Jeremia 7:21 - Uwumbɔr aagbaŋ

²¹ “Maanib, ni seer kitork aawakor tibaa mmii ni, kitork aabimbiln paab la, le ki ŋmɔ tibaa mu. Le min Uwumbɔr aah len pu na le ye ke ni ba tee ŋmɔ ti mɔmɔk kan, ni soor.

Jeremia 7:21 ပူးပေါင်းရင်းမြစ်များ

Ilahn 50:8

Maa galni nimi kitork ni nimi aatork ki ni joo seer mmii ni tii mi n‑yoonn mɔmɔk na pu la,

Aisaya 43:23

Naa nan kɔr ipiih ki di see mmii ni tii mi; naa nan joo nimi aatork nyuŋni mi. Maa nan muk nimi ke ni tii mi ipiin aatork kibaa, kaa cha nilaasaab ti nyan nibaa ni tulalee aayon pu.

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Esekiel 33:25

“Tuk bi min Bidindaan Uwumbɔr aah len pu na: Ni ŋmɔ tinann ti nsin aa nyan ti ponn ni na. Ni dooni ŋiwaa. Ni ku binib. Ba cha ni dak ke kitiŋ ngbaan ye nimi yaak?

Hosea 8:13

Bi toor kitork tii mi, le ki ŋmɔ kaanann. Le min Uwumbɔr aasui aa piin bi pu, le m ga teer baatunwanbir n‑yoonn mumina ki daa bitafal ti pu; m ga giin bi Ijipt aatiŋ ni.

Ikaal 12:27

Ni di kitork ki ni ga di ki mɔmɔk see mmii ni, Uwumbɔr aabimbiln paab na toor tii u nima chee. Naah ga di tiwakor ti toor kitork na, ni nyan taasin kpir waabimbiln pu, aan ki ŋmɔ tinann ngbaan.