Jeremia 7:12 - Uwumbɔr aagbaŋ

¹² Li cha man Silo aatiŋ ni, libuul li ni m nan puen lee ke ni li dooni mi nima na, ki ti lik maah ŋa nima chee, maanib Israel yaab aatunwanbir pu na.

Jeremia 7:12 ပူးပေါင်းရင်းမြစ်များ

1 Bibɔrb 9:7

m ga nyan maanib Israel yaab kitiŋ ki m di tii bi na ni. M ga nya cha Lidichal limina li m ŋa li chain ke li li ye nin chee bi ga li dooni mi na. Binib bi bi ni mɔmɔk na ga li ŋani Israel aanib yaansara, ki lik seeni bi.

Jeremia 26:6

Ni yaa beenin yiil kan, m ga bii Maadichal lee ke maah nan bii Silo aatiŋ pu na, le dulnyaa wee aatimbol mɔmɔk ga li joo Jerusalem aayimbil puuni lir biken pu.”

Jeremia 7:14

Maah nan ŋa Silo pu na, m ga ŋa Maadichal li ni di naadii tii li na kina. Libuul li m di tii nimi ni niyaajatiib na, m ga ŋa li ke maah nan ŋa Silo aatiŋ pu na.

Ikaal 12:11

Uwumbɔr ga nyan nibaa chee le tii timi, aan ti li dooni u nima, le maah mɔk nimi pu na, ni li joo ni nimi aapiin mɔmɔk: ni ye nimi aatork ki ni joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni ipiin, ni ipiinkpaan i ni puu ke ni ga tii u na.

Ikaal 12:5

Nimi aanibol mɔmɔk aah ga kal nin chee na, Uwumbɔr ga nyan nibaa chee, le ni ga choo unimbiin ni, ki nan dooni u nima.

Josua 18:1

Baah nan nyaŋ ki gaa kitiŋ ngbaan mɔmɔk doo na, le Israel yaab mɔmɔk kuun buen Silo aatiŋ ni, ki ti ŋa Uwumbɔr Aabool nima chee.

Josua 18:10

Le Josua too inaan ki baa Uwumbɔr, le u mɔk Josua waah ga di nin chee tii ŋinibol ngbaan mɔmɔk na.

Bibɔjirb 18:31

Maika aawaal ngbaan nan bi nima chee n‑yoonn mu mɔmɔk Uwumbɔr Aabool nan bi Silo aatiŋ ni na.

1 Samuel 1:3

Libiln mɔmɔk ponn ni kan, Elkana nan nya Rama ki chaa Silo ti toor kitork, ki dooni Uwumbɔr u yeh mpɔɔn mɔmɔk na. Nima chee le Eli aajapɔtiib Hofni ni Fineas nan ye Uwumbɔr aatotoorb.

1 Samuel 4:22

Le u bui ke, “Uwumbɔr aapɔɔn siir cha Israel yaab; ba pu? bi gaa Uwumbɔr Aakaal Aadakaa a.”