Jeremia 6:16 - Uwumbɔr aagbaŋ

¹⁶ Uwumbɔr bui waanib ke, “Sil isayakr ki li lik man. Baa ki bee man n‑yaayoonn na aasanbim ni nsanyaan na aah nan bi nin chee na. Li chuun mu pu man, ki kan lifuur.” Le bi bui ke, “Ayii, taan ŋa kina.”

Jeremia 6:16 ပူးပေါင်းရင်းမြစ်များ

1 Bibɔrb 8:36

saah bi paacham na, pel baameel. Di ubɔr ni Israel aanib aatunwanbir cha pinn bi. Uwumbɔr, mɔk bi ke bi tun tiwan ni ŋan na, ki cha utaal nu saatiŋ ki aa di tii saanib ke ki li ye biyaan n‑yoonn mɔmɔk na pu.

2 Bibɔrb Aabɔr 19:11

Utotoorninkpel Amaria le ga li yeh tibɔr ti ye Uwumbɔr aasan ni na aabɔjil, le Sebadia u aate ye Ismael aan u ye Juda aayidaan na, ga li yeh binib aabɔr. Liifai yaab le ga kan ke bibɔjirb ngbaan aah siin pu na ŋa kina. Cha nitaakpab li pɔɔ aan ni li joo lilambil limina tun, ki cha Uwumbɔr li si unii u kpa mbamɔn na aachaŋ ni.”

Ilahn 116:7

Uwumbɔr aah kpa m pu tiŋann pu na, le m kpa nsuudoon.

Aisaya 2:5

Nimi Jakob aayaabitiib, cha ti li gur chuun man nwiihn mu Uwumbɔr di tii timi na ni.

Aisaya 28:12

U tii ni mɔmɔk lifuur ni mmɔɔn, le ni yii kaa pel u chee.

Aisaya 30:21

Ni yaa yenn nsan ki fenn buen ŋŋangii wɔb, bee ŋŋangan wɔb kan, ni ga ŋun waaneel nipuwɔb len ke, “Nsan le na. Dii mu man.”

Aisaya 46:9

Teer man tibɔr ti nan ŋa n‑yoonn na; tii naadii man ke min baanja le ye Uwumbɔr, ke ubaa aa ki bi ke min na.

Aisaya 57:2

Binib bi aabimbin ŋan na yaa kpo kan, bi kani nsuudoon ni lifuur, nkun ni.

Aisaya 8:20

Le ni ga gar bi ke, “Li pel man Uwumbɔr aah mɔkni nimi pu na. Taa pel man bipɔnijoob aah len pu na. Baah tuk nimi pu na aa kpa tinyoor.”

Jeremia 12:16

Bi yaa gaa maanib aah dii nsan mu na, ni bisui mɔmɔk, ki puur tipuur ke, ‘Uwumbɔr u bi na’ pu, ke baah nan cha maanib puur tipuur tii liwaal Baal pu na kan, bi mu ga li bi maanib ponn ni ki ga kan liwangol.

Jeremia 18:12

Bi ga gar ke, ‘Aayii, taan ŋa kina. Ti ga li beenin kpa tafalaaŋun, ki tun titunwanbir taah gee pu na la.’”

Jeremia 18:15

Le maanib ma suln mbɔr; bi seer tulalee aayon mmii ni tii ŋiwaa la. Bi gbeer nsan mu ponn ni bi ba ga dii mu na la, baa ki dii n‑yaajayoonn aasan na; bi chuun nsanbim mu baa daan mu na pu la.

Jeremia 2:25

Israel yaab, naah bi san ban ŋiwaa pu na le cha nitaa deer, le nineen ni mu kuur. Le ni bui ke, ‘Aayii. Taan ki fenn tipuwɔb. Ti gee ŋiwaa aabɔr pam, le ki ga li san dii ŋi.’”

Jeremia 22:21

Naah nan laa kpa liwangol buyoonn na, le Uwumbɔr nan len ni chee le ni yii kaa pel. Nimi aatuln le bi na, nimi aamɔfal aayoonn mɔmɔk ni; naa kee kii Uwumbɔr aamɔb.

Jeremia 31:21

Ŋa tidaan ki daan nsan; ki gir ban saah nan dii nin chee buen na. Israel yaab, gir ni man, gir ni ntim mu ni nan nyan mu ponn ni na.

Jeremia 42:3

Mee Tidindaan Uwumbɔr ke u mɔk timi nin chee ti ga buen na, ni tiwan ni ti ga ŋa na.”

Jeremia 44:16

“Taan kii saah di Uwumbɔr aayimbil tuk timi tibɔr ti na.

Jeremia 50:5

Bi ga baa Sionn aasan pu le ki di toŋ nima wɔb. Bi ga puu tipuukpaan ti kaa kpa ndoon na tii mi, kaan bii ti.

Jeremia 7:23

Tɔ, m nan tee bui bi ke bi li keei maamɔb, aan m li ye Baawumbɔr, le bi mu li ye maanib. M nan bui bi ke bi li bi maah bui bi ke bi li bi pu na, aan ki li kpa lifuur.

Jeremia 7:24

Le baa kii maamɔb, kaa kpa ntafaŋum mu, le ki tee tun baamaaŋuntafal ni baatunwanbir aasui ngbaan aah bui bi pu na, le ki moo bii cha.

Malakai 4:4

“Teer maatutunn Moses aakaal na, ikaal ni ŋimɔbon ŋi m nan di tii u Sainai Aajool paab, ke Israel aanib mɔmɔk li dii i na.

Tibɔnyaan ti Luk ŋmee ti na 16:29

“Le Abraham bui u, ‘Bi kpa Uwumbɔr Aagbaŋ. Bi li ŋun kigbaŋ ngbaan aah len pu na.’

Jɔnn 12:35

Le u bui bi, “Min u ye nwiihn na, maan ki li bi nikaasisik ni, ni yunn. Dii nwiihn mu aah laa bi pu na man, aan mbɔmbɔɔn taa pii nimi. Unii umɔk chuun mbɔmbɔɔn ni na kan, waa nyi waah cha niwɔb na.

Jɔnn 13:17

Ni yaa bee maah len pu na aatataa, ki yaa ŋani kina kan, ni ga li kpa mpopiin.

Jɔnn 5:39

Ni karni Uwumbɔr Aagbaŋ ke ni bee kaah len pu na; ba pu? ni dak ke ni ga kan limɔfal li kaa kpa ndoon na ki ponn ni. Kigbaŋ ngbaan len maabɔr le na.

Lituln 17:11

Le binib bi bi nima na pel Pɔɔl aah len pu na. Binib ngbaan ye binib ki jer Tesalonika aatiŋ ni yaab. Le binimbil man Pɔɔl aah len pu na pu. Idaa mɔmɔk bi nan kpar Uwumbɔr Aagbaŋ ponn ni, ki karni ke bi lik ke ti gbii aan taa gbii.

Rom Yaab 4:12

Binib bi gii ŋichakpan, ki tak Abraham aataabuu ponn ni, ki gaa Uwumbɔr ki kii ke Abraham aah nan gaa u ki kii pu, buyoonn waa nan kee gii lichakpaln na, bima mu le Abraham ye bite.

Ikaal 32:7

Ni teer man n‑yoonn mu jer na, n‑yaayoonn na aabɔr; ni baa nitetiib aan bi tuk nimi tiwan ni nan ŋa na, ni baa bijaninkpiib aan bi tuk nimi n‑yoonn na aabɔr.

Kolosiya 2:6

Ni nan gaa Yesu Kristo, ki kii ke u ye Nidindaan. Nima pu na, ni li kpaan u ni, ki li dii u man,

Hiibru Yaab 11:2

N‑yaayoonn na aanib aah nan gaa Uwumbɔr ki kii na, nima le u len ke baabimbin ŋan.

Hiibru Yaab 6:12

Ni taa li san ligbanyakl man. N‑yaayoonn na aanib bi nan gaa Uwumbɔr ki kii ki jin suklaa na, bi bi paacham ki kan waah puu tipuur ti ke u ga tii bi na. Ni mu li dii baah dii pu na.

Bibɔjirb 2:17

Israel yaab mu aatafal aa nan bi baasalolm ngbaan ni. Baa nan kii Uwumbɔr aamɔb, le ki dooni ŋiwaa. Bitetiib nan kii Uwumbɔr aamɔb, le binipɔm bimina ma nan kpaan di cha kina aatuln.