Jeremia 52:3 - Uwumbɔr aagbaŋ

³ Uwumbɔr aaŋuul nan fii Jerusalem ni Juda aanib pu, le u kuln bi pel pel. Sedekia nan nyan Babiloŋ Aabɔr Nebukadnesar aapuwɔb,

Jeremia 52:3 ပူးပေါင်းရင်းမြစ်များ

Mpiin 4:14

Aa nyan mi kitiŋ kee pu a, le ki chuu paar aaŋaal m pu. Maan ki li kpa maah ga koo nin chee na. Le maah ga li ye uchayiin pu na, unii umɔk kan mi na ga ku mi.”

Mpiin 4:16

Le Kainn siir Uwumbɔr chee, ki buen kitiŋ kibaa ni, bi yin ki ke “Chuun Gonni,” ki bi Edenn aawipuul wɔb la.

2 Samuel 24:1

Uwumbɔr nan ki gee Israel yaab pu liŋuul, le ki cha David ban tibɔr tii bi. Uwumbɔr nan bui u ke, “Li cha ki ti kahn Israel ni Juda aanib.”

1 Bibɔrb 10:9

Li pak Aadindaan Uwumbɔr. U mɔk si waah gee si sakpen pu na le ki di si ŋa Israel yaab aabɔr. Waah gee Israel yaab n‑yoonn mɔmɔk pu na, le u di si ŋa ubɔr ke aa cha waakaal ni ibamɔn li bi.”

2 Bibɔrb 17:18

Uwumbɔr aaŋuul nan fii Israel yaab pu, le u nyan bi ubaa chee, ki di cha Juda aanaan baanja.

2 Bibɔrb 17:20

Le Uwumbɔr nan yii Israel aanib mɔmɔk, ki daa bitafal ki di bi tii baadim bi kpa mbiin sakpen na, le ki ti baan nyan bi ubaa chee.

2 Bibɔrb 17:23

le Uwumbɔr ti baan nyan bi ubaa chee, ke waatutum bibɔnabr aah sak bi ke u ga ŋa pu na. Kina pu le Asiria aajab nan chur Israel aanib tinaagbiir buen Asiria aatiŋ ki pu bi beenin bi na.

2 Bibɔrb 24:20

Uwumbɔr aaŋuul nan fii Jerusalem ni Juda aanib pu sakpen, le u jenn nyan bi unimbiin ni.

2 Bibɔrb Aabɔr 36:13

Sedekia nan nyan Ubɔr Nebukadnesar, u nan cha u puu Uwumbɔr aayimbil pu ke u ga li si uchaŋ ni mbamɔm na aapuwɔb. U nan kpa tafalaaŋun, le ki yii, kaa kpeln waabimbin ki fenn dan Israel yaab Aadindaan Uwumbɔr chee.

Esra 4:15

kina pu na, ti bui ke aa cha bi lik aayaajatiib aah nan ŋmee tigbann ti bil na ponn ni. Aa yaa ŋa kina kan, aa ga kan ke kitiŋ ngbaan aa si ubaa aapuwɔb kpala, ki nyan n‑yaajayoonn na, ki tii bibɔrb ni ŋipepel aayidam tibɔr n‑yoonn mɔmɔk la. Kaanib pɔɔ njoom pam. Kina pu le bi nan kuln kitiŋ ngbaan.

Ŋiyataŋak 28:2

Litimbol li tun titunwanbir na aaninkpiib kpelni mala mala la. Le bilandam ni bichiindam aatiŋ ma kpa mpɔɔn ki yunni.

Ulandaan 10:16

Kitiŋ ki aabɔr ye unachipɔɔn, aan kaasalolm mu ji njim ki ti woln kitaak na bi tibɔr ni la.

Aisaya 19:4

M ga di Ijipt yaab tii ubiindaan ubaa, ubɔrkpaan u kpa mbiin sakpen na, le u li joo bi. Min, Uwumbɔr Mpɔɔnsakpiindaan le len kina.”

Aisaya 3:1

Dandana wee, Tidindaan Uwumbɔr u ye Mpɔɔnsakpiindaan na ban u chuu nyan Jerusalem ni Juda ponn ni tiwan, ni binib bimɔk nan joo ntim ngbaan aanib na. U ban u chuu yoor baajikaar, ni baanyun,

Aisaya 36:5

U baa bi ke, “Ni dak ke bumɔb aaliin ga ŋmaa nyaŋ tijar aalan ni mpɔɔn aa? Ni dak ke ŋma ga ter nimi aan ni sil kiir Asiria yaab?

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 7:15

M ga jenn nyan nimi nnimbiin ni, ke maah nan jenn nido yaab, Israel aanib pu na. Min Uwumbɔr le len kina.”