Jeremia 6:6 - Uwumbɔr aagbaŋ

⁶ Uwumbɔr Mpɔɔnsakpiindaan le cha bibɔrb ngbaan pir isui ki maa ŋibimbin ke bi gob Jerusalem. U bui ke, “Kitiŋ ngbaan ponn ni aah gbii limukl sakpen pu na, le m ga daa kitafal.

Jeremia 6:6 ပူးပေါင်းရင်းမြစ်များ

Aisaya 37:33

“Uwumbɔr aah len Asiria Aabɔrkpaan aabɔr ti na sɔ: ‘Waan koo ni kitiŋ kee ponn ni, kaan too mpiin mubaa ki ponn ni. Butɔb aajab bi joo ŋipen kii bibaa na ubaa aan duun ni kitiŋ ngbaan, le baan maa ŋibimbin tam tam kaagon.

Jeremia 20:8

M yaa ban m len tibɔr n‑yoonn mɔmɔk kan, m tar ke, “Kijaak, libiil.” Uwumbɔr, maah joo saabɔr mooni na pu, le bi lik mi fam, ki ŋani mi mbɔnyun.

Jeremia 22:17

Le aa ma le ban saakumɔŋ aanyoor baanja; aa ku binib bi kaa kpa taani ubaa na, le ki joo mbimbinpɔɔl muk saanib. Uwumbɔr le len kina.

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Jeremia 32:31

Ki nyan nwiin mundaal bi nan maa kitiŋ kee na, le kaanib cha maaŋuul fii sakpen. M ŋa nlandak ke m kuln ki,

Jeremia 33:4

Min Uwumbɔr u ye Israel yaab Aawumbɔr na, bui ke Jerusalem aadichal ni Juda aanaan aadichal ga ber. Naa kpa tinyoor ke ni buen ti jan Babiloŋ yaab bi gob nimi aatiŋ na kijaak. Nimina ga cha maaŋuusakpeln aah fii binib bi pu aan m ban m faa ku bi na aanikpol le gbiin kitiŋ kee ni. Kaanib aah tun titunwanbir ti na pu le m fenn mpuwɔb tii ki.

Jeremia 39:1

Sedekia aah nan ye Juda aabɔr pu na aabiwawaer aaŋmapiik ni, le Babiloŋ Aabɔr Nebukadnesar ni waajab mɔmɔk nan dan nan tak Jerusalem.

Jeremia 5:29

“Le min Uwumbɔr ga daa bitafal tiwan nee mɔmɔk pu; m ga teen litimbol ngbaan.

Jeremia 5:9

M taa daa bitafal nimina pu ki teen kina aatimbol aa?

Esekiel 4:2

Ŋa ŋibuu, ni ŋibimbin aawan, ki naan butɔb aajab aakpuk, ni ŋidɔgen ŋi bi ga di gbaa wiil kaagon na mann goln saah naan Jerusalem aatiŋ ki na. Nima le ga mɔk ke bijab gob ki a.

Esekiel 5:5

Ndindaan Uwumbɔr nan ki len ke, “Lik Jerusalem aatiŋ. M di ki siin dulnyaa aakaasisik ni la, le ntim mu gur na mann goln ki.

Daniel 11:15

Kina pu na, Siria aabɔr ga ti loon kitiŋ ki bi maa ŋigon ŋi fɔk ki pɔɔ gob ki na ki nyaŋ ki. Ijipt aatɔb aajab ga di cha kaan ki to butɔb; hali bi ponn ni bi kaar sakpen na aan ki li kpa mpɔɔn mubaa bi jan kijaak.

Sefania 3:1

Jerusalem, kitiŋ ki tun beebee aatuln ki muk kibaa aanib na kuln a.

Tibɔnyaan ti Luk ŋmee ti na 19:43

Buyoonn Uwumbɔr ban u ter nimi na, ni yii a. Nima le nimi aadim ga nan gob nimi aatiŋ, ki yuu lakr kaagoln pu,