Jeremia 6:15 - Uwumbɔr aagbaŋ

¹⁵ Baa nan san inimɔɔn, baajɔŋ aatun ŋee pu. Aayii, baa nan san inimɔɔn kpala; baa kpaan nyi baah ga mɔk pu ke inimɔɔn joo bi na. Kina pu le bi mu ga lir ke biken aah lir pu na; m yaa nan daa bitafal kan, baadoon le ga li bi na. Min Uwumbɔr le len kina.”

Jeremia 6:15 ပူးပေါင်းရင်းမြစ်များ

Mpiin 19:34

Naah woln kitaak na, le upol ngbaan bui unaal ke, “M fe doon tite chee kinyeek na; cha ti ki tii u ndaan aan u gbii, nima kan, aa mu ga ŋmaa doon u chee kinyeek kee, aan ti mɔmɔk dek ki maa mbim tii tite.”

Nnyam 32:34

Tɔ, siir ki li cha, ki ti loln binib ngbaan pu nsan, ki buen nin chee m bui si na. Teer ke maatuun ga loln ni pu nsan; tɔ, n‑yoonn choo le m ga daa binib ngbaan aatafal, baatunwanbir pu.”

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Aisaya 10:4

Bi ga ku nimi butɔb ponn ni la, bee bi chuu nimi ki dar buen ke binaagbiib na. Nimina mɔmɔk aapuwɔb na, Uwumbɔr aaŋuul aan sɔŋ; u ga li beenin ban ke u moo daa nitafal.

Aisaya 3:9

Baa kaa gbaa ibamɔn pu na ga ki gir koon bima le tibɔr ni. Bi tun titunwanbir kaa joo bɔrni ke Sodom aanib aah nan tun pu na la. Bima le joo ni bibaa aadoon, bi kuln a.

Jeremia 14:15

Min Uwumbɔr bui si tiwan ni m ga ŋa bibɔnabr bi maa nan tun bi aan bi di maayimbil len ke butɔb ni nkon aan dan kitiŋ kee pu na, m ga di butɔb ni nkon le ku bi.

Jeremia 18:23

Tɔ, Uwumbɔr, aa nyi baah kpokl pu ke bi ku mi na. Taa di baatunwanbir cha pinn bi, ki taa di cha baataani. Buyoonn saaŋuul fii na kan, mee bi lii ki nyaŋ bi.”

Jeremia 23:12

Baah dii isan i na ga li ŋar le ki bɔɔn; m ga cha bi gbeer ki lir. M ga cha tibɔbir dan bi pu. Baatafadaan aayoonn choo. Min Uwumbɔr le len kina.

Jeremia 3:3

Nima pu le utaal aa nan ki nu, le utakuutaal mu aa nan ki nu. Ni sil naahn bidagoob la; naa san inimɔɔn.

Jeremia 44:10

Le ki nan saa din, naa kee sunn nibaa taab. Naa nyuŋni mi, le kaa joo ikaal i mɔmɔk m di tii nimi ni niyaajatiib na.

Jeremia 5:29

“Le min Uwumbɔr ga daa bitafal tiwan nee mɔmɔk pu; m ga teen litimbol ngbaan.

Jeremia 5:9

M taa daa bitafal nimina pu ki teen kina aatimbol aa?

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Jeremia 8:9

Nimi aalandam jin inimɔɔn a; bilan ŋmal le bi koo sil sisik ni. Bi yii maamɔboln; ba aalan aan bi ki kpa?

Esekiel 13:14

Maalandak le ye ke m ber ligoln li bi di nkokoyon boon li na, ki yaa li, ki cha laadinyik aatakpal doon nkuun. Li ga wur lir le ki ku ni mɔmɔk pel pel, le unii mɔmɔk bee ke min le ye Uwumbɔr.

Esekiel 2:4

Bi ye tafalaaŋundam le kaa pak mi, kina pu le m bi tun si bi chee ke aa ti bui bi min Bidindaan Uwumbɔr aah bi tuk bi pu na.

Esekiel 24:7

Linikul nan bi kitiŋ ngbaan ponn ni; nsin ngbaan mu aa nan yaa nin chee titan ga ŋmaa biin mu pu na; mu yaa litakpal pu la.

Hosea 4:5

Kinyeek ni nwiin pu mɔk ni moo bii cha, le bibɔnabr mu bi kina la. M ban m kuln nina Israel la.

Hosea 9:7

Ntafadaan aayoonn fuu a, n‑yoonn ngbaan binib ga kan ni ŋeer bi na. Kina yaa nan ŋa kan, Israel yaab ga bee ni. Ni bui ke, “Uwumbɔr aabɔnabr umina ye ujɔr la. Unii u Nfuur Nyaan fir u pu ngbaan na aa ki kpa nlan la.” Nimi aatunwanbir aah nyaŋ na le kinanaŋ gbiin nimi.

Maika 3:6

“Bibɔnabr, nimi aawiin bi door la; nwiin ga lir buyoonn naa kee gor na. Naah di maanib yenn pu na, le ni ga ŋa kina, naan ki kan tibɔkpiirkaan ti ni ga di nabr na, kaan ki ŋmaa bui ke tiwan nibaa ga ŋa, aan tiwan ngbaan sil ŋa kina.”

Maika 7:4

Hali binib bi ŋan ki bi chob na aa kpa tinyoor tibaa ke timoor aah bi pu na la. N‑yoonn mu Uwumbɔr ga di daa binib ngbaan aatafal, ke waah nan cha waabɔnabtiib sak bi pu na fuu ni a. Dandana wee, baalan ŋmal a.

Sefania 2:1

Ŋa nlan, sin maasanimɔɔn aatimbol,

Sefania 3:5

Tɔ, Uwumbɔr mu tee beenin bi kitiŋ ngbaan ponn ni; u ŋani tiwan ni ŋan na n‑yoonn mɔmɔk, kaa ŋani tiwan ni kaa ŋan na kpala. U cha ibamɔn bi waanib chee kichakpiik mɔmɔk ni, le kaa yiil. Le binib bi bi nima chee aan baabimbin aa ŋan na tun taani, kaa san inimɔɔn.

Sekaria 13:4

N‑yoonn ngbaan yaa nan fuu ni kan, ubɔnabr aan li kpa kigaak waah kan tibɔkpiirkaan ti na pu. Ubaa aan li tun ke ubɔnabr na. Ubaa aan kii ke u peen ubɔnabr aawanpeenkaan ni saak kuub na ke u di ŋmann binib.

Matiu 15:14

Taa gar bi man. Bi ye bisanmɔkb bi jɔb na la. Ujoon yaa mɔk ujoon nsan kan, bi mɔmɔk bilee ga lir libuul ponn ni la.”

Filipi 3:19

Baadoon le ga li ye ntafadaan mu kaa kpa ndoon na. Baawumbɔr le ye bipuul. Bi kpa kipupuk inimɔɔn aatuln pu. Baalandak bi dulnyaa wee ni aawan ni la.