Jeremia 6:23 - Uwumbɔr aagbaŋ

²³ Bi yoor baatɔi ni kijaak aajum; bi kpa mbiin kaa san kinimbaak. Baataan aafuuk bi ke nnyusakpem aafuuk na la. Bi gor ke bi to Jerusalem butɔb.”

Jeremia 6:23 ပူးပေါင်းရင်းမြစ်များ

Aisaya 10:32

Din wee bidim ngbaan fuu ni Nob aatiŋ ponn ni, le ki joo biŋaal mɔk Sionn Aajool li Jerusalem bi li paab na.

Aisaya 13:18

Bi ga di itɔi ni ipiin le ki di ku binachipɔm. Baan san mbipɔm ni mbim kinimbaak.

Aisaya 17:12

Ŋitimbol ŋi kpa mpɔɔn na aalan ŋmal, le bi kpa kifuuk ki naahn nnyusakpem aanyunkpenn aafuuk, ki yur ke tinyunkpenn ti wiir na.

Aisaya 19:4

M ga di Ijipt yaab tii ubiindaan ubaa, ubɔrkpaan u kpa mbiin sakpen na, le u li joo bi. Min, Uwumbɔr Mpɔɔnsakpiindaan le len kina.”

Jeremia 25:32

Uwumbɔr Mpɔɔnsakpiindaan bui ke tibɔbir ga dan litimbol libaa pu, le ki paan liken, kitaabuŋ ki pɔɔ sakpen na bi kitiŋ aanaanmɔk ki choo.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 4:13

Lik man, udin le choo ke ntaalangbam na. Waajaak aataan, ni yaatɔroku mam bi ke kinaakpaajabuŋ na la, le waataan ŋmaa san mala mala jer ŋikaagii. Ti kuln a. Timi aamɔfal junn a.

Jeremia 4:16

Bi dan bi nan sak ŋitimbol ki bui Jerusalem ke bidim nyani dandar ki choo. Bidim ngbaan ga gbaa ikaa Juda aatim pu,

Jeremia 4:29

Binib mɔmɔk yaa nan ŋun bitandam ni bipindam pu kan, bi ga san. Bibaa ga san buen kichook ni, biken mu ga jon ŋijootakpal ni. Ntim mɔmɔk ponn ni ga li ye nkuun la, le ubaa aan ki koo mu ni.

Jeremia 5:16

Laajab bi too itɔi na pɔɔ sakpen, le ki ku binib, kaa san kinimbaak.

Jeremia 50:41

Binib nyan ni ŋŋangan wɔb aatiŋ kibaa ni ki choo, ki ye litimbokpaan libaa le ki bi dandar; bibɔrb pam le bi gor kiir butɔb.

Jeremia 50:42

Bi yoor baatɔi ni baajaak aajum; bi kpa mbiin, kaa san kinimbaak. Bi yaa jak baataan kan, yaafuuk naahn nnyusakpem aafuuk la. Bi gor ki ban bi to Babiloŋ butɔb la.

Jeremia 6:4

Bi ga bui ke, “Gor ki ti tak Jerusalem man. Gor man. Nwiin aakaasisik ni le ti ga ti tak ki;” le ki ga tee bui ke, “Ti taan sakpen a, nwiin ban mu lir la, le ijooboon moo fɔk cha.

Jeremia 8:16

Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Esekiel 21:31

M yaa fenn maaŋuul lii ni pu ke mmii mu wu sakpen na kan, le ni ga kan maaŋuul aah pɔɔ pu na; le m ga di nimi tii bibiindam bi nyi baah ga kuln binib pu na.

Ikaal 28:49

Uwumbɔr ga cha linibol li nyan ni dulnyaa aanaanmɔk aan naa nyi baaliin na nan lir ni pu. Bi ga fii nan lir ni pu, ke likaagiil aah booni chur tiwan pu na la.