Jeremia 52:4 - Uwumbɔr aagbaŋ

⁴ Kina pu le Nebukadnesar nan di waajab mɔmɔk dan nan tak Jerusalem, Sedekia aanaan aabiwawaer ni aaŋmapiik aawiin kipiik daal. Bi nan kuun kal kitiŋ ngbaan aagbaan, le ki maa ŋikɔl ŋikɔl kitiŋ ngbaan aagon aataab kina

Jeremia 52:4 ပူးပေါင်းရင်းမြစ်များ

Aisaya 29:3

Uwumbɔr ga mann gob kitisakpeŋ ngbaan, ki tak ki.

Jeremia 21:2

“Ti gaŋ si ke aa len Uwumbɔr chee tibɔr tii timi, Babiloŋ Aabɔr Nebukadnesar ni waajab aah bi gob timi aatiŋ pu na pu. Nibaakan, Uwumbɔr ga tun waajinjiir aatuln libaa tii timi, ki cha Nebukadnesar gir upuwɔb.”

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Jeremia 34:1

Buyoonn Babiloŋ Aabɔr Nebukadnesar ni waajab, ki di kpee ŋitimbol ni ŋinibol ŋi mɔmɔk nan bi u taab na aajab, nan bi tak Jerusalem ni ntim mu bi gbɔk ki na, le Uwumbɔr nan ki len m chee tibɔr.

Jeremia 39:1

Sedekia aah nan ye Juda aabɔr pu na aabiwawaer aaŋmapiik ni, le Babiloŋ Aabɔr Nebukadnesar ni waajab mɔmɔk nan dan nan tak Jerusalem.

Jeremia 4:17

ki ga lul goln Jerusalem ke bijab bi si kii nkpaakon na; ba pu? kaanib nyan Uwumbɔr aapuwɔb. Uwumbɔr le len kina.

Jeremia 52:7

le Babiloŋ aajab nan wiil kaagon ki koo ni, le ki gob kitiŋ ngbaan ti to, le kitiŋ ngbaan aajab nan loon kinyeek ki nyan. Bi nan dii libɔrdichal aasaak aasan, le ki dii mbisamɔb mu bi ŋigon ŋilee ngbaan aasisik ni na nyan, ki di toŋ Jɔɔdann Aafataŋ wɔb.

Esekiel 21:22

Tɔ, uŋangii joo mpiin mu mɔk ‘Jerusalem aatiŋ’ na la. Mu bui u ke u buen ti ban ŋidɔgen ŋi bi ga di wiil kaagon na, ki faa butɔb aakuun, ki di ŋidɔgen baŋ kaabisamɔi, ki kuun titan bil chur chur ki gbii ŋibugen.

Esekiel 21:27

Tɔ, libiil, libiil. Mbamɔn, m ga ŋa kitiŋ ngbaan tilangbenn. Tɔ, nimina mu aan kee ŋa see maah lee unii u ke u nan daa kitiŋ ngbaan aatafal na fuu ni, le m ga di ki tii u.

Esekiel 26:8

Kijaak ngbaan ni le bi ga ku binib bi koo ntim mu duun nnyusakpem na. Baadim ngbaan ga gbii ŋibugen, ki maa ŋibimbin, ki ŋa kijaak aapen ti pɔɔ na ki kiir si.

Esekiel 33:21

Taah nan bi tinaagbiir ni pu na aabin kipiik ni lileler ponn ni aaŋmapiik aawinŋmu daal, le uja u nan san ŋmar Jerusalem aatiŋ ni na nan tuk mi ke kitiŋ ngbaan lir a.

Esekiel 40:1

Taah nan bi tinaagbiir ni pu na aabipɔln li nan ŋa ŋibin moninko ni ŋiŋmu na aawiin kipiik daal, baah nan nyaŋ Jerusalem aatiŋ pu na aabin kipiik ni ŋinaa aapuwɔb le nan bi na. Liyaadaal ngbaan le m nan kan ke Uwumbɔr aapɔɔn sakpiin na koo mi, le u yoor mi di buen.

Liifai Yaab 26:25

M ni nimi aah nan puu tipuur tii tɔb na, le ni nan bii tipuur ngbaan, nima pu na le m ga cha nimi aadim to nimi butɔb, le ni yaa kuun buen ntim mu ponn ni ke ni koo ki ŋmar na kan, m ga cha iween i kaan sɔŋ na dan ni pu, le kina pu na, ni ga di nibaa tii nimi aadim.

Sekaria 8:19

“Bumɔb aalulm bu ni lulni ŋmanaa, ni ŋmaŋmu, ni ŋmalole, ni ŋmapiik ni na ga kpaln mpopiin, ni mmɔɔn aajim le ki tii Juda aanib. Ni li gee ibamɔn ni nsuudoon.”

Tibɔnyaan ti Luk ŋmee ti na 19:43

Buyoonn Uwumbɔr ban u ter nimi na, ni yii a. Nima le nimi aadim ga nan gob nimi aatiŋ, ki yuu lakr kaagoln pu,

Tibɔnyaan ti Luk ŋmee ti na 21:20

“Ni yaa kan butɔb aajab si gob Jerusalem aatiŋ kan, ni li nyi man, naan yunn, le bi ga bii kitiŋ ngbaan doo.