Jeremia 52:27 - Uwumbɔr aagbaŋ

²⁷ ki bi Hamaf aapepel ni na chee. Nima chee le ubɔr ngbaan nan ti saan bi ki ku bi. Kina le bi nan di Juda aanib buen tinaagbiir ni.

Jeremia 52:27 ပူးပေါင်းရင်းမြစ်များ

2 Samuel 8:9

Hamaf aatiŋ aabɔr u bi yin u ke Toi na nan ŋun ke David nyaŋ Hadadeser aajab mɔmɔk.

2 Bibɔrb 17:20

Le Uwumbɔr nan yii Israel aanib mɔmɔk, ki daa bitafal ki di bi tii baadim bi kpa mbiin sakpen na, le ki ti baan nyan bi ubaa chee.

2 Bibɔrb 17:23

le Uwumbɔr ti baan nyan bi ubaa chee, ke waatutum bibɔnabr aah sak bi ke u ga ŋa pu na. Kina pu le Asiria aajab nan chur Israel aanib tinaagbiir buen Asiria aatiŋ ki pu bi beenin bi na.

2 Bibɔrb 23:27

Uwumbɔr nan bui ke, “Maah ŋa Israel aatiŋ pu na, kina le m ga ŋa Juda aatiŋ: m ga jenn nyan Juda aanib nnimbiin ni, le ki ga yii Jerusalem aatiŋ ki m lee ki na, ni Uwumbɔr Aadichal li ponn ni m bui ke bi li dooni mi na.”

Aisaya 24:3

Kitiŋ kee ga doon nkuun, kaan ki li kpa nibaa. Uwumbɔr le len, le ni ga ŋa kina.

Aisaya 27:10

Kitisakpeŋ ki bi nan maa ŋigon kiir ki na ber doo a. Ki gur nkuun ke nteersakpiin na la. Ki kpaln inaa aamoŋmɔpaan, nin chee i ga fuur ki ki fii ŋmɔ na la.

Aisaya 43:28

le binib bi joo nimi aatim na bii Maadichal. Kina pu le m bii nimi Israel yaab; ki cha bi seei nimi maanib ngbaan.”

Jeremia 13:19

Bidim gob Juda aatim mu bi ŋŋangii wɔb na; ubaa aan ŋmaa bɔ bijab ni ki ti fuu bi chee. Bi di Juda aanib mɔmɔk buen tinaagbiir ni a.”

Jeremia 20:4

Uwumbɔr ubaa le len ke, ‘M ban m cha aa li ye ijawaan aawan ki tii sin aabaa ni aajɔtiib la, le baadim ga di kijaak aajum ku bi aanimbil ni. M ga di Juda aanib mɔmɔk di ŋa Babiloŋ aabɔr aapɔɔn ni; u ga chur bibaa tinaagbiir buen waatiŋ pu, le ki ku biken mu.

Jeremia 21:7

Sin ma kan, aa ni saaninkpiib, ni binib bi ŋmar butɔb, ni nkon, ni iween ngbaan ni na, m ga cha Ubɔr Nebukadnesar, ni nimi aadim bi ban bi ku nimi na chur nimi. Nebukadnesar ga ti ku nimi. Waan di cha ni ponn ni ubaa, kaan san ubaa kinimbaak. Min Uwumbɔr le len kina.”

Jeremia 39:10

U nan di cha bigiim bi bi Juda aatiŋ pu kaa kpa nibaa na, le ki tii bi ikpaakon ni ŋisubil aasui aasar.

Jeremia 39:9

Kookoo na, Nebusaradann, u ye bijab ngbaan aayidaan na nan chur binib bi nan gur Jerusalem ni na, ki di kpee bi nan san ti kpee u pu na buen Babiloŋ ni, tinaagbiir ni.

Jeremia 52:9

Bi nan di Sedekia buen Ubɔr Nebukadnesar u nan bi Ribla aatiŋ ki bi Hamaf aapepel ni na chee, nima chee le Nebukadnesar nan ti jin u tibɔr ki siin baah ga ŋa u pu na.

Esekiel 33:28

M ga cha kitiŋ ngbaan kpaln kitikuun ki kaa kpa nibaa na, le mpɔɔn mu bi nan mak mu pu sakpen na ga doo. Israel aajoo pu ga li bir sakpen, le ubaa aan dii ŋi chee ki jer.

Maika 4:10

Jerusalem aatiŋ aanib, li mur fenni ki ker idun ke upii u imalween joo u na, ba pu? ni ga nya kitiŋ ponn ni ki ti li koo timoor ni. Ni ga buen Babiloŋ aatiŋ ni; le Uwumbɔr ga ti tee gaa nimi, nimi aadim chee lii nima.

Ikaal 28:36

“Uwumbɔr ga cha bi di nimi, ni nimi aabɔr buen biwɔwɔm aatim ni, nin chee niyaajatiib, ni nimi nibaa aa kee buen na. Nima chee le ni ga ti li dooni idɔ ni ŋitakpal aawaa.

Ikaal 28:64

“Uwumbɔr ga cha ni yaa buen ŋinibol ŋiken mɔmɔk ponn ni, ki di ti nya dulnyaa aapepel libaa ki ti ker liken, nima chee le ni ga doon ŋitakpal ni idɔ aawaa ŋi nimi ni niyaajatiib aa nan nyi dooni ŋi na.

Ikaal 4:26

Ni yaa yii maah tuk nimi pu na kan, paacham ni kitiŋ le ye maaseeraadam din wee, ni ga kpo doo kitiŋ ngbaan pu. Le kina aan cha ni li bi ki yunn, naah ban ni puur Jɔɔdann Aamɔɔl ki ti gaa kitiŋ ki na ni. U ga kuln nimi doo.