Jeremia 6:25 - Uwumbɔr aagbaŋ

²⁵ Taa ki kaa ke ti buen itingbaan ni, bee isan pu ki ti tun lituln; ba pu? timi aadim joo tijawan, le ijawaan bi ni kookoo.”

Jeremia 6:25 ပူးပေါင်းရင်းမြစ်များ

2 Bibɔrb Aabɔr 15:5

Tibɔr ni mbimbin yɔl yɔl aah nan bi kitiŋ mɔk ni na, ubaa aa nan ŋmaa nya waatiŋ ni, ki ki gir ni laafee n‑yoonn ngbaan.

Job Aagbaŋ 18:11

Ijawaan sakpiin le mann goln ki kii u; i dii u waah yoor litaal limɔk na ni.

Ilahn 31:13

M ŋun maadim looni ki len; tibɔbir le mann goln mi. Bi bi ban isan m pu la, bi kpokl ke bi ku mi la.

Aisaya 1:20

Le ni yaa yii maamɔb kan, ni ga sil kan nkun. Min Uwumbɔr le len kina.”

Jeremia 14:18

M yaa nyan buen timoor ni kan, m kani binib bi bi ku bi butɔb ni na la; m yaa buen ntim ni kan, m kani nkon aah ku binib bi na la. Uwumbɔr aabɔnabtiib ni bitotoorb chuun tun baatun, le kaa tee nyi baah bi ŋani pu na.”

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Jeremia 30:5

“M ŋun ijawaan aawiil pu, iwiil ngbaan ye ijawaan aawiil, kaa ye nsuudoon aawiil.

Jeremia 4:10

Le m bui ke, “Ndindaan Uwumbɔr, aa ŋmann Jerusalem aanib kookoo a. Aa bui bi ke nsuudoon ga li bi, le kijaak aajuk ka bineen ni.”

Jeremia 4:5

Pii ikpiin kitiŋ kee mɔmɔk pu man. Teen mpɔɔn pu aan unii mɔmɔk ŋun. Tuk Juda ni Jerusalem aanib libiil li choo Juda pu na ke bi san buen ntim mu bi maa ŋigon gob mu na ni.

Jeremia 46:5

Le Uwumbɔr baa ke, “Tɔ, ni ye ba m waa na? Ijawaan chuu bi le bi fenn bipuwɔb. Bidim nyaŋ baajab le bi fenn bipuwɔb ijawaan aah chuu bi sakpen pu na, le bi san mala mala kaa ki fenni lik bipuwɔb.

Jeremia 49:29

Gaa baagban aaboo, ni baawakor, ni baaboo aakeken, ni tiwan ni mɔmɔk bi ŋiboo ngbaan ponn ni na man. Gaa man baalaakumii mam, ki bui binib ngbaan ke, ‘Ijawaan le mann goln nimi na.’

Jeremia 49:5

M ga cha ijawaan nya ŋipepel mɔmɔk ki chuu nimi. Ni mɔmɔk ga san. Unii mɔk ga li san ban ubaa la, le ubaa aan li bi ki ki kuun nimi aajab.

Jeremia 8:14

Le Uwumbɔr aanib bui ke, “Ba ŋa ti ka ŋmin kina? Dan man, aan ti san buen ntim mu bi maa ŋigon gob mu na ponn ni ki ti kpo nima. Tidindaan Uwumbɔr le siin ke ti kpo; u di njinn le tii timi ke ti nyu, ba pu? ti tun titunwanbir la.

Jeremia 8:15

Ti nan ka mak nsuudoon ni laafee aayoonn pu, le naa nan kpa tinyoor; ijawaan sakpiin le nan labr dan.

Inandalahn 2:22

Aa yin ni maadim ke bi nan ji linikul aajim m chee. Le saaŋuul ngbaan daal ubaa aa ŋmaa ŋmar. Bi ku maabim mu m kpiin mu ki gee mu na.

Esekiel 21:17

M mu ga kpaar ŋŋaal, le maaŋuul ga sɔŋ. Min Uwumbɔr le len kina.”

Esekiel 7:18

Bi ga peen tiwan ni saak kuub na, le biwon gbaa tɔtɔk. Biyil ga li ye ŋiyikun la, le bi mɔmɔk ga ji inimɔɔn.

Tibɔnyaan ti Luk ŋmee ti na 19:43

Buyoonn Uwumbɔr ban u ter nimi na, ni yii a. Nima le nimi aadim ga nan gob nimi aatiŋ, ki yuu lakr kaagoln pu,