa mu aan tuur bi.

Hosea 12:10

“M nan len bibɔnabr chee tibɔr, le ki kpiir tibɔkpiirkaan pam tuk bi, le ki cha bi sak maanib.

Amos 2:11

Min le nan lee nijapɔtiib bibaa bi li ye maabɔnabtiib, le ki lee biken mu bi li ye maatutum bi puu ke baan nyu ndaan kpala na. Israel yaab, m gii la aa? Min Uwumbɔr le len kina.

Malakai 3:7

Ni bi ke niyaajatiib la, le ki yii maakaal, kaa joo i. Fenn gir ni m chee man, aan m mu fenn gir ni ni chee. Min Uwumbɔr Mpɔɔnsakpiindaan le len kina. Le ni baa ke, ‘Ti ga ŋa kinye ki fenn gir ni aa chee?’

Tibɔnyaan ti Luk ŋmee ti na 11:49

Nima pu le Uwumbɔr aah kpa nlan pu na, u bui ke, ‘M ga tun bibɔnabr ni bitutum bi chee. Le bi ga ku ngem ki ŋa biken mu falaa.’

Ikaal 9:7

“Ni teer, ki taa suln naah nan bi nteersakpiin ni, ki ŋa Nidindaan Uwumbɔr liŋuul pu na. Nwiin mundaal ni nyan ni Ijipt aatiŋ ni, ki nan saa bundaal ni fuu ni do na, ni yii waamɔb.