Jeremia 6:12 - Uwumbɔr aagbaŋ

¹² Bi ga di baadichal, ni baakpaakon, ni bipuutiib tii binib bibaa la. M ban m daa kitiŋ kee pu aanib aatafal la.

Jeremia 6:12 ပူးပေါင်းရင်းမြစ်များ

1 Bibɔrb Aabɔr 21:16

David nan kan ntuun ngbaan gaar si libuln ni paacham, ki joo kijaak aajuk uŋaal ni ki gor ke u ti bii Jerusalem. Le David ni binib ngbaan aasalolm, bi mɔmɔk nan pee tiwanpeenkaan ni saak kuub na, gbaan le ki di binimbil chiŋ kitiŋ.

Aisaya 10:4

Bi ga ku nimi butɔb ponn ni la, bee bi chuu nimi ki dar buen ke binaagbiib na. Nimina mɔmɔk aapuwɔb na, Uwumbɔr aaŋuul aan sɔŋ; u ga li beenin ban ke u moo daa nitafal.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Aisaya 9:12

Siria yaab ga nyan ni liwipuul wɔb, le Filistia yaab mu nyan ni liwilir wɔb, ki waa bimɔi ki ban bi. Nimina aapuwɔb na, Uwumbɔr aaŋuul aan kee sɔŋ; u beenin ban ke u daa bitafal.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Aisaya 9:21

Manase aanib ni Efraim aanib ga to tɔb butɔb, le ki ki gir kpaan ki to Juda yaab butɔb. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 15:6

Nimi le yii mi, ni fenn nipuwɔb tii mi. Kina pu le m taln ŋŋaal ki faa nimi, ba pu? maa nan ki ŋmaa chuu maaŋuul.

Jeremia 21:5

M ga di maapɔɔn mɔmɔk, ni maaŋuusakpeln na mɔmɔk jan si kijaak.

Jeremia 38:22

Ti ponn ni, m nan kan bi joo bipiib bi gur Juda aabɔrchiln ni na cha Babiloŋ aajab aaninkpiib chee. Li pel baah nan cha ki len pu na: ‘Ubɔr aajɔtiib bi gee u sakpen na ŋmann u a, bima le gur joo u. Le waah ti chɔb bee tikpakpar ni na, le bi san cha u.’”

Jeremia 38:23

Le m ki len ke, “Saapiib, ni saabim mɔmɔk ga koo Babiloŋ yaab aaŋaal ni, le sin aabaa aan ŋmar bi chee. Babiloŋ aabɔr ga chuu si tinaagbiir, le kitiŋ kimina ga wu mmii pel pel.”

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Jeremia 8:10

Kina pu le m ga di baakpaakon tii bikpaacham, ki di bipuutiib tii bijab biken. Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil. Hali maabɔnabtiib ni bitotoorb ji binib la.

Inandalahn 2:8

Uwumbɔr puu ke Sionn aagon lir kitiŋ. U nan ŋaŋ ŋi ke u sil kan ŋaalirm. Bikikiib aadir na, ni ŋigon mɔmɔk ber le ki dɔ kitiŋ.

Inandalahn 3:3

le ki gbaa mi kpakpaayuk, kaa san mi kinimbaak.

Inandalahn 5:11

Bi chur tipuutiib mpɔɔn ki doo bi chee Sionn Aajool pu; bi chur tibisatiib mpɔɔn ki doo bi chee Juda aatim mɔmɔk ni la.

Inandalahn 5:2

Timi aawangol gur bi biwɔwɔm aaŋaal ni la; bima le koo timi aadichal ni.

Inandalahn 5:3

Bidim le ku titetiib, le tinatiib gur ye bikpopiib.

Esekiel 35:3

Tuk kaanib min Dindaan Uwumbɔr aah bi len pu na: Edom aajoo, m ye nimi aadin la. M ga ŋa si kitikuun ki bi fam na.

Esekiel 7:24

M ga cha ŋitimbol ŋi tun titunwanbir sakpen na dan do ki nan gaa nimi aadichal. M yaa cha ŋitimbol ngbaan bii naah dooni nimi aawaa ŋi na kan, nimi aajab bi pɔɔ sakpen na aawon ga yɔl.

Maika 2:4

N‑yoonn ngbaan yaa nan fuu ni kan, binib ga di nimi aabɔr le di ŋa tibɔbir aaseeraa, le ki ga gaa nnandalahn mue, naah kan pu na pu: Ti doo a. Uwumbɔr chuu gaa timi aatiŋ ti chee, ki di tii binib bi chur timi tinaagbiir na.”

Sefania 1:13

Bidim ga yoor baawangol buen, le baadichal ber. Baan koo ŋidichal ŋi bi bi maa na ponn ni, kaan nyu baah bi ŋumni ndaan aasubil aasui i na aadaan kpala.”

Sefania 1:4

“M ga daa Jerusalem aatiŋ, ni Juda aapepel aanib mɔmɔk aatafal. M ga kuln kookoo aanib bi gur ki dooni liwaal li bi yin li ke Baal na, ki kuln baawaadam bi toor li na.