Jeremia 6:28 - Uwumbɔr aagbaŋ

²⁸ Bi mɔmɔk ye maaŋuntafaldam bi kaa si unii aachaŋ ni na la, bitafal pɔɔ ke tikumann ni tikur na la. Bi mɔmɔk ji binib la, le ki chuun joo biken aabɔr mooni.

Jeremia 6:28 ပူးပေါင်းရင်းမြစ်များ

Ilahn 14:1

Bijɔrb bui bibaa le ke, “Uwumbɔr aa bi.” Bi mɔmɔk ye beebeedam la, le ki tun ŋitun ŋi kaa ŋan na, ubaa aa bi ki ŋani ni ŋan na.

Ilahn 50:20

Ni gor n‑yoonn mɔmɔk ke ni galn nina aabim la, ki ban ke ni kan baataani.

Ŋiyataŋak 10:18

Unii u joo waananaŋ bɔrni na ye unyamɔndaan la. Unii u mu ye ubɔmbɔtukr na mu ye ujɔr la.

Aisaya 31:6

Uwumbɔr ki bui ke, “Israel aanib, ni tun mi taani kaa si mpuwɔb; gir ni m chee man.

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Jeremia 5:23

Le nimi ma kan, ni kpa tafalaaŋun kaa si mpuwɔb, ni paar le ki siir cha mi.

Jeremia 6:30

Min, Uwumbɔr aah yii maanib na, le bi ga li gur yin bi ke tigbengbir ti kaa kpa tinyoor na.”

Jeremia 7:28

Aa ga bui bi ke baatimbol aa kii mi Bidindaan Uwumbɔr aamɔb, kaa bae baatafadaan chee. Mbamɔn aa ki bi. Ubaa aa ki len mbamɔn aabɔr.

Jeremia 9:3

Bi gee ke bi li geei inyamɔn n‑yoonn mɔmɔk la; le beebee aatuln ŋmeen bi kitiŋ ngbaan pu. Uwumbɔr bui ke, “Maanib yaa tun titunwanbir tibaa kan, le bi di tiken kpee, kaa nyi mi ke min le ye Baawumbɔr.”

Jeremia 9:4

Unii mɔmɔk li nyi ujɔ bɔr, le ubaa aan li ŋmaa kpa una aabo pu kipupuk; ba pu? na aabo mɔk gii inyamɔn ke Jakob na la, le unii bii ujɔtiib.

Esekiel 2:7

Aa ga bui bi maah tuk si ke aa len pu na mɔmɔk, hali bi yaa kaan pel aa chee kan, aa len ti mɔmɔk. Li nyi baah ye bimɔyiib bi na.

Esekiel 24:13

Jerusalem, saaninsuŋ aatuln le bii si. M pɔɔn mbaa ke m ŋa si chain, le aa beenin kpa tijɔŋ. Saan ki li bi chain, see aa ti kan maaŋuul aah pɔɔ pu na.

Liifai Yaab 14:43

Bi yaa nyan ŋifakuu ki pɔkr lidichal ngbaan ponn ni kina, ki ki gir pɔn aan lipɔpɔl ngbaan ki gir ŋa kan,

Liifai Yaab 19:16

Ni taa li geei inyamɔn paani unii ubaa. Bi yaa bi ji unii ubaa aabɔr aan u ban u nyan nkun ni, aan aa nyi ke u kpa mbamɔn kan, ter u ki gaa u lii. Min le ye Uwumbɔr.

Tibɔkpiirkaan 11:18

Ŋinibol aanib nan gee liŋuul, le saaŋuul mu fii, le ni ŋeer aa ji bitekpiib tibɔr, ki ŋeer aa di ipiin tii saabɔnabtiib bi ye saatutum na, ni saanib bi mɔmɔk pak si na, bi ye biwaatiib na, ni bi ye bisakpem na, ki ŋeer aa kuln binib bi ku dulnyaa aanib na.”

Tibɔkpiirkaan 19:2

U jin binib tibɔr mbamɔm ki ŋa bi naah ŋeer bi pu na. U jin upiidagookpaan u nan cha dulnyaa ni aanib gɔr kidagook na aabɔr, ki daa utafal; ba pu? u nan ku uma Uwumbɔr aatutum.”