Jeremia 7:19 - Uwumbɔr aagbaŋ

¹⁹ Tɔ, min le bi sil tii titotonn aa? Aayii, bibaa le bi tii titotonn, ki joo ni inimɔɔn bibaa pu.

Jeremia 7:19 ပူးပေါင်းရင်းမြစ်များ

Esra 9:7

Ki nyan tiyaaja tiib yoonn ki nan saa din, timi saanib tun titunwanbir sakpen. Timi aatunwanbir pu le timi, ni timi aabɔrb, ni timi aatotoorb koo ntiyayam aabɔrb aaŋaal ni, le bi ku timi, ki sun timi aawangol, ki di timi buen tinaagbiir ni. Ti kpaln binimɔɔnib le ki nan saa din wee.

Job Aagbaŋ 35:6

Aa yaa tun titunwanbir kan, naa ŋani Uwumbɔr nibaa. Aa yaa tun taani ki ti saa pu na kan, taan ŋa u nibaa.

Aisaya 1:20

Le ni yaa yii maamɔb kan, ni ga sil kan nkun. Min Uwumbɔr le len kina.”

Aisaya 1:24

Kina pu na, li pel man Uwumbɔr Mpɔɔnsakpiindaan, Israel yaab Aadindaan u kaa kpa ŋeen aatɔ na aah len pu na: “M ga teen nimi maadim, aan naan ki ŋa mi tibɔbir tibaa.

Aisaya 45:16

Binib bi naani ŋiwaa na ga ji inimɔɔn; bi mɔmɔk ga ji inimɔɔn.

Jeremia 15:9

Upii umɔk aabim mulole kpo na nan fik, kaa ki ŋmaa fuur. Waawiihn nan kpaln mbɔmbɔɔn la; u nan jin inimɔɔn, le usui bii. M ga cha nimi aadim ku nimi bi beenin fu na. Min Uwumbɔr le len kina.”

Jeremia 2:17

Israel yaab, nimi le joo ni nimina niyil pu. Ni yii min, Nidindaan Uwumbɔr, buyoonn m nan cheeni nimi cha na.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 20:11

Uwumbɔr, le si ma si mpuwɔb, ki kpa mpɔɔn ni linyaŋ, le binib bi muk mi na ga lir. Baah kaan kan baah ban pu na, le ga cha bi kpaln binimɔɔnib ki ti saa n‑yoonn mu kaa kpa ndoon na.

Jeremia 22:22

Naah tun titunwanbir pu na, le libuln ga daa nimi aayidam buen, le bidim ga chur nimaantɔtiib butɔb ni tinaagbiir, le nimi aatiŋ jin inimɔɔn.

Jeremia 25:7

Tɔ, Uwumbɔr ubaa len ke ni yii, kaa pel u chee. Ni tee cha waaŋuul fii nimi aawaa pu, le ki joo ni ntafadaan mue nibaa pu.

Jeremia 3:25

Ti ga doon kitiŋ le ki cha timi aanimɔɔn biin ti pu. Timi ni tiyaajatiib tun Tidindaan Uwumbɔr titunwanbir le n‑yoonn mɔmɔk; taa kii waamɔb daalbaadaal.”

Jeremia 44:3

mu aanib nan tun titunwanbir ki ŋa mi liŋuul. Bi nan toor kitork tii ŋiwaa, le ki dii ŋiwaa ŋi bima, ni nimi, ni niyaajatiib aa kee dii ŋi na.

Jeremia 8:19

Li pel man, m ŋun maanib aawiil pu kitiŋ kee mɔmɔk pu, “Uwumbɔr aa ki bi Sionn aatiŋ ni la aa? Sionn aatiŋ aabɔr aa ki bi la aa?” Le Bidindaan Uwumbɔr, u ye baabɔr na gar ke, “Ba ŋa ni dooni nimi aawaa ki gbaani biwɔwɔm aawaa ŋi kaa kpa tinyoor tibaa na aanimbiin ni ki fiini maaŋuul?”

Jeremia 9:19

Li pel man iwiil aafuuk Sionn aatiŋ ni, “Timi aamɔfal junn a. Ti kpaln binimɔɔnib la. Ti ga nya cha timi aatiŋ la; bi ber timi aadichal a.”

Esekiel 16:26

Aa cha aamaantɔtiib Ijipt yaab bi gee bipiib sakpen na doon aa chee, le ki di kidagook aatuln ngbaan fiin maaŋuul.

1 Korenti 10:22

Ti ban Tidindaan li kpa lipiipoln ti pu uu? Ti kpa mpɔɔn jer u uu?

Ikaal 32:16

Baah nan dooni ŋiwaa ŋi na le nan cha lipiipoln chuu Uwumbɔr. Baah tun titunwanbir ti na cha liŋuul chuu u.