Jeremia 6:11 - Uwumbɔr aagbaŋ

¹¹ Uwumbɔr, saaŋuul aah fii bi pu pu na wu nsui ni ke mmii na, le maa ki ŋmaa joo li.” Uwumbɔr ki bui mi ke, “Cha maaŋuul pii mbim mu bi kitiŋ ponn ni na, ni binachipɔm aakuun mɔmɔk ni. Baadim ga di chatiib ni puutiib buen, kaan di cha bininkpiib ni binib bi por pam na mu.

Jeremia 6:11 ပူးပေါင်းရင်းမြစ်များ

Aisaya 40:30

Hali binib bi laa diin na aataakpab yɔl la, binachipɔm aawon ga yɔl;

Jeremia 15:17

Maa bii maayoonn binib chee ki laa, ki mɔɔni. M nan kii saamɔb le ki bi mbaa ki joo maaŋuul nsui ni.

Jeremia 15:6

Nimi le yii mi, ni fenn nipuwɔb tii mi. Kina pu le m taln ŋŋaal ki faa nimi, ba pu? maa nan ki ŋmaa chuu maaŋuul.

Jeremia 18:21

Tɔ, Uwumbɔr, cha nkon ku baabim; cha bi kpoi butɔb ni. Cha baapiib lann bichatiib ni baabim; cha iween ku bijab, aan baanachipɔm mu kpoi butɔb ni.

Jeremia 20:9

Le m yaa tee bui ke, “M ga suln Uwumbɔr bɔr, kaan ki len tibɔr waayimbil pu” kan, le saabɔr bi ke mmii na ki wu nsui ni. M pɔɔni mbaa ke m taa len ti, le kaa ti ki ŋmaa joo ti.

Jeremia 5:9

M taa daa bitafal nimina pu ki teen kina aatimbol aa?

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Jeremia 9:20

Le m bui ke, “Nimi bipiib, li pel man Uwumbɔr chee, ki ŋun waamɔboln. Mɔk nibisatiib likpuul aawiim, ki mɔk ninaakoontiib ikpolahn aagaam.

Jeremia 9:21

Nkun dii timi aatakolu mam le ki koo ni timi aabɔrchiln ni; mu gbaa mbim bil kitiŋ ponn ni, ki gbaa binachipɔm bil kinyaŋ ni.

Inandalahn 1:15

Uwumbɔr nan yuul maajab bi kaar na. U nan tun ni bijab le bi nan kuln maanachipɔm. U nan muen muen maanib ke baah mueni ndaan aasubil pu na la.

Inandalahn 2:21

Binib bi por na, ni bi kaa por na mɔmɔk kpoi kitiŋ ponn ni la. Bidim aajaak aajum le ku binachipɔm ni bisapɔm mɔmɔk. Saaŋuul aawiin daal le aa kɔr bi mɔmɔk, kaa san bi kinimbaak.

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Esekiel 3:14

Uwumbɔr aapɔɔn nan di mpɔɔnsakpiin mubaa le dan m pu, le Waafuur Nyaan aah yoor mi buen na, le nsui fii, le liŋuul chuu mi.

Esekiel 3:3

U nan ki bui ke, “Unibɔn, di kigbakpaikee ki m di tii si na ŋmɔ; cha ki gbiin aapuul.” M nan di ki ŋman, le ki mɔ mmɔb ni ke tisiir na.

Esekiel 9:6

Ku bijaninkpiib, ni binachipɔm, ni bipiisapɔm, ni bipiib bi joo mbim na, ni mbim man. Ni taa meeh unii umɔk kpa kidaan uyigbeer pu na. Piin Maadichal ni do man.” Kina pu na, bi nan di bisalolm bi si Uwumbɔr Aadichal ni nima chee na le piin.

Maika 3:8

Tɔ, mma kan, Uwumbɔr le joo Waafuur Nyaan ni waapɔɔn gbiini mi, le ki tii mi ibamɔn aalan, ni ntaakpapɔɔn mu m ga ŋmaa di bui Israel yaab baatunwanbir aah ye pu na.

Tibɔnyaan ti Luk ŋmee ti na 17:34

M tuk nimi la, buyoonn m ga gir ni na, binib bilee ga li dɔ kidiik kibaa ponn ni kinyeek. M ga nan yoor ubaa ki di buen, ki cha uken.

Lituln 17:16

Le Pɔɔl ti bi Atens aatiŋ ni, ki ka kii Sailas ni Timoti. Waah bi nima na, le u kan ŋiwaa pam kitiŋ ngbaan ponn ni. Le ni bii usui sakpen.

Lituln 18:5

Sailas ni Timoti nan nyan ni Masedonia aatim ni, ki fuu ni Pɔɔl chee. Baah fuu ni na, le Pɔɔl mooni Yesu aabɔr linimaln, kaa ki tun lituln liken. U nan ŋeer tuk Juu yaab ke Yesu le ye Kristo u gaa binib lii na.

Lituln 4:20

Ti ga li beenin tuk binib taah kan pu na, ni taah ŋun pu na. Taan ŋmaa yii.”

Tibɔkpiirkaan 16:1

Le m ŋun nneel sakpiin nyan ni Uwumbɔr Aadichal ni, ki tuk Uwumbɔr aatuuntiib bilole ngbaan ke, “Li cha ti di falaa u bi ŋisambil ŋilole ni na kpir dulnyaa ni; ba pu? Uwumbɔr gee liŋuul bi pu.”